Авторизация
 

Нягледзячы на тое, што да асоб, якія кіруюць транспартнымі сродкамі ў стане алкагольнага ап’янення, прымяняюцца дастаткова жорсткія меры пакарання, непрыемныя выпадкі здараюцца. І колькасць такіх гора-вадзіцеляў год ад году не памяншаецца. Але п’яны за рулём—гэта такі ж злачынца, як і той, хто ўчыніў крадзёж ці нанёс іншай асобе цяжкія цялесныя пашкоджанні. Ад аўтааварый людзі атрымліваюць калецтвы, паміраюць на дарогах, страчваюць дзяцей...
За кіраванне транспартным сродкам у стане алкагольнага ап’янення, калі яно паўторнае на працягу года пасля накладання адміністрацыйнага спагнання, наступае крымінальная адказнасць па арт. 317-1 КК РБ.

З 23 лютага 2010 года да крымінальнай адказнасці па ч. 2 арт. 317-1 КК РБ прыцягваюцца асобы, раней судзімыя за такія злачынствы. Ім пагражае штраф у 300—1000 базавых велічынь. Вінаватыя прыцягваюцца да папраўчых работ ад 1 да 2 гадоў, могуць быць арыштаваны на тэрмін да 6 месяцаў ці абмежаваны або пазбаўлены волі на двухгадовы тэрмін. Аўтамабіль у такіх правапарушальнікаў арыштоўваецца, у далейшым па рашэнню суда ён можа быць канфіскаваны ў даход дзяржавы, калі вінаваты не заплаціў штраф.

Усе астатнія, хто сеў за руль у стане алкагольнага ап’янення паўторна на працягу года пасля накладання адміністрацыйнага спагнання, прыцягваюцца да крымінальнай адказнасці па ч. 1 арт. 317-1 КК РБ. А пакаранне мала чым адрозніваецца ад таго, што накладваецца на раней судзімых за падобныя злачынствы (адсутнічае толькі абмежаванне ці пазбаўленне волі).
У 2010 годзе да адміністрацыйнай адказнасці за кіраванне транспартнымі сродкамі ў стане алкагольнага ап’янення прыцягнута 190 грамадзян. Усе пазбаўлены вадзіцельскіх правоў (130 чалавек). Аддзяленнем дазнання расследавана 18 крымінальных спраў па арт. 317-1. Вось прозвішчы: В. В. Швяцоў, С. А. Наркевіч, С. Д. Якімовіч, Н.Ф. Працук, В. В. Пятроўскі, А. Г. Лапкоўскі, А. А. Красько, П. П. Бяляцкі, М. П. Гагалінскі, А. А. Бунта, В. Г. Мішута, Д. Г. Сушко, І. Ю. Сямёнаў, С. Н. Бурлоў, А. С. Павутаў, В. В. Мухаеў, А. П. Саруль, А. А. Гамзюк.

Усе, хто любіць пакатацца “з вецярком” пад п’яным кайфам, задумайцеся, што адным махам вы можаце страціць і аўтамашыну, і вадзіцельскія правы на некалькі гадоў, а з сямейнага бюджэту давядзецца выкласці вялізнейшы штраф, што яшчэ горш—апынуцца на нарах.

Кожны павінен памятаць: выпіў—забудзься, што ў цябе ёсць аўтамабіль. Тады не давядзецца ліць слёзы самому і тваім блізкім. А калі пацерпіць невінаваты, то няўдалага аўтааматара чакае да скону жыццё з камянём на сэрцы, што стаў забойцам. А па начах непазбежны пакуты ад бяссоніцы і кашмараў.

І. ФУРС,
начальнік аддзялення
дазнання папярэдняга расследавання РАУС.
рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 12 мая 2021
Арсений, Артем, Василий, Иван, Федот

Именины 11 мая 2021
Виталий, Кирилл, Максим, Анна

Госці краін

free counters
Партнеры сайта