Авторизация
 

Вераснёўскае свята "Жураўлі і журавіны Міёрскага краю"

+
Сентябрьский праздник "Журавли и клюква Миорского края"У нядзелю сонечным промням так і не ўдалося прабіцца праз шчыльную завесу шэрага неба, каб парадаваць цяплом. Вецер павяваў восеньскі, пранізлівы, але спадарожны ў напрамку паўвострава. Адтуль далёка па наваколлі разносіў гул шматлюднасці, у які гарманічна ўпляталіся музычныя пералівы. Настрой улоўліваўся беспамылкова: вераснёўскае свята "Жураўлі і журавіны Міёрскага краю" ў любое надвор'е цёплае і жыццерадаснае. 
 
Сентябрьский праздник "Журавли и клюква Миорского края"Людскі паток падхопліваў гасцей і праносіў між гандлёвых радоў, ад аднаго падвор'я да другога. На шляху набывалі сувеніры, частаваліся прысмакамі, журавінавым морсам, танчылі. Нарэшце прычал-галоўная сцэнічная пляцоўка. Гук фанфар абвясціў урачыстае адкрыццё пятага юбілейнага фестывалю. Пра прыродную самабытнасць і галоўнае багацце раёна-верхавое балота "Ельня" распавялі вядучыя Васіль Мядзюха і Святлана Яроменак. Азёры сінія, паветра чыстае, спелыя і карысныя журавіны, тысячы жураўлёў, якія аблюбавалі міёрскія абсягі падчас міграцыі ў цёплыя краіны. Ганарыцца такім багаццем, захоўваць яго і памнажаць дапамагае фестываль, арганізаваны пры падрымцы праекта Еўрасаюза і Праграмы развіцця ААН "Садзеянне развіццю ўсеабдымнай структуры міжнароднага супрацоўніцтва ў вобласці аховы навакольнага асяроддзя".
  
Сентябрьский праздник "Журавли и клюква Миорского края"Вітаючы гасцей, старшыня райвыканкама Ігар Кузняцоў падкрэсліў, што фестываль ў чарговы раз дапамагае звярнуць увагу на экалогію, спрыяе ў навядзенні парадку на зямлі. А на дасягненне лепшых вынікаў, як вядома, уплываюць толькі сумесныя намаганні. 
Фестываль заняў бачнае месца ў шэрагу яркіх і аўтарытэтных, далёка за мяжой праслаяўляе Міёрскі край, які палоніў і сэрца Санака Самарасінха. Сёлета пастаянны прадстаўнік ПРААН у Беларусі прызнаўся, што адчувае сябе жураўлём, бо ўжо трэці год запар "прылятае" на Ельню ў час асенняй міграцыі птушак. 
 
Сентябрьский праздник "Журавли и клюква Миорского края"Патранат паважанага госця важны, але ён прызнае толькі заслугі раённых ініцыятараў, якія ўласнымі намаганнямі стараюцца захаваць Богам створаны асяродак, памнажаць яго багацці, каб было што пакінуць патомкам. 
Прадстаўнік ПРААН акцэнтаваў увагу на актуальных праблемах экалогіі і змянення клімату. Журавіны ў нашых мясцінах не ўрадзілі і па гэтай прычыне. Будучае чалавецтва звязана з тым, наколькі мы здольны змяніць свае паводзіны, лічыць Санака Самарасінха. Яго заклік безупынна клапаціцца пра родную зямлю, хадзіць пешшу, ездзіць на веласіпедзе, што карысна не толькі для здароўя чалавека, але і навакольнага асяроддзя. У тым дэманструе ўласны прыклад. Нядаўна з групай звыш 300 чалавек пракаціўся на веласіпедзе з Полацка ў Наваполацк і ў зваротным напрамку. Плануе прыняць удзел у велапрабегу па Налібокскай пушчы, паходзе на каноэ, якія маюць на мэце абудзіць свядомасць грамадскасці берагчы і захоўваць прыроду.  

Для дырэктара ГА "Ахова птушак Бацькаўшчыны" Аляксандра Вінчэўскага Міёры таксама адзін з любімых гарадоў Беларусі. Ён асабліва рады прысутнічаць у нашых мясцінах падчас грандыёзнай з'явы-міграцыі птушак. Кожную восень мільёны пярнатых з Еўропы ляцяць у Афрыку. Міёры-на шляху паўночных пералётчыкаў са Скандынавіі. Калі па падліках на Ельні гняздуецца каля 50 пар жураўлёў, то падчас восеньскага пералёту яна прымае дзесьці 20 тысяч птушак. Напярэдадні, 17 верасня, з пяці вышак арнітолагі налічылі 3200 жураўлёў. Іх запрашалі пабачыць праз біноклі і падзорныя трубы. Назіранні здалёк, бо птушкі асцярожныя, могуць успырхнуць і паляцець. Аднак планы ў журавоў былі іншыя, палюбавацца на іх не ўсім удалося. 

Сентябрьский праздник "Журавли и клюква Миорского края"Па традыцыі ў рамках фестывалю адбылося ўзнагароджанне пераможцаў раённага конкурсу па добраўпарадкаванні. Радвялі вынікі агляду падвор'яў. Старшыня раённага Савета дэпутатаў Марыя Баніфатава дзякавала ўсім арганізатарам утульных сялянскіх куточкаў за старанні, уменні, творчы падыход. Так, Узмёнскі сельсавет адзначаны ў намінацыі "Гаспадар зямлі", Міёрскі-"Нашы спадарожнікі жураўлі і журавіны", Завуццеўскі-"Не хлебам адзіным", Перабродскі-"Дружная сям'я", Мікалаёўскі-"Прыгажосць і непаўторнасць Міёршчыны", Туркоўскі-"З творчым запалам", Дзісенскі гарсавет-"Спакон вякоў нам засталася спадчына". Тройка лідараў размеркавалася наступным чынам: трэцяе месца прысуджана Павяцкаму сельсавету, другое-Новапагосцкаму, абсалютным лідарам прызнаны Язненскі сельсавет.
 
Пастаянны прадстаўнік ПРААН у Беларусі Санака Самарасінха гатовы прафінансаваць праект па стварэнні аб'ёмнай архітэктурнай формы сімвала фестывалю-жураўля. Ужо ў кастрычніку плануецца падрыхтаваць эскізы. Мастацкае ўвасабленне даверуць беларускаму мастаку-скульптару, якія спецыялізуецца на такіх тонкіх справах. Са слоў дырэктара ландшафтнага заказніка "Ельня" Івана Барка, ажыццявіць задуманае пастараюцца да наступнага фестывалю ў Міёрах. Намечана яшчэ абсталяваць безбар'еры асяродак на экалагічнай сцежцы для  інвалідаў-калясачнікаў. 
 
Наталія СТАНКЕВІЧ.
Фота К. БЛАЖЭВІЧА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 765
  • 0

Інвестыцыйны форум

  • 23 сентябрь 2011, 10:05
  • 57 576
  • 1

Пераброддзе 2012. Погляд вучонага

  • 31 август 2012, 15:19
  • 25 649
  • 0

Кандыдатамі жадаюць стаць

  • 21 август 2012, 15:30
  • 24 698
  • 0

  • 11 февраль 2011, 11:20
  • 24 507
  • 0

Злавілі рыбку, ды… залатую

  • 28 февраль 2011, 16:16
  • 21 331
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 697
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 августа 2018
Василий, Иван, Кирилл, Платон, Роман, Степан, Тарас, Федор

Именины 14 августа 2018
Александр, Дмитрий, Леонтий, Тимофей, Федор, Софья

Госці краін
free counters
Партнеры сайта