Авторизация
 

Міністр аховы здароўя Уладзімір Каранік «Гэта не апошняя пандэмія, якую мы перажывём»

 Стрым па COVID-19 восьмага красавіка прайшоў у Нацыянальным прэс-цэнтры. Міністр аховы здароўя Ула-дзімір КАРАНІК і галоўныя ўрачы 1-й і 6-й гарадскіх клінічных бальніц Мінска Дзмітрый ШАЎЦОЎ і Ігар ЮРКЕВІЧ адказалі на пытанні, якія найбольш хвалююць насельніцтва. Да ўвагі чытачоў асноўныя аспекты. 

За тры месяцы 2019-га ў Беларусі ад пнеўманіі памерлі 277 чалавек, за гэты перыяд 2020-га – 254.


Чым каронавірусная інфекцыя адрозніваецца ад грыпу? Інкубацыйны перыяд у другім выпадку складзе два – тры дні, і клінічная карціна будзе яркай: рэзка падымецца тэмпература, з'явяцца гарачка, дрыжыкі, інтаксікацыя арганізма. Пры каронавірусе клініка праяўляецца паступова праз шэсць – сем дзён. У інфіцыраваных можа прапасці нюх, з'яўляецца кашаль, абцяжарваецца дыханне.


Сярод хворых больш за ўсё людзей ва ўзросце 50 – 60 гадоў, але ёсць і маладыя. Каронавірус небяспечны для тых, хто пакутуе ад цукровага дыябету, лёгачных і імунных захворванняў. У іх могуць узнікнуць ускладненні.


Сёння праблем з тэсціраваннем на каронавірус няма. У краіне працуюць 13 лабараторый. У бліжэйшы час беларускія дактары вырабяць плазму крыві, узбагачаную антыцеламі. Яе выкарыстаюць для лячэння пацыентаў з цяжкай формай цячэння хваробы.


Урачы сцвярджаюць, што большасць выпадкаў інфекцыі праходзіць у лёгкай форме. У 20 % хворых выяўляюць пнеўманію, у 5 % – яе цяжкае працяканне. Сярод пацыентаў, якіх знялі са штучнай вентыляцыі лёгкіх у сувязі з выздараўленнем, пажылыя з анкалогіяй.


Сітуацыя ў Віцебску напружаная, але не палохае. Захварэлых менш, чым у Мінску, але больш у параўнанні з іншымі абласнымі цэнтрамі. Перапрафіляваны бальніцы, арганізаваны пункты рэспіраторнай падтрымкі, закуплены лекі.


Праблема з маскамі ёсць не толькі ў нашай краіне. Пастаўлена задача пашырыць іх выпуск. Легпрам плануе вырабляць да 2 мільёнаў масак у суткі.


За два тыдні ў краіне скупілі 14-месячны запас парацэтамолу. А яго бескантрольны прыём можа нанесці шкоды больш, чым каронавірус. Магчыма, ёсць сэнс абмежаваць водпуск гэтага прэпарата.


Усе замежныя грамадзяне, якія прыязджаюць на БелАЭС, праходзяць лабараторнае тэсціраванне. У групы будаўнікоў, якія прыбылі на станцыю, пацвердзіўся каронавірус. Іх шпіталізавалі. Цяпер вызначаецца, хворыя яны ці з'яўляюцца носьбітамі.


Міністэрства аховы здароўя спадзяецца на адказнасць людзей на самаізаляцыі, паколькі ад гэтага ў першую чаргу залежыць здароўе іх блізкіх. Уведзена адміністрацыйная адказнасць за парушэнне рэжыму: штраф да 50 базавых велічынь ці арышт або крымінальная адказнасць аж да пазбаўлення волі.


Стаматолагі перастаюць прымаць планавых пацыентаў. Наогул усе планавыя медыцынскія працэдуры цяпер лепш адкласці. Пацыентаў з падазрэннем на каронавірус абавязкова шпіталіза- ваць. Такіх сітуацый, што не хапіла месцаў, не было і не прадбачыцца.


Урачы просяць не вадзіць хворых дзяцей у садкі. Дадзеная сітуацыя – нагода задумацца і павысіць узровень адказнасці перад блізкімі і грамадствам.


Вуліцы мыюць і апрацоўваюць ва ўсіх рэгіёнах. Дэзынфекцыю ўзмацняюць у месцах агульнага карыстання, грамадскім транспарце, на прыпынках.


Міністэрства аховы здароўя разам з каталіцкай і праваслаўнай цэрквамі заклапочаны правесці святы бяспечна.


Па словах міністра аховы здароўя, у свеце перыядычна ўзнікаюць інфекцыі, якія выклікаюць асаблівыя апасенні. Аднак мы паспяхова іх пераадольваем. І гэта не апошняя пандэмія, якую перажывём.

Фота з інтэрнэт-крыніц.
Падрыхтавала Алена ВАРОНІНА.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 279
  • 0

Інвестыцыйны форум

  • 23 сентябрь 2011, 10:05
  • 87 395
  • 1

Злавілі рыбку, ды… залатую

  • 28 февраль 2011, 16:16
  • 84 343
  • 0

Пераброддзе 2012. Погляд вучонага

  • 31 август 2012, 15:19
  • 42 459
  • 0

  • 11 февраль 2011, 11:20
  • 41 661
  • 0

Кандыдатамі жадаюць стаць

  • 21 август 2012, 15:30
  • 36 532
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 656
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 мая 2020
Александр, Василий, Георгий, Ефим, Макар, Сергей, Тарас, Юрий, Ирина

Именины 25 мая 2020
Герман, Денис, Иван, Петр, Федор, Евдокия, Семен, Филипп

Госці краін

free counters
Партнеры сайта