Конкурс “Триумф. Герои спорта 2012”

У рэспубліцы праходзіць публічны конкурс “Трыумф. Героі спорту 2012” па вызначэнні лепшых каманд і спартсменаў. Для гэтага неабходна запоўніць адпаведную графу ў бюлетэні для галасавання, якія распаўсюджвае аддзел фізічнай культуры, спорту і турызму райвыканкама ў працоўных калектывах, можна за імі звярнуцца і непасрэдна ў аддзел.

 

Лаўрэатам конкурсу будуць прызнаны каманды ці спартсмен, якія выступаюць у гульнявых відах спорту, у камандных дысцыплінах, і дабіліся летась па вашым меркаванні самых высокіх вынікаў на буйных міжнародных спаборніцтвах. Так, у ліку намінантаў мужчынскі і жаночы экіпажы байдарак, каманды па тэнісе, мастацкай гімнастыцы, нацыянальныя зборныя па гандболе (мужчыны) і баскетболе (жанчыны), футбольны клуб “БАТЭ”. Сярод спартсменаў названы Андрэй Казусёнак, Сяргей Руценка, Аляксандр Жукоўскі, Сяргей Мартынаў, Васіль Кірыенка, Уладзімір Самсонаў, Алег Юрэня, Максім Мірны, сярод спартсменак — Ванеса Каладзінская, Аляксандра Герасіменя, Марына Шкерманкова, Вікторыя Азаранка, Ірына Кулеша, Дар’я Домрачава, Любоў Чаркашына, Таццяна Пятрэня. Прагаласуйце і за лепшых трэнераў.

Ваша меркаванне можа быць рашаючым у вызначэнні лепшых спартсменаў краіны. Галасуйце!            

А. ЖУК.

 

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.