Авторизация
 

Важная роля ў лёсе дзяржавы

 У час сустрэчы з курсантамі, слухачамі і прафесарска-выкладчыцкім саставам Ваеннай акадэміі Прэзідэнт падкрэсліў: “Мы бачым, што дзейнасць Паўночнаатлантычнага альянсу на Еўрапейскім кантыненце значна актывізавалася. Пашырэнне ваенных блокаў, распрацоўка і ўкараненне новых тэхналогій узброенага супрацьборства ўскладняюць сітуацыю паблізу нашых граніц. Беларусь не адступіць ад рэалізацыі мірнай знешняй палітыкі”.

Як заўважыў кіраўнік дзяржавы, Беларусь і ў далейшым будзе абараняць свае інтарэсы, у тым ліку ў рамках сумеснай абароннай дактрыны са сваім стратэгічным партнёрам — Расійскай Федэрацыяй, з якой створана адзіная групоўка. Аднак гэта не значыць, што адмовіцца ад узаемадзеяння з іншымі краінамі ў ваенна-палітычнай сферы. Будучым выпускнікам Ваеннай акадэміі наказаў заўсёды заставацца гатовымі да любога павароту падзей, быць высокапрафесійнымі спецыялістамі, сапраўднымі патрыётамі Айчыны, разумець сваё прызначэнне ў лёсе нашай дзяржавы.


Курсантаў і слухачоў Ваеннай акадэміі Прэзідэнт назваў элітай нашай нацыянальнай арміі, якая фарміруе яе сучаснае аблічча. Звярнуў увагу, што менавіта ад іх залежыць будучыня краіны і твар Узброеных Сіл, не толькі арміі. Навучанне афіцэрскага саставу ў акадэміі праходзіць на высокім узроўні. Захоўваюць традыцыі, вывучаюць ваенную гісторыю, вопыт вядзення сучасных войнаў, лакальных канфліктаў, укараняюць найноўшыя тэхналогіі.


Абавязковая ўмова сучаснай падрыхтоўкі — яе практычная накіраванасць. "Таму ваша галоўная школа — гэта не столькі, можа, вучэбныя класы, колькі палігоны і войскі, — звярнуў ён увагу. — Па шэрагу спецыяльнасцей у акадэміі, як і ў многіх іншых ВНУ, тэрміны навучання скарочаны па маім настойлівым патрабаванні. На падрыхтоўку любога спецыяліста важна адводзіць не больш часу, чым трэба для авалодання прафесіяй".


На думку Прэзідэнта, намаганні прафесарска-выкладчыцкага саставу неабходна накіроўваць таксама на фарміраванне светапогляду курсантаў і слухачоў, бо сучасныя ваеннаслужачыя павінны ўмець аналізаваць падзеі ў свеце.


Галоўнае — мір і стабільнасць. Вось гэтага страціць нельга, зыходзячы з таго, што робіцца ва ўсім свеце. Прэзідэнт дадаў, што Беларусі цяжка канкурыраваць з дзяржавамі, якія забяспечваюць сябе прыроднымі рэсурсамі. "Адстаць жа мы ад іх не павінны. Калі адстанем — будзем нечай правінцыяй, — лічыць ён. — Таму новыя тэхналогіі, крыніцы энергіі — мы проста бегчы за гэтым павінны".


Аляксандр Лукашэнка падкрэсліў, што практычна ўсім трэба праходзіць армейскую школу. У тым ліку праводзіць кароткатэрміновыя прызывы і ў гады вучобы ў ВНУ, каб студэнты маглі асвоіць некаторыя элементарныя рэчы ў плане ваеннай падрыхтоўкі. "Якая б армія ні была ў нас, але гэта школа. Неабходна служыць. Чалавек зусім іншы пасля арміі. І спорт — гэта аснова ўсяго", — лічыць кіраўнік дзяржавы.
Прэзідэнт сур'ёзна думае вярнуць у Беларусь нешта падобнае да нарматываў комплексу ГПА. І ў цэлым размова ідзе пра неабходнасць больш актыўнага фізічнага і працоўнага выхавання дзяцей і моладзі, у першую чаргу ў школах.


У размове з курсантамі кіраўнік дзяржавы падкрэсліў, што не бывае арміі без дысцыпліны. У ёй неабходны парадак і не дапушчальна салдафонства. "Вы не павінны быць грубіянамі ў адносінах да сваіх падначаленых, — сказаў Прэзідэнт. — Не дапускайце дзедаўшчыны. Калі атрымліваю інфармацыю пра гэта ў падраздзяленнях, у мяне ў жылах кроў закіпае. У кожнай роце павінна быць жалезная дысцыпліна, у аснову якой пакладзена справядлівасць".

МЕРКАВАННЕ

Міхаіл Мясніковіч, старшыня Савета Рэспублікі Нацыянальнага сходу:
"Наша краіна за гады суверэннага развіцця дасягнула сур'ёзных вынікаў у справе забеспячэння ваеннай бяспекі. Мы маем моцную армію, эфектыўныя Узброеныя Сілы, у войскі пастаўляецца сучаснае ўзбраенне і ваенная тэхніка. Сёння таксама адна з найважнейшых задач — патрыятызм і самаадданае служэнне Радзіме ўсяго асабовага саставу армейскіх і іншых вайсковых злучэнняў. Вернасць традыцыям для нас — гэта далейшае павышэнне абароназдольнасці нашай дзяржавы".

Па матэрыялах БЕЛТА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 июня 2021
Александр, Алексей, Иван, Кирилл, Рафаил, Мария, Марфа, Марианна, Фекла

Именины 21 июня 2021
Василий, Константин, Павел, Федор, Ефрем

Госці краін

free counters
Партнеры сайта