Авторизация
 

Баль-маскарад у Палацы Незалежнасці

 Першы баль-маскарад паклаў пачатак новай традыцыі — збіраць напярэдадні Новага года таленавітую моладзь у Палацы Незалежнасці. Запрашэнні атрымалі школьнікі і студэнты, якія вызначаюцца поспехамі ў вучобе, спорце і творчасці.

У ліку лепшых вучняў і студэнтаў краіны на прэзідэнцкім навагоднім балі-маскарадзе пабывала наша зямлячка Юлія Кураш. 

МІЯРЧАНКА Юля Кураш — студэнтка-трэццякурсніца факультэта англійскай мовы Мінскага дзяржаўнага лінгвістычнага ўніверсітэта. З першага курса ў яе залікоўцы адзнакі ад "8" да "10". Гуляла за ўніверсітэцкую каманду КВЗ, выступае арганізатарам і вядучай на мерапрыемствах факультэта і ўніверсітэта. У мінулым годзе перамагла ў гарадскім конкурсе "Крэатыўны вядучы". У якасці валанцёра суправаджала замежных гасцей кінафестывалю "Лістапад". На прэзідэнцкі баль-маскарад адправілася разам з шасцю студэнтамі МДЛУ.


 — Канечне, вельмі рада, што атрымала запрашэнне. Не верылася, што знаходжуся ў Палацы Незалежнасці, дзе адбываюцца найважнейшыя дзяржаўныя мерапрыемствы. З віншавальнай прамовай да ўдзельнікаў балю-маскараду звярнуўся Прэзідэнт краіны, — расказвае Юля. — Для нас стварылі казачную атмасферу, прапаноўвалі шматлікія забавы. Рабілі на памяць падарункі сваімі рукамі, фатаграфаваліся. Гэтую падзею асвятлялі ўсе беларускія тэлеканалы. Давала інтэрв'ю для "Беларусь 1" і "ОНТ". Запомніўся канцэрт зорак беларускай эстрады, у якім прымалі ўдзел NaviBand, Алена Ланская, Герман і іншыя выканаўцы. Для ўсіх удзельнікаў балю падрыхтавалі салодкія падарункі.


НОВЫ ГОД Юля сустрэла дома ў Міёрах са сваімі роднымі. Як і ва ўсіх студэнтаў, 2018-ы пачынаецца з сесіі. Наперадзе экзамены па гісторыі і фанетыцы англійскай мовы. Рыхтуецца да іспытаў. І спадзяецца, што новы год таксама запомніцца яркімі падзеямі. 

Фота з асабістага архіва Юліі Кураш.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 июня 2021
Мария, Ефрем

Именины 23 июня 2021
Александр, Алексей, Андрей, Василий, Герасим, Иван, Игнатий, Илья, Иннокентий, Кузьма, Макар, Николай, Павел, Тимофей, Анна, Антонина, Семен

Госці краін

free counters
Партнеры сайта