Авторизация
 

Міярчанка Яна Рудзь удзельнічае ў вучэннях "Шчыт Саюза-2019"

 Нядаўна завяршыліся ваенна-спартыўныя баталіі Армейскіх міжнародных гульняў, а беларускія ваеннаслужачыя зноў збіраюцца ў камандзіроўку. У пачатку восені пройдуць сумесныя вучэнні з Расійскай Федэрацыяй «Шчыт
Саюза-2019».

Першымі на палігоны выязджаюць ваенныя сувязісты, каб да прыбыцця асноўных сіл наладзіць якасную і бесперапынную сувязь. Сярод бездаражы ці ў цяжкапраходных лясах, пад зорным небам ці шквальным агнём артылерыі сустрэне свой дзень нараджэння радавы кантрактнай службы Яна Рудзь – сувязіст 86-й брыгады сувязі.


Яна нарадзілася ў Міёрах. Да службы ў арміі скончыла Вышэйшы дзяржаўны каледж сувязі па спецыяльнасці «Тэхнік па тэлекамунікацыях». Да размеркавання дакладна ведала, дзе будзе на практыцы асвойваць прафесію і ў якім статусе.


Бацькі да выбару дачкі аднесліся з гонарам і лёгкім хваляваннем.
– Спачатку служба была няпростай, але з кожным днём мы прывыкалі. Станавілася лягчэй, – заўважае Яна Рудзь. – Адаптавацца да ваеннага ўкладу жыцця дапамаглі баявыя таварышы.


Ваенную службу па кантракце Яна разбаўляе спортам. З сярэдняй школы захапляецца валейболам, прысвяціла яму дзесяць гадоў. Гуляе ў вольны час, наведвае спартыўную залу.


Радавы кантрактнай службы займаецца самаразвіццём. Паступіла ў Беларускі дзяржаўны ўніверсітэт інфарматыкі і радыёэлектронікі.
Армія карысная не толькі для мужчын, але і для жанчын, лічыць Яна.


– Я навучылася правільна распараджацца сваім часам, аб'ектыўна ацэньваць абстаноўку і кантраляваць эмоцыі. А самае галоўнае – хутка вызначаць чалавечыя якасці і недахопы.


Па словах дзяўчыны, служба па кантракце мае шэраг пераваг: стабільнасць, своечасовае грашовае забеспячэнне, паглыбленае медыцынскае даследаванне.


Пра даручаную ёй тэхніку расказвае захоплена. Адзначае, што на- дзейная радыёстанцыя дазваляе хутка і якасна ўстанавіць і забяспечыць сувязь.
– Перш за ўсё, армія навучыла мяне добра абдумваць кожны свой учынак, цаніць час, – расказала Яна. – Хутка будзем выконваць розныя задачы падчас сумеснага аператыўнага вучэння «Шчыт Саюза-2019» на расійскім палігоне. Задача адказная і разам з тым цікавая.


Дома чакаюць бацькі, сястра і сябры.
– Вярнуся – і па-сямейнаму адзначым свята, – коратка, але душэўна заўважае Яна Рудзь.

Фота аўтара.
Вольга ШВЕД.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 сентября 2021
Александр, Илья, Корнилий, Леонтий, Лукьян, Николай, Петр, Степан, Юлиан

Именины 25 сентября 2021
Алексей, Даниил, Иван, Николай, Федор, Юлиан, Афанасий, Семен

Госці краін

free counters
Партнеры сайта