Масавае мерапрыемства ў Гомелі было незаконным

 Следчы камітэт узбудзіў крымінальную справу па факце арганізацыі дзеянняў, якія груба парушылі грамадскі парадак у Гомелі. Па дадзеных следства, 28 лютага, паддаўшыся заклікам, апублікаваным у сацыяльных сетках і мэсэнджарах, ля гандлёвага цэнтра «Сакрэт» сабралася 200 чалавек ва ўзросце ад 13 да 21 года. Іх аб’ядноўвалі агульныя погляды і прыналежнасць да розных моладзевых субкультур, у тым ліку «ЧВК Рэдан» і так званых «каляфутбольных рухаў».

Масавае мерапрыемства ў Гомелі было незаконным. Групу затрымалі супрацоўнікі міліцыі. З 200 чалавек 183 аказаліся непаўналетнімі. Узбуджана крымінальная справа па арт. 342 Крымінальнага кодэкса: арганізацыя і падрыхтоўка дзеянняў, якія груба парушаюць грамадскі парадак. Цяпер праводзяцца следчыя дзеянні і аператыўна-пошукавыя мерапрыемствы, накіраваныя на выяўленне арганізатараў масавага збору.

Аналагічныя сустрэчы падлеткаў-прыхільнікаў у Расіі і Украіне заканчваліся беспарадкамі і масавымі дракамі ў грамадскіх месцах.

У сацыяльных сетках працягваюць з’яўляцца публікацыі з заклікамі да несанкцыянаваных масавых мерапрыемстваў у розных гарадах Беларусі. Не паддавайцеся на правакацыі. Усе спробы парушэння грамадскага парадку будуць актыўна і строга спыняць праваахоўныя органы, а ўдзельнікаў такіх мерапрыемстваў абавязкова прыцягнуць да ўстаноўленай законам адказнасці, аж да крымінальнай.

Паважаныя бацькі, абараніце сваіх дзяцей ад неабдуманых дзеянняў. Іх наступствы могуць быць цяжкімі.

 

Следчы камітэт Рэспублікі Беларусь.

Фота для ілюстрацыі.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.