Авторизация
 

У Рэспубліканскім навукова-практычным цэнтры анкалогіі і медыцынскай радыялогіі адкрыўся пансіянат для пацыентаў і суправаджаючых

 30 кастрычніка ў Рэспубліканскім навукова-практычным цэнтры анкалогіі і медыцынскай радыялогіі імя М. М. Аляксандрава адкрыўся пансіянат для пацыентаў і асоб, якія іх суправаджаюць. У цырымоніі прыняў удзел Аляксандр ЛУКАШЭНКА.

У пансіянаце 118 аднамесных і двухмесных нумароў. Ёсць сталовая і кафетэрый, пральня, спартыўны комплекс. Тут будуць размяшчацца грамадзяне, што прыязджаюць на абследаванні, і пацыенты на амбулаторным лячэнні, якім не патрабуецца спецыяльная медыцынская дапамога. З імі змогуць знаходзіцца суправаджаючыя. Акрамя таго, у пансіянаце ёсць месца замежным урачам-анколагам, якія прыязджаюць павышаць кваліфікацыю ў адукацыйны цэнтр пры РНПЦ. Першы паверх будынка плануецца прадаставіць пацыентам, у тым ліку людзям з абмежаванымі магчымасцямі, другі – іх сваякам, трэці – слухачам.


Плануецца, што з лістапада ў РНПЦ анкалогіі будзе функцыянаваць і лячэбна-дыягнастычнае аддзяленне з палатамі павышанай камфортнасці. Іх 10, дзе можа размясціцца не толькі пацыент, але і сваяк, які яго суправаджае. Ёсць душавая і невялікая кухня. Пражываючыя могуць атрымліваць індывідуальнае харчаванне і догляд.


Са слоў Аляксандра Лукашэнкі, пансіянат задумвалі і будавалі як месца, дзе могуць спыніцца пацыенты, якім неабходны догляд, і іх родзічы. Раней ім даводзілася шукаць і здымаць нятаннае жыллё ў Мінску або прыгарадзе, што для многіх фінансава складана. «Драць скуру з людзей, якія трапілі ў бяду, нельга. Трэба зрабіць для людзей. Так, гэта не павінна быць на страту, акупляць будынак трэба. Але не за іх кошт», – сказаў кіраўнік дзяржавы. – Трэба зрабіць усё, каб людзі разумелі, што ёсць справядлівасць. Гэта аб'ект справядлівасці».


У Мінскім раёне Аляксандр Лукашэнка пабываў у нядаўна пабудаваным комплексе інтэрнатаў для супрацоўнікаў РНПЦ анкалогіі і іншых медустаноў, дзе азнаёміўся з планіроўкай кватэр, умовамі пражывання, агледзеў некалькі дапаможных памяшканняў. У час размовы з журналістамі Прэзідэнт назваў гэта шыкоўным жыллём, прычым недарагім. З яго слоў, тут квадратны метр крыху больш за $ 500. Комплекс інтэрнатаў разлічаны амаль на 350 сем'яў. З яго ўводам у эксплуатацыю раённая чарга маючых патрэбу ў паляпшэнні жыллёвых умоў медыкаў скароціцца на 40 %.


Што да сістэмы аховы здароўя ў цэлым, паводле слоў міністра, у краіне ўдалося знізіць паказчыкі смяротнасці, што сведчыць пра эфектыўнасць работы медыкаў. Аднак уладу непакоіць спад нараджальнасці, прычыны бачаць у дэмаграфічным крызісе і змяненнях у менталітэце: жанчыны сталі пазней планаваць дзяцей. Аднак дзякуючы падтрымцы шматдзетных, ёсць станоўчая тэндэнцыя. Кіраўнік дзяржавы таксама звярнуў увагу на неабходнасць знізіць дзіцячую смяротнасць і клапаціцца пра жанчын. «Смерць маці – гэта надзвычайная акалічнасць. Такога ў нашай краіне не павінна быць. Гэта абсалютны прыярытэт», – падкрэсліў ён.


Напярэдадні супрацоўнікі Камітэта дзяржкантролю пабывалі ў РНПЦ. Яго крытыкуюць: празрыстай чарговасці няма, людзі месяцамі ў чаканнях, каб прааперыравацца, гаварыў пра вынікі праверкі кіраўнік дзяржавы. Дырэктар РНПЦ Алег Суконка адзначыў, што аперацыі пачынаюцца з 9 раніцы. У дзень тут могуць зрабіць да 100 хірургічных умяшальніцтваў. Гатовы яшчэ больш, але не ўсё залежыць ад урачоў. Аляксандр Лукашэнка даручыў разабрацца. «Я прывык да дакладаў і рапартаў чыноўнікаў, а потым аказваецца зусім інакш», – заявіў ён. І строга папярэдзіў аб недапушчэнні карупцыі ў медыцыне.


На пытанне журналістаў, які падарунак жадае для сябе, Аляксандр Лукашэнка прызнаўся, што быў бы рады, калі б беларускім урачам удалося знайсці спосаб вылечыць ад раку. Хоць медыкі эфектыўна працуюць – 70 – 75 % людзей жывуць, але ж 30 % гінуць. І многія самі вінаватыя, несвоечасова дыягнастуючы гэту хваробу. Калі б перамагчы немач, чалавецтва ўздыхнула б глыбей і на поўныя грудзі.


Пра свята 7 лістапада Прэзідэнт адзначыў, што Беларусь прадоўжыла традыцыю савецкага часу рабіць так званыя падарункі ўлады народу. Пры гэтым краіна не адмовілася ад свайго гістарычнага мінулага. Не было ў Беларусі, у адрозненне ад суседніх Украіны, Расіі, выпадкаў зносу помнікаў савецкага часу. «Я гэта спыніў адразу. І мы ад гэтага выйгралі», – падкрэсліў кіраўнік дзяржавы.
«Так, быў у нас у гісторыі 1917 год. Ён да нас прыйшоў з іншых тэрыторый. Мы жылі ў Расійскай імперыі, былі яе часткай, адбылася рэвалюцыя, мы пачалі будаваць разам з расіянамі і іншымі першую сацыялістычную дзяржаву. Мэты ж былі высакародныя ў 17-м годзе (вы ўжо, напэўна, гэта не вывучаеце, але я як гісторык глыбока вывучаў), добрыя мэты: нешта народу, нешта сялянам. Зладзеяў і алігархаў да сцяны, павесіць – гэта ўсё было, але было і шмат чаго добрага», – гаварыў Прэзідэнт.

Фота для ілюстрацыі.
Па матэрыялах БЕЛТА. 

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 712
  • 0

Інвестыцыйны форум

  • 23 сентябрь 2011, 10:05
  • 82 272
  • 1

Злавілі рыбку, ды… залатую

  • 28 февраль 2011, 16:16
  • 67 787
  • 0

Пераброддзе 2012. Погляд вучонага

  • 31 август 2012, 15:19
  • 41 188
  • 0

  • 11 февраль 2011, 11:20
  • 39 770
  • 0

Кандыдатамі жадаюць стаць

  • 21 август 2012, 15:30
  • 36 243
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 316
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 16 ноября 2019
Александр, Богдан, Василий, Викентий, Владимир, Иван, Илья, Иосиф, Кузьма, Николай, Павел, Петр, Сергей, Федор, Федот, Анна, Евдокия, Семен

Именины 15 ноября 2019
Константин

Госці краін

free counters
Партнеры сайта