Авторизация
 

У рамках рэспубліканскай акцыі матулям нованароджаных уручылі падарункі

 Па даўно заведзенай традыцыі ў рамках рэспубліканскай акцыі матулям нованароджаных, якія з’явіліся на свет напярэдадні Дня Незалежнасці Беларусі, уручылі падарункі. 

Трэцяга ліпеня з пачэснай місіяй павіншаваць матуль у радзільнае аддзяленне Міёрскай ЦРБ завіталі старшыня раённай арганізацыі “Белая Русь” Алена Шамёнак, першы сакратар РК ГА “БРСМ” Вікторыя Пяткевіч і спецыяліст аддзела загс Вольга Юнок. Святое месца, дзе адбываецца таінства нараджэння, напоўнена святлом і цяплом. Цяпер тут ціха. У аддзяленні чатыры цяжарныя жанчыны, у дзвюх з іх падыходзіць адказны этап, які завершыць дзевяць месяцаў. Гэтых не трывожылі. Зазірнулі ў палаты, куды нядаўна наведаўся бусел.

Маленькі скрутак салодка пасопваў. Гэта дзяўчынка. Яе маці Святлана Рачыцкая ззяе ад шчасця і эмоцый не ўтойвае. Сама адзначае дзень нараджэння разам з галоўным святам краіны, і Алёнка цэліла на важную дату. Аднак крышку не дацярпела, з’явілася на свет напярэдадні – першага ліпеня. Святлана вельмі хацела дачушку, бо сынок ужо ёсць. Трохгадовы Андрушка з татам Юрам чакаюць, турбуюцца, сумуюць ва ўласным доме ў райцэнтры.


Шчаслівая матуля і Алеся. Прыехала ў радзільню з Ідолта. Сучаснае аснашчэнне аддзялення, чулы і кваліфікаваны медыцынскі персанал пасадзейнічалі таму, што і трэці сынок у сям’і Пазняк з’явіўся на свет здаровенькі. Назвалі Марк. Дзень нараджэння будзе адзначаць 28 чэрвеня. Старэйшаму хлопчыку споўнілася шэсць. Дзецям ужо не церпіцца паняньчыцца з малодшым брацікам.


 Алена Шамёнак знайшла для Алесі Пазняк і Святланы Рачыцкай самыя лепшыя словы, пажадала выхоўваць сваіх крывінак моцнымі целам і духам, здаровымі на дабрабыт роднага краю і краіны. Уручыла прэзенты ад “Белай Русі”. Такая традыцыя грамадскай арганізацыі, якая заведзена ў рамках акцыі “З любоўю да дзяцей”. Да віншаванняў далучыўся раённы камітэт “БРСМ”. Аддзел загса выдаў новым жыхарам Міёршчыны пасведчанні аб нараджэнні і даведачную інфармацыю пра значэнне іх імён.


А медыцынскі персанал радзільнага аддзялення запрашаў маладых матуль наведацца да іх яшчэ. Госці падзякавалі яму за пачэсную місію сустракаць новае жыццё. Гэтыя людзі нераўнадушныя ў сваёй прафесіі, а таму можна быць спакойнымі за жанчын і іх дзяцей. 

ДАРЭЧЫ
З дня наваселля ў радзільным аддзяленні Міёрскай ЦРБ з’явіліся на свет 105 немаўлятак. За першае паўгоддзе сёлета — 42. Калі разглядаць у маштабах раёна, бэбі-буму не назіраецца. Падцягнуць дэмаграфічную сітуацыю імкнуцца самі акушэр-гінеколагі ўстановы аховы здароўя. Свая цяжарнасць і роды – неацэнны прафесійны вопыт, які набываюць маладыя ўрачы.

Фота Казіміра БЛАЖЭВІЧА.

Наталія СТАНКЕВІЧ.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 126
  • 0

Інвестыцыйны форум

  • 23 сентябрь 2011, 10:05
  • 79 361
  • 1

Злавілі рыбку, ды… залатую

  • 28 февраль 2011, 16:16
  • 55 885
  • 0

Пераброддзе 2012. Погляд вучонага

  • 31 август 2012, 15:19
  • 40 563
  • 0

  • 11 февраль 2011, 11:20
  • 39 353
  • 0

Кандыдатамі жадаюць стаць

  • 21 август 2012, 15:30
  • 35 885
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 884
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 20 июля 2019
Герман, Лукьян, Павел, Сергей, Евдокия

Именины 19 июля 2019
Александр, Анатолий, Андрей, Антон, Архип, Валентин, Василий, Виктор, Ефим, Иннокентий, Лукьян, Федор, Марфа, Ульяна

Госці краін

free counters
Партнеры сайта