"Забота-2013"

З мая да жніўня 2013 года на тэрыторыі рэспублікі органы ўнутраных спраў праводзяць комплекс мерапрыемстваў па міжведамнай спецыяльнай праграме "Турбота".

Адна з задач праграмы — прафілактыка безнагляднасці і правапарушэнняў сярод непаўналетніх у летні перыяд, вывучэнне арганізацыі іх вольнага часу і забеспячэнне кантролю за паводзінамі падлеткаў, правядзенне мерапрыемстваў, у тым ліку па папярэджанні траўматызму і гібелі дзяцей.

Адной з прыярытэтных задач, якая стаіць перад органамі ўнутраных спраў на транспарце, нязменна застаецца забеспячэнне бяспекі жыцця і здароўя людзей, руху цягнікоў.

Па выніках 4 месяцаў бягучага года злачынстваў з удзелам падлеткаў на аб'ектах чыгуначнага транспарту, выпадкаў траўматызму не было. Сказваецца прафілактычная работа.

Нагадаю некаторыя меры бяспекі. Яны забараняюць:

-       хадзіць па шляхах і пераходзіць іх перад ідучым цягніком;

-       падлазіць пад вагоны для праходу праз шлях, пералазіць праз счэпкі;

-       садзіцца і высаджвацца на хаду цягніка;

-       высоўвацца з вакон вагонаў на хаду цягніка;

-       скакаць з платформы на чыгуначныя шляхі;

-       класці пабочныя прадметы на рэйкі;

-       пашкоджваць чыгуначнае абсталяванне;

-       кідаць камяні і іншыя прадметы ў цягнікі, што праходзяць міма.

Дарэчы, падкладванне на чыгуначныя і трамвайныя шляхі прадметаў, якія могуць выклікаць парушэнне руху электрычнага транспарту прадугледжвае штраф ад 2 да 10 базавых велічынь, а праход па шляхах ва неўстаноўленым месцы — ад 0,2 да 2 БВ.

 

Бацькам або асобам, якія іх замяняюць, неабходна памятаць, што дзеці да 16 год з 23 да 6 гадзін павінны знаходзіцца дома, на вуліцы — толькі з суправаджаючым дарослым. За парушэнне гэтага правіла штраф складзе да 2 базавых.

Ад вашых паводзін залежаць ваша бяспека і дабрабыт.

 

В. ЛЕДАХОВІЧ,

старшы ўчастковы

інспектар ІСН Полацкага

АУС на транспарце.

 

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.