Авторизация
 

Прафесійнае свята сустракалі ў Міёрскім аддзяленні Дэпартамента аховы

+
Профессиональный праздник встречали в Миорским отделении Департамента охраныПрафесійнае свята ў Міёрскім аддзяленні Дэпартамента аховы сустракалі ў выхадныя ў клопатах пра ахову дзяржаўнай і прыватнай маёмасці, парадку ў грамадстве. І ў святочны дзень на пасту міліцыянеры групы затрымання, не зніжае пільнасці дзяжурны пульта кіравання, заступілі на вахту вартаўнікі на аб'ектах. Каму выпаў выхадны, больш часу прымаць віншаванні з прыемнай нагоды.
 
—Наша аддзяленне годна выглядае ў вобласці, спраўляецца з пастаўленымі задачамі. Гэта добры стымул і далей несці службу на належным узроўні,—адзначае начальнік Міёрскага АДА Міхаіл Пракопчык.—З пачатку года міліцыянеры аддзялення раскрылі 5 злачынстваў, склалі 457 пратаколаў аб адміністрацыйных правапарушэннях. Сочым за грамадскім парадкам і, вядома, забяспечваем ахову давераных аб'ектаў дзяржаўнай і прыватнай уласнасці.  Цяпер іх налічваецца 234. 

Профессиональный праздник встречали в Миорским отделении Департамента охраныКіраўнік падкрэслівае, што агульны поспех і добрыя вынікі залежаць ад кожнага супрацоўніка. Высокіх адзнак заслугоўваюць многія. У тым ліку камандзір страявога падраздзялення міліцыі Сяргей Маляўка, міліцыянеры-вадзіцелі Юрый Рубанік, Сяргей Вішнеўскі і Яўген Лукоўскі, міліцыянеры-кінолагі Іван Вішнеўскі, Віктар Стома і Павел Шанін, міліцыянеры страявога падраздзялення Станіслаў Курловіч і Максім Мізер. Адказна нясуць службу вартаўнікі Ада Мароз, Зоя Мацур, Іна Гарноўская, Уладзімір Сцепулёнак, Алена Ходас, Юрый Цімафееў, Надзея Волкава, Аляксандр Шыманскі, Наталля Рачыцкая, Ларыса Леўша, Аляксандр Савуць.

Профессиональный праздник встречали в Миорским отделении Департамента охраныСлужба аховы—гэта тая структура, дзе шчыльна пераплецены чалавечы фактар і тэхнічныя магчымасці. Сучасныя сродкі сігналізацыі дазваляюць забяспечыць надзейную ахову жылых дамоў і кватэр, адміністрацыйных будынкаў і магазінаў. Кожныя 8 секунд тэхнічнае абсталяванне "вывучае" стан аб'екта і адразу падае сігнал пры пэўных зменах. Між тым тэхніка патрабуе кантролю і прафілактыкі. 
—Электраманцёраў у нас восем. Адзін займаецца мантажом сігналізацыі, астатнія яе абслугоўваннем,—расказвае  старшы інспектар-інжынер групы сродкаў і сістэм аховы Армен Карапецян.—Вялікі стаж і багаты вопыт у Вячаслава Ходаса, Леаніда Пруднікава, Юрыя Сташулёнка, Валерыя Кубаркі. Усе яны маюць шосты разрад. Раз на месяц на аб'ектах дзяржаўнай уласнасці правяраецца стан сігналізацыі. Часта наведвацца ў прыватныя дамы і кватэры няма неабходнасці, аднак калі ўзнікае патрэба праверыць работу абсталявання, гаспадар жылля звяртаецца з заяўкай у аддзяленне, і электраманцёр з'явіцца на ўказаны адрас.

У падначаленні групы сродкаў і сістэм аховы дзяжурныя пульта кіравання. Іх задача—прымаць сігналы з аб'ектаў і аператыўна перадаваць інфармацыю групе затрымання ці ў раённы аддзел унутраных спраў, а таксама заказчыку. Найбольшы вопыт у гэтай справе ў Ірыны Закрэўскай і Алены Шаркель. Ім даручаюць навучаць рабоце на пульце навічкоў.

Профессиональный праздник встречали в Миорским отделении Департамента охраныПрафесійнае свята—нагода для заслужаных узнагарод. Граматы і ўдзячнасці папоўнілі скарбонку поспехаў некаторых супрацоўнікаў аддзялення. Віншаванні і пажаданні адрасуе калегам начальнік Міхаіл Пракопчык:
—Шчыра віншую з Днём утварэння службы аховы! Жадаю ўсім супрацоўнікам і іх сем'ям добрага здароўя, матэрыяльнага дабрабыту, поспехаў у асабістых і службовых справах. Беражыце сябе на службе і вяртайцеся дадому ў добрым настроі. Асобныя словы ўдзячнасці хочацца сказаць нашым ветэранам. Цяжка пераацаніць іх уклад у станаўленне і развіццё аддзялення аховы. Закладзеныя традыцыі імкнецца падтрымліваць маладое пакаленне. Са святам, паважаныя ветэраны і калегі!

Кацярына РЫНКЕВІЧ.

Профессиональный праздник встречали в Миорским отделении Департамента охраныНа здымках:
1. Начальнік Міёрскага АДА Міхаіл Пракопчык.
2.Міліцыянер-кінолаг Іван Вішнеўскі 24 кастрычніка адзначыў 5-годдзе сваёй службы. Нядаўна ў яго з'явіўся новы памочнік—бельгійская аўчарка Пэгі. Сабаку яшчэ 8 месяцаў, але гаспадар бярэ яго на працу, каб прывыкаў да службовых будняў. 
Дзяніс Гаўрылаў у ахове з 2009 года. Час немалы і адзначаны поспехамі. У ліпені, калі аддзяленне святкавала 50-годдзе, міліцыянера-вадзіцеля ўзнагародзілі Ганаровай граматай абласнога ўпраўлення Дэпартамента аховы.
 
3. Марына Рубанік раней выкладала хімію і біялогію вучням СШ №1 (цяпер Міёрская БШ). З мая 2014 года ў працоўнай кніжцы з'явіўся новы запіс—спецыяліст па кадрах Міёрскага АДА. З абавязкамі асвоілася хутка і лёгка ўлілася ў дружны калектыў. Да таго ж тут без малога 20 год працуе міліцыянерам-вадзіцелем муж Юрый Іосіфавіч.

Профессиональный праздник встречали в Миорским отделении Департамента охраны4. Міхаіл Лашын вартавы пост на мясакамбінаце заняў сёлета ў красавіку. Да гэтага не адзін дзясятак год працаваў экспедытарам у райспажыўтаварыстве. Паспеў зарэкамендаваць сябе на новым месцы: выявіў 60 кг мясной прадукцыі, прыгатавай для вынасу. Абход у вартаўніка 1200 м. Кожную гадзіну—на новы круг. Кажа, напачатку пасля 12-гадзіннай змены ногі гудзелі, але да ўсяго прывыкаеш. 

5. Аб'ём работы ў галоўнага бухгалтара Жанны Лаўрыновіч вялікі. У аддзяленні павінна не толькі своечасова выплочвацца зарплата. Разлічыцца ў тэрмін за запчасткі для аўтамабіляў і за форму для вартаўнікоў, прасачыць аплату кліентаў за прадастаўленыя паслугі і шмат іншых аперацый на бухгалтарскіх плячах. Спраўляецца з імі на працягу трынаццаці год.

Профессиональный праздник встречали в Миорским отделении Департамента охраны6. Хто бывае ў аддзяленні Белаграпрамбанка ці заходзіць у суд, адразу сустракае Станіслава Курловіча. Задача міліцыянера страявога падраздзялення—ажыццяўляць прапускны рэжым і сачыць за бяспекай на давераных аб'ектах. На яго рахунку 23 гады выслугі. Сёлета вырашыў развітацца з міліцэйскай формай. Але у ахове застанецца. Толькі на пасадзе вартаўніка.

7. У ліку абавязкаў групы затрымання—ажыццяўляць кантроль за службай вартаўнікоў на ахоўваемых аб'ектах. Завіталі на мясакамбінат. На пасту Зоя Зелянкова, чыя задача кантраляваць транспарт, што ўязджае і выязджае з тэрыторыі, і Галіна Шук, якая сочыць за парадкам на прахадной. Не раз спынялі спробы вынесці прадукцыю 
з прадпрыемства.

Фота Казіміра БЛАЖЭВІЧА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 727
  • 0

Інвестыцыйны форум

  • 23 сентябрь 2011, 10:05
  • 82 363
  • 1

Злавілі рыбку, ды… залатую

  • 28 февраль 2011, 16:16
  • 68 311
  • 0

Пераброддзе 2012. Погляд вучонага

  • 31 август 2012, 15:19
  • 41 215
  • 0

  • 11 февраль 2011, 11:20
  • 39 786
  • 0

Кандыдатамі жадаюць стаць

  • 21 август 2012, 15:30
  • 36 246
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 329
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 ноября 2019
Александр, Алексей, Антон, Виктор, Дмитрий, Иван, Илья, Иосиф, Константин, Порфирий, Тимофей, Федор, Семен

Именины 21 ноября 2019
Гавриил, Михаил, Павел, Рафаил

Госці краін

free counters
Партнеры сайта