Авторизация
 

Пра ўдзел у міжнародным форуме "Прафсаюзы і будучыня сферы працы"

Об участии в международном форуме "Профсоюзы и будущее сферы труда"Наш карэспандэнт  27-28 красавіка прыняла ўдзел у міжнародным форуме "Прафсаюзы і будучыня сферы працы". Эмоцыі перапаўняюць. Канструктыўныя размовы з прадстаўнікамі ўлады, экскурсія ў музей Вялікай Айчыннай вайны, на цукеркавую фабрыку "Камунарка", лячэбныя працэдуры ў прафсаюзным санаторыі "Крыніца", знаёмствы з калегамі па пяры… І гэта няпоўны пералік убачанага і перажытага на двухдзённым форуме ў Мінску.

 

Удзельнікамі маштабнага мерапрыемства сталі прадстаўнікі 30 дзяржаў. Гэта эксперты ў вобласці працоўнага права, кіраўнікі міжнародных прафсаюзных арганізацый з Азербайджана, Бразіліі, Ізраіля, Іспаніі, Казахстана, Кубы, Кітая, Латвіі, Расіі, Францыі, Чэхіі, Эстоніі…У рабоце форума прыняў удзел урад Беларусі, старшыні пярвічак буйнейшых устаноў і прадпрыемстваў краіны, навукоўцы, дыпламаты... Дэлегаты абмеркавалі глабальныя выклікі будучыні ў працоўнай сферы.


Цырымонія адкрыцця форума адбылася ў Доме прафсаюзаў. Па словах старшыні Федэрацыі прафсаюзаў Беларусі Міхаіла ОРДЫ, у эканоміцы краіны адбываюцца працэсы мадэрнізацыі, якія разам з плюсамі прыносяць мінусы. Адна з вялікіх пагроз — незапатрабаванасць некаторых прафесій. У бліжэйшым часе могуць знікнуць спецыяльнасці бухгалтара, фармацэўта, страхавога агента. Разам з тым, з'явяцца новыя. Абараняць правы і сацыяльныя гарантыі работніка — задача прафсаюзаў. Летась у Беларусі ініцыявана страхаванне па беспрацоўі, што не дапусціць рэзкага зніжэння ўзроўню жыцця. Яшчэ адна ініцыятыва прафсаюзаў — кампенсацыя заробку пры неплацежаздольнасці наймальніка. Акрамя таго, прафсаюзы настойваюць, каб у калектыўныя дагаворы ўключаліся нормы па абавязковым перанавучанні і павышэнні кваліфікацыі.


Об участии в международном форуме "Профсоюзы и будущее сферы труда"Міністр працы і сацыяльнай абароны Беларусі Ірына КАСЦЕВІЧ звярнула ўвагу: актуальныя меры ад беспрацоўя — авалодванне запатрабаванымі прафесіямі, адкрыццё ўласнай справы... Гэтаму спрыяюць службы занятасці.


Пасля прэс-канферэнцыю з журналістамі правялі старшыня федэрацыі прафсаюзаў Міхаіл ОРДА і міністр інфармацыі Лілія АНАНІЧ. Прыкмечана, што за апошні час сюжэтаў і матэрыялаў пра прафсаюзную галіну павялічылася. І па словах міністра, гэта апраўдана. Бо журналісты пішуць пра жыццё, а прафсаюзы заўсёды там, дзе рэчаіснасць. Адказваючы на пытанні пра перспектыву, Міхаіл Орда сказаў, што ва ўмовах мадэрнізацыі і рэструктурызацыі прадпрыемстваў важна падтрымліваць людзей, павышаць іх кваліфікацыю, удасканальваць сістэму грамадскага кантролю, а пытанні па абароне правоў прадугледжваць у калектыўным дагаворы.


Прэс-канферэнцыя прайшла ў прафсаюзным санаторыі "Крыніца". Гэта магутнейшая здраўніца краіны ў аграгарадку Ждановічы каля Мінска, разлічаная на 450 месц. Экалагічна чыстая прырода на беразе Мінскага мора побач з сасновым лесам. Разам з тым, выдатная інфраструктура і дзве тысячы лячэбых паслуг. Усе віды масажу, сухія вуглякіслыя і іншыя ванны, гразі, апаратная фізіятэрапія, касметалогія, дыягностыка, інгаляцыі, інфрачырвоная саўна… Усяго не пералічыць. Тое, што ўдалося паспрабаваць карэспандэнту ў дзень форума,—кропля ў моры. Між тым, задавальнення хопіць надоўга.


Назаўтра журналісты адправіліся на брэндавую цукеркавую фабрыку "Камунарка". "Мы вельмі рады, калі ў нас многа гасцей. Нам ёсць чым ганарыцца, што паказаць і чым здзівіць," — прывітаў журналістаў генеральны дырэктар Іван ДАНЧАНКА. Ён падрабязна расказаў пра гісторыю прадпрыемства і этапы яго развіцця, звярнуў увагу на прынцыпы кіравання персаналам і сацыяльную абарону работнікаў.


Пасля мадэрнізацыі на фабрыцы павялічылася вытворчасць, з'явіліся новыя тэхналогіі, лініі і вакансіі… Толькі летась іх створана 60, сёлета яшчэ 10. Многім кадрам прыйшлося перакваліфікавацца. Фабрыка актыўна заахвочвае да работы моладзь, якая свабодна і лёгка спраўляецца са складанымі машынамі. Цяпер на фабрыцы занята 1656 чалавек, з іх 75 % жанчын.


Прадпрыемства мае добра развіты калектыўны дагавор, у якім прадугледжана сістэма льгот і дадатковых выплат. Вялікая ўвага — сем'ям. Акрамя дзяржаўнай дапамогі ў 240 рублёў, матулі атрымліваюць яшчэ 40 рублёў ад фабрыкі. У дырэктара "Камунаркі" свае метады матывацыі і стымулявання працы. Самы просты з іх — матэрыяльны. У тутэйшых работнікаў заробак вышэй, чым па галіне ў цэлым.


Журналісты прайшліся па цэхах, падзівіліся тэхналагічнаму аснашчэнню, прадэгуставалі прадукцыю, удыхнулі салодкі водар цукерак. Дарэчы, на фабрыцы ёсць паслуга экскурсій для ўсіх ахвотнікаў. Сустрэлі і праводзілі журналістаў "Чырвоныя шапачкі", таксама адзін з брэндаў прадпрыемства. А славутая Алёнка на абгортцы салодкіх вырабаў — аказваецца, дачка савецкага касманаўта Валянціны Церашковай. Калісьці дзяўчынка з мамай прыйшла на фабрыку, сфатаграфавалася і стала першым тварыкам шакаладу.
Пасля салодкага прыёму журналісты адпачывалі ў гасцініцы "Турыст"…

 

Алена БАСІКІРСКАЯ.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 657
  • 0

Інвестыцыйны форум

  • 23 сентябрь 2011, 10:05
  • 33 811
  • 1

Кандыдатамі жадаюць стаць

  • 21 август 2012, 15:30
  • 12 368
  • 0

Пераброддзе 2012. Погляд вучонага

  • 31 август 2012, 15:19
  • 11 403
  • 0

Злавілі рыбку, ды… залатую

  • 28 февраль 2011, 16:16
  • 10 930
  • 0

  • 11 февраль 2011, 11:20
  • 10 389
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 867
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 сентября 2017
Александр, Илья, Корнилий, Леонтий, Лукьян, Николай, Петр, Степан, Юлиан

Именины 25 сентября 2017
Алексей, Даниил, Иван, Николай, Федор, Юлиан, Афанасий, Семен

Госці краін
free counters
Партнеры сайта