На прошлой неделе Президент Александр Лукашенко дал старт республиканской акции «Дай лесу новае жыццё». Предстоящую субботу, 19 октября, Министерство природных ресурсов и охраны окружающей среды объявило Единым днем озеленения. Миорщина присоединилась к мероприятиям по посадке древесно-кустарниковой растительности. 

На мінулым тыдні Прэзідэнт Аляксандр Лукашэнка распачаў рэспубліканскую акцыю «Дай лесу новае жыццё». Сёння Міністэрства прыродных рэсурсаў і аховы навакольнага асяроддзя праводзіць Адзіны дзень азелянення. Міёршчына далучылася да мерапрыемстваў па пасадцы драўнінна-кустарнікавай расліннасці.

У Міёрах акцыя стартавала з вуліцы Камуністыч­най. Азеляненнем тэрыторыі ля футбольнага поля займаліся кіраўніцтва раёна на чале са старшынямі райвыканкама Сяргеем Сямёнычавым і райсаве­та дэпутатаў – Валерыем Драба, а таксама прад­стаўнікі працоўных калектываў, моладзь. Высадзілі 80 саджанцаў сасны, даглядаць і паліваць якія належыць жыллёва-камунальнай гаспадарцы.

Сяргей Алегавіч падкрэсліў важнасць работы па азеляненні тэрыторый:

– Зялёныя насаджэнні, як і балоты, – гэта лёгкія прыроды. Трэба не толькі карыстацца яе багаццямі, але і аднаўляць іх. Гэта добрая справа дзеля нашых дзяцей, унукаў. Асабліва важныя такія мерапрыемствы для моладзі, каб яны перадавалі падобныя традыцыі наступным пакаленням.

Па словах кіраўніка раёна, гэта толькі адзін з участ­каў. На азеляненне горада штогод выдзяляюцца сродкі. Сёлета падоўжыцца добраўпарадкаванне вуліцы Ка­муністычнай, дзе размесцяцца дэкаратыўныя расліны.

З задавальненнем саджае дрэвы Валерый Анато­льевіч. Заўважае, што аднаўляць масівы – абавязак для работнікаў лесу, а яшчэ многія выконваюць яго па закліку душы. Усё больш далучаецца моладзь.

– Кожнае пакаленне робіць свой унёсак у азеля­ненне горада і раёна. Прыемна назіраць, калі едзеш на Павяцце, напрыклад, лес перад асфальтавым за­водам. У 90-я гады там размяшчаўся кар’ер. Або лес у Асавых, дзе пасля вайны было чыстае поле. Гадоў праз дзесяць зашумяць лістотай дрэвы, якія саджаем цяпер, – расказаў кіраўнік дэпутацкага корпуса раёна.

Традыцыйна далучаюцца да акцыі праваахоўнікі. У складзе каманды на чале з намеснікам начальніка РАУС па ідэалагічнай рабоце Андрэем Люцкім тры чалавекі. Ён адзначае ў ліку плюсаў падобных мерапрыемстваў карысць для грамадства і прыроды. Пакінуць пасля сябе добры след на зямлі – такім прын­цыпам кіруецца і ў выхаванні сваіх дзяцей.

Маладая супрацоўніца Міёрскага раёна газаза­беспячэння Дар’я Літвінава падкрэслівае яшчэ адзін бонус – згуртаванне калектыву:

– Акрамя таго, што мы робім карысную справу, яшчэ і кантактуем з калегамі. Дрэвы насычаюць па­ветра кіслародам. Для нас гэта важна, паколькі наш раён становіцца прамысловым.

Пасадка сквера стала першым этапам акцыі.

Учора прадстаўнікі Дзісненскага лясгаса разам з су­працоўнікамі раённай інспекцыі прыродных рэсурсаў і аховы навакольнага асяроддзя і школьнікамі саджалі туі ў парку ў Дзісне.

Алена ВАРОНІНА.
Фотаматэрыял Казіміра БЛАЖЭВІЧА.