Авторизация
 

Суверэнітэт для Беларусі — гэта святое

 Пра гэта заявіў Аляксандр Лукашэнка на сустрэчы з прадстаўнікамі расійскай медыйнай супольнасці. У свой час ён уносіў мноства прапаноў па развіцці Саюзнай дзяржавы, аднак не ўсе былі ўспрыняты расійскім бокам. 

Цяпер зноў пачалі ўзнімацца гэтыя пытанні, але схематычна, пры гэтым блытаецца палітыка і эканоміка. «У імя чаго? Навошта раптам цяпер? І што Расія хацела б, што яна прапануе?» — спытаў Прэзідэнт. Адказваючы на ўдакладняльнае пытанне, ці адчувае пагрозу суверэнітэту краіны, кіраўнік дзяржавы адзначыў, што заўсёды ёсць пагроза з аднаго ці другога боку. Найбольшая адчуваецца з паўднёвай граніцы, адкуль хлынула зброя — вось гэта праблема.

Аб аднаўленні міру
"Беларусь зробіць усё, каб аднавіць мір і згоду паміж славянамі. Гэта нялёгка, але нават калі захаваецца самы малы шанц, сваіх спроб мы не пакінем. Будзем імкнуцца да таго, каб у нас тут, на тэрыторыі асноўных славянскіх дзяржаў, быў мір", — заявіў беларускі лідар.


У гэтым павінны дапамагчы і журналісты, перакананы Аляксандр Лукашэнка. "Хаця б таму, што ачагом канфліктаў часта становіцца менавіта медыйная прастора. Трэба ўсведамляць адказнасць за кожнае сказанае і напісанае слова. Калі яно разбурае мір і калечыць лёсы людзей, то ставіць журналіста ў адзін рад з салдатамі, якія страляюць на паражэнне. А некаторыя гавораць, што вы — зброя масавага паражэння. І я з гэтым згодны. Гэта гучыць жорстка, але як яшчэ дастукацца да тых, хто ігнаруе нормы не толькі прафесійнай этыкі, але і чалавечай маралі", — сказаў Прэзідэнт.


У час прэс-туру ў Беларусь расійскія журналісты і блогеры наведалі Полацк. Кіраўнік дзяржавы адзначыў, што гэты горад — калыска славянскай дзяржаўнасці. "Калі ўзяць "Аповесць мінулых гадоў", то ад палачан пайшлі і крывічы, і севяране, а значыць, тут — на беларускай зямлі—знаходзіцца духоўны корань усяго расійскага паўночнага захаду: Смаленска, Пскова, Бранска, Белгарада і Курска", — звярнуў увагу Аляксандр Лукашэнка. Ён выказаў меркаванне, што магчыма таму ў нашай краіне асабліва цяжка і балюча ўспрымаецца любы канфлікт у славянскім свеце. Мы не можам застацца ў баку ад падзей, якія раздзяляюць блізкія па сваёй гісторыі, менталітэце і культуры народы.


Прэзідэнт Беларусі чарговы раз заклікае бакі, якія варагуюць, да практычных крокаў па вырашэнні канфлікту на ўсходзе Украіны. Лічыць, што трэба аднаўляць нармальныя адносіны, і гэта магчыма. "Але чым далей — тым горш. Я вам скажу сваю пазіцыю: усе баяцца, што там (ва Украіне. — Заўвага БЕЛТА) будзе НАТА. Я нядаўна Уладзіміру Уладзіміравічу сказаў: слухай, мы з табой хутка Госпада будзем прасіць, каб там было НАТА, а не адмарожаныя нацмены са стрэльбай. Вось да чаго мы можам давесці", — адзначыў Прэзідэнт.


Кіраўнік беларускай дзяржавы не выключыў, што ў далейшым у іх можа з'явіцца і ракетная зброя. "Вас не здзіўляе, што ў гэты момант ЗША выходзяць з дагавора аб абмежаванні ракет малой і сярэдняй далёкасці. А цяпер уявіце на хвілінку, што ў мяне пад Гомелем будуць стаяць ракеты з ядзернымі боегалоўкамі, а ў вас — пад Растовам. Як вам? Мы што, гэтага хацелі? Таму пакуль не позна, трэба галаву ў рукі ўзяць і не крычаць гвалтам, а нешта зрабіць, каб гэта спыніць", — заявіў беларускі лідар.


Прэзідэнт адзначыў, што без удзелу ЗША ніякая Еўропа праблему не вырашыць. "Але мы ўтраіх (Расія, Украіна і Беларусь. — Заўвага БЕЛТА) можам. Трэба сесці і падумаць, але для гэтага трэба адмовіцца ад нападкаў. Можа недзе нешта за дужкі вывесці, недзе нешта прабачыць на гэтым этапе.


Неабходна сабіраць “Хельсінкі-2”, каб неяк супакоіць свет, — сказаў Аляксандр Лукашэнка. — Я бачу выратаванне ў гэтым, каб мы спыніліся хаця б, каб не беглі ў гонку ўзбраенняў і заўтрашнюю вайну. А мы ўжо амаль страляем адзін у аднаго.


У той жа час Прэзідэнт адзначыў, што краіны не могуць правесці паўнацэнны саміт АБСЕ (апошняя сустрэча кіраўнікоў дзяржаў адбылася ў Астане ў 2010 годзе, папярэдняя — у Стамбуле ў 1999 годзе), каб абмеркаваць актуальныя пытанні міжнароднай бяспекі, не кажучы ўжо пра запуск новага перагаворнага працэсу. "Гэта ж ганьба", — дадаў кіраўнік дзяржавы.

Узаемаадносіны з Расіяй
Кіраўнік дзяржавы падкрэсліў, што калі і аказваецца пэўная крэдытная падтрымка з расійскага боку, то, па-першае, гэта робіцца па значна большай працэнтнай стаўцы, чым крэдыты МВФ. З іншага боку, Расія крэдытуе канечнага спажыўца, які вырабляе тавар, у тым ліку з расійскіх камплектуючых.


"Калі мы сёння ад Расійскай Федэрацыі, напрыклад $4-5 млрд атрымалі крэдытаў, то кожны год за абслугоўванне гэтых крэдытаў плацім $1 млрд 200 млн", — сказаў Прэзідэнт.


"Вельмі часта я чытаю ў СМІ, чую нават ад прыхільнікаў нашага саюза: ну што мы кормім Беларусь? А некаторыя нават падлічылі, што за час незалежнасці нам аж $100 млрд адвалілі».


Аляксандр Лукашэнка лічыць, што гэтыя разлікі звязаны з меркаваннямі аб патэнцыяльнай магчымасці прадаць беларускаму боку пэўныя тавары па больш высокай цане. "Па-першае, яшчэ трэба прадаць. Сёння Расія хацела б больш прадаць нафты і газу, але рынак не спажывае столькі. Таму так разважаць — глупства. А калі б яшчэ абвалілася эканоміка Беларусі, то і гэта не прадалі б. Гэта значыць 25 млрд кубаметраў газу і 24 млн тон нафты, якія мы купляем у Расіі, няхай нават без мытных пошлін (як у нас гэта прынята ў Мытным саюзе, а цяпер у ЕАЭС), тым не менш гэта вялікія грошы", — заўважыў беларускі лідар.


Прэзідэнт дадаў, што і сваімі таварамі Беларусь на расійскім рынку гандлюе без мытных пошлін з вялікім узаемным тавараабаротам.

Крок за крокам выконваць дагавор
У наступным годзе Беларусь і Расія адзначаць 20-годдзе падпісання Дагавора аб стварэнні Саюзнай дзяржавы, а таксама пяцігоддзе Еўразійскага эканамічнага саюза.


Прэзідэнт Беларусі расказаў аб сваім бачанні развіцця саюзнай інтэграцыі, аб тым, як Беларусі і Расіі зняць праблемныя пытанні ў адносінах, у тым ліку па энерганосьбітах, падатковым манеўры, адзінай прамысловай палітыцы.


Беларусь не патрабуе нізкіх цэн на газ, такіх як, напрыклад, для Смаленскай вобласці, дзе яны ў два-тры разы ніжэйшыя. "Мы патрабуем, каб былі выкананы нашы дамоўленасці — яны пранізваюць усе нашы пагадненні і дагаворы — аб роўных умовах для суб'ектаў гаспадарання", — сказаў кіраўнік дзяржавы.


Наконт падатковага манеўру ў Расіі Прэзідэнт звярнуў увагу, што за тры гады яго правядзення беларускі бюджэт страціў амаль $3,5 млрд, да 2024 года яго страты, паводле розных ацэнак, складуць да $10,8 млрд. Фактычна мытныя пошліны ўводзяцца іншым шляхам, канстатаваў кіраўнік дзяржавы і падкрэсліў, што такім чынам разбураецца аснова саюза. "Была жалезная дамоўленасць: роўныя ўмовы для людзей, для суб'ектаў гаспадарання, каб развіваць інтэграцыю. Сёння гэта перакрэсліваецца", — перасцярог Аляксандр Лукашэнка.

Пра СМІ
"Цэнзуры ні ў якім разе быць не павінна, але павінны быць унутраны аўтарскі самакантроль і ўменне захоўваць баланс чорнага і белага, — падкрэсліў беларускі лідар.—Я катэгарычны праціўнік каму-небудзь закрываць рот. І не толькі таму, што я такі дэмакрат. Я зыходжу з прагматычнага пункту гледжання: усё гэта дарэмна. А яшчэ горш — на шкоду".


Прэзідэнт дадаў, што цэнзура асабліва бессэнсоўная ў эпоху інтэрнэта. Ён спакойна пачаў рэагаваць на фэйкі. Але галоўнае для яго — паглядзець, каму гэта выгадна і хто гэта распаўсюджвае. “Ты лепш у вочы глядзі і скажы або публічна, або ў закрытым рэжыме. Я прыхільнік такой палітыкі, а не закуліснай".


Па матэрыяле БЕЛТА.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 94 980
  • 0

Інвестыцыйны форум

  • 23 сентябрь 2011, 10:05
  • 72 596
  • 1

Злавілі рыбку, ды… залатую

  • 28 февраль 2011, 16:16
  • 38 460
  • 0

Пераброддзе 2012. Погляд вучонага

  • 31 август 2012, 15:19
  • 37 017
  • 0

  • 11 февраль 2011, 11:20
  • 35 739
  • 0

Кандыдатамі жадаюць стаць

  • 21 август 2012, 15:30
  • 33 922
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 22 946
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 января 2019
Анатолий, Григорий, Зиновий, Макар, Павел, Петр

Именины 22 января 2019
Захар, Павел, Петр, Антонина, Филипп

Госці краін
free counters
Партнеры сайта