Авторизация
 

Міёршчыну наведалі намеснік міністра прыродных рэсурсаў Аляксандр КОРБУТ і прадстаўнікі праэкта "Ветландс": што было на сустрэчы

 На мінулым тыдні Міёршчыну наведалі намеснік міністра прыродных рэсурсаў і аховы навакольнага асяроддзя Аляксандр КОРБУТ, старшыня абласнога камітэта прыродных рэсурсаў і аховы навакольнага асяроддзя Віктар ГАЛАНАЎ, Пастаянны прадстаўнік Праграмы развіцця ААН Анастасія САЛАЎЁВА і яе намеснік Армен МАРЦІРАСЯН, кіраўнік праекта «Ветландс» Аляксей АРЦЮШЭЎСКІ. Падчас візіту адбылася сустрэча з кіраўніцтвам раёна, дзе абмеркавалі перспектывы развіцця зялёнай эканомікі ў рэгіёне. Госці пабывалі ў візіт-цэнтры «Ельня», на экасцежцы, у заказніку «Жада».

 

Рабочы візіт быў прымеркаваны да Сусветнага дня біяразнастайнасці, што адзначаецца 22 мая, і меў за асноўную мэту наведванне адноўленага тарфяніка на балоце Жада. Аднаўленне гідралагічнага рэжыму на балоце – адно з мерапрыемстваў «Ветландса». Гэта праект Праграмы развіцця ААН і Глабальнага экалагічнага фонду. Рэалізуецца сумесна з Міністэрствам прыродных рэсурсаў і аховы навакольнага асяроддзя.

 
Як заўважыў падчас сустрэчы ў райвыканкаме кіраўнік праекта «Ветландс» Аляксей Арцюшэўскі, на Міёршчыне станоўчы вопыт па рэалізацыі ініцыятыў Праграмы развіцця ААН. Паспяхова дзейнічае візіт-цэнтр «Ельня», уладкаваны ў 2013 годзе ў рамках аднаго з праектаў
ПРААН. Вабіць турыстаў экасцежка, што вядзе да ўнікальнай прыроды і дазваляе ўбачыць на шляху розныя тыпы балотных экасістэм. Яшчэ ў выніку супрацоўніцтва з ПРААН на Ельні пабудаваны 46 плацін, што істотна зніжае рызыку пажараў на тарфяніках. Папоўнілі спіс добрых  вынікаў работы па паўторным забалочванні ў заказніку «Жада».

 
Упершыню пабывала ў Міёрскім раёне Пастаянны прадстаўнік ПРААН Аляксандра Салаўёва. Адзначыла адметнасць мясцовай прыроды, заўважыла, што важна шукаць шляхі, пры якіх развіццё эканомікі не будзе ставіць пад пагрозу навакольнае асяроддзе. З яе слоў, у Праграме развіцця ААН на 2021 – 2025 гады прадугледжаны не толькі праекты міжнароднай тэхнічнай дапамогі, але і прыцягненне інвестыцый у беларускія рэгіёны, таму адсюль чакаюць перспектыўныя ідэі эканамічнага развіцця.

 
Старшыня райвыканкама Ігар Кузняцоў згодны з тым, што прыроду трэба берагчы. Разам з тым указаў на эканамічныя плюсы здабычы торфу. Распрацаваны адпаведны праект. На думку кіраўніка раёна, мэтазгодна праводзіць паўторнае забалочванне тэрыторый пасля здабычы каштоўнага прыроднага матэрыялу. Старшыня абласнога камітэта прыродных рэсурсаў і аховы навакольнага асяроддзя Віктар Галанаў заўважыў, што прапанова патрабуе комплекснай ацэнкі.

 

Кацярына РЫНКЕВІЧ

Фота Казіміра БЛАЖЭВІЧА.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта