Авторизация
 

Аляксандр Лукашэнка: нельга дапусціць спаду эканомікі і ўзроўню жыцця людзей, трэба бачыць шляхі развіцця

 Прэзідэнт, прызначыўшы новы склад урада 4 чэрвеня, арыентаваў усіх на інтэнсіўную работу для пераадолення сучасных цяжкасцей і выклікаў. 

– Становішча спраў, што складваецца ва ўсім свеце, а значыць, і ў нашай краіне, вы ўсе ведаеце. Вялікая колькасць новых выклікаў, якія сканцэнтраваліся ў сціслы перыяд часу, патрабуюць максімальнай мабілізацыі намаганняў усіх дзяржаўных органаў і найперш урада, – сказаў ён. – Гэта наймацнейшая праверка нашай стойкасці і захавання дзяржавы. Мы павінны вытрымаць гэта. І мы вытрымаем, не першы раз, і пераможам.

Аляксандр Лукашэнка падкрэсліў, што цяпер мала не дапусціць спаду эканомікі і ўзроўню жыцця людзей.
– Неабходна ўмець не толькі працаваць у складаных і непрадказальных умовах, але і бачыць шляхі развіцця там, дзе іх не бачаць іншыя. А калі стаіць пытанне нашай выжывальнасці, мы ўсе павінны зразумець і ўбачыць гэтыя шляхі, – адзначыў Прэзідэнт. – Выхопліваць і выкарыстоўваць кожны шанц, кожную магчымасць для руху. Для гэтага нам трэба без прыхарошвання ацаніць праведзеную работу: што дасягнута на сёння, а што не, сумленна адказаць на пытанне «Чаму?», зрабіць высновы і вызначыць увесь спектр задач, якія стаяць перад намі – і неадкладных, і сярэднетэрміновых, і стратэгічнага характару.


Асаблівую ўвагу новаму складу ўрада варта засяродзіць на вырашэнні задач, якія стаяць перад сферамі, найбольш блізкімі да людзей: жыллёва-камунальнай гаспадаркай, будаўніцтвам, аграрнай галіной.


– Нам трэба сур’ёзна заняцца пытаннямі рэгіянальнай палітыкі, каб падцягнуць да вялікіх гарадоў раёны, якія адстаюць ад узроўню і якасці жыцця. Прыкладна тое, што мы пачалі рабіць па Віцебскай вобласці. Гэта задача не толькі мясцовых улад. І ўраду трэба будзе сістэмна вырашаць гэту праблему. У нас жа кампактная, кіруемая краіна, – сказаў Прэзідэнт. – Памятайце, што ўсе прапанаваныя рашэнні павінны праходзіць праз прызму ацэнкі іх уплыву на патрэбы і запатрабаванні чалавека – дастойныя рабочыя месцы, узрастаючыя даходы, даступныя цэны на тавары і паслугі.


Кіраўнік дзяржавы назваў урад «эканамічным штабам і цэнтрам выпрацоўкі найважнейшых рашэнняў».
– Неабходна знайсці формы і інструменты, якія прымусяць усю сістэму дзяржаўных органаў забяспечваць выкананне галоўнай мэты – дасягненне ўстойлівага збалансаванага эканамічнага росту з тэмпамі, вышэйшымі за сярэднесусветныя. Іншага выйсця няма. Ніхто не павінен застацца ў баку ад гэтай работы, і кожны павінен дакладна разумець сваю ролю ў гэтым працэсе, – падкрэсліў Прэзідэнт.


Ён адзначыў, што ў Беларусі адкрытая эканоміка, аднак меры для абароны ўласнага рынку прымаць усё ж неабходна.
– Наш унутраны рынак невялікі, але і аддаваць яго ні ў якім разе нікому нельга. Гэта тое пытанне, якое стаіць перад урадам, і той урад не вырашыў гэта пытанне, – сказаў Аляксандр Лукашэнка.


Аднак эканамічны рост павінен быць не толькі за кошт унутранага рынку, але і пераважна за кошт экспарту і знешняга попыту.
– Няма экспарту – няма валюты. Прычым праблему залежнасці ад рынку адной краіны трэба вырашыць канчаткова. Мы не можам нават ад брацкай Расіі залежаць на 50 – 55 працэнтаў. Мы павінны дыверсіфікаваць рынкі, – заявіў Прэзідэнт. Ён нагадаў, што раней ужо былі прыняты рашэнні аб неабходнасці развіцця экспарту ў краіны блізкага і далёкага замежжа, пошуку новых рынкаў, і ў гэтым напрамку патрэбны сур'ёзныя зрухі.


Прэзідэнт пералічыў некаторыя істотныя дасягненні краіны за час незалежнасці, значных, прарыўных праектаў, у ліку якіх арганізацыя пад Мінскам высокатэхналагічнай аграпрамысловай вытворчасці поўнага цыкла, рэалізацыя касмічных праграм, з'яўленне ІТ-галіны. У бліжэйшы час у Беларусі будзе запушчаны першы блок атамнай электрастанцыі. Відавочны дасягненні ў асваенні касмічнай прасторы, распрацоўкі ў галіне ўзбраенняў і ракетабудавання.


Аляксандр Лукашэнка намераны зрабіць усё неабходнае для захавання суверэнітэту і незалежнасці беларускай дзяржавы.
– Нам дасталася краіна. Мы стварылі першую незалежную суверэнную дзяржаву. І мы гэту краіну нікому не аддадзім, каб з яе здзекаваліся, дэстабілізавалі кожны дзень, парвалі на кавалкі і камусьці аддалі, – падкрэсліў беларускі лідар.

Фота БЕЛТА.
Па матэрыялах БЕЛТА.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 343
  • 0

Інвестыцыйны форум

  • 23 сентябрь 2011, 10:05
  • 88 563
  • 1

Злавілі рыбку, ды… залатую

  • 28 февраль 2011, 16:16
  • 87 221
  • 0

Пераброддзе 2012. Погляд вучонага

  • 31 август 2012, 15:19
  • 42 510
  • 0

  • 11 февраль 2011, 11:20
  • 42 136
  • 0

Кандыдатамі жадаюць стаць

  • 21 август 2012, 15:30
  • 36 574
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 703
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 июля 2020
Арсений

Именины 14 июля 2020
Алексей, Аркадий, Василий, Иван, Константин, Кузьма, Лев, Павел, Петр, Тихон, Ангелина

Госці краін

free counters
Партнеры сайта