Авторизация
 

Нашы марафонцыУ Глыбокім прайшоў занальны конкурс пярвічак ГА БРСМ. Лепшыя каманды Міёрскага, Шаркаўшчынскага, Браслаўскага, Пастаўскага, Глыбоцкага раёнаў прадстаўлялі сваю дзейнасць. Пярвічка СШ №2 райцэнтра заняла трэцяе месца. У склад актывістаў уваходзілі Ірына Мішута (сакратар пярвічкі), Ксенія Алісеенка, Юлія Качан, Алена Касевіч, Эвеліна Нікалаёнак, Вадзім Пучынскі, Аляксандр Шокель, Уладзіслаў Брыцікаў, дапамагалі ім Марыя Сушко і Максім Ярахновіч. Пад кіраўніцтвам намесніка дырэктара па выхаваўчай частцы Алены Рычардаўны Сушко вучні добра падрыхтавалі дэманстрацыю сваёй работы і годна абаранілі яе.

Занальнаму конкурсу папярэднічаў раённы “Марафон”. У склад журы ўваходзілі дырэктар Дома дзіцячай творчасці Валянціна Анкудзімаўна Мітрафанава, метадыст раённага вучэбна-метадычнага кабінета Святлана Вітальеўна Качан, галоўны бухгалтар РК ГА БРСМ Анастасія Пальчэўская, начальнік аддзела па справах моладзі райвыканкама Дзмітрый Радзіхоўскі і выконваючая абавязкі першага сакратара ГА РК БРСМ Марына Паўлаўна Кашкур.

Папулярна расказалі пра дзейнасць сваіх пярвічак СШ №3 і СШ №2: пра дапамогу пажылым і клопат пра будучыню, каштоўнасць сям’і, удзел у розных карысных грамадскіх акцыях. Было бачна, што актывісты цесна сябруюць са спортам, удзельнічаюць у розных спаборніцтвах, а тым самым добры прыклад паказваюць наступным пакаленням. Каманда СШ №2 пад рэчытатыў рэпа прапанавала прэзентацыю сваёй дзейнасці. Вядомы выраз “Быць ці не быць”, Нашы марафонцы
прагучаў новым пытаннем “Якімі ж нам быць, калі быць?” Візітка СШ №3 “Астравы нашага юнацтва”, з якіх утварыўся цэлы архіпелаг, у складзе юнгі, маракоў і марачак, неяк па-сапраўднаму стварала лёгкі марскі павеў, у якім спалучаліся старанне, таленавітасць і запал. Расце і шырыцца з мінулага года ля СШ №3 сад, пасаджаны не без дапамогі пярвічкі. Хутка вясна, і зноў ён апранецца ў квецень.

Дастаткова нялёгкім выдаўся конкурс капітанаў “Цыцэроній”, дзе трэба было назваць прымаўкі і прыказкі, у склад якіх уваходзіць лічэбнік. Багаты “запас” іх аказаўся ў Ірыны Мішута з СШ №2. Правільных адказаў на віктарыну больш падала моладзь СШ №2. Праглядала журы летапісы пярвічак.

Першае месца прысуджана было адзінагалосна пярвічцы СШ №2, а другое—СШ №3. Марына Паўлаўна Кашкур уручыла ім дыпломы адпаведнай ступені і невялікія падарункі ад РК ГА БРСМ.

Падрыхтавала Вольга ВІШНЕЎСКАЯ.
рейтинг: 
Пакінуць каментар
иконка
Комментировать статьи на сайте возможно только в течении 360 дней со дня публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 сентября 2022
Иван

Именины 26 сентября 2022
Александр, Илья, Корнилий, Леонтий, Лукьян, Николай, Петр, Степан, Юлиан

Госці краін

free counters
Партнеры сайта