Авторизация
 

Першы шматкватэрны дом для работнікаў металапракатнага завода

+
Первый многоквартирный дом для работников будущего металапракатнага завода14 жніўня — Дзень будаўніка  
Першы шматкватэрны дом для работнікаў будучага металапракатнага завода амаль што гатовы. Будынак плануецца здаць да канца жніўня, а зараз тут "кіпяць" перадпускавыя работы: спецыялісты выпраўляюць усе магчымыя недахопы аддзелкі і пазбаўляюцца ад пылу ў памяшканнях. Карэспандэнт раёнай газеты апрануў спецадзенне і накіраваўся ў новае жыллё… Памахаў мятлой, а таксама даведаўся, якая такая "камунальная аўтаномія" чакае супрацоўнікаў буйнога прадпрыемства.  
 
Первый многоквартирный дом для работников будущего металапракатнага заводаЗДАЕЦЦА, што нават у пахмурны дзень будпляцоўка плавіцца ад стараннасці тых, хто тут працуе. Пакуль ішоў да стартавага аб'екта, сустрэў з дзясятак работнікаў Міёрскай ПМС, спецыялістаў з мясцовай арганізацыі "Капіталдрэўпрадукт" і мінскай генпадраднай арганізацыі "Артсцілком". Парадку 60-ці прафесіяналаў "змагаюцца" на розных франтах: хтосьці рыхтуе падмуркі пад апошнія дамы, нехта пад дахам напалову гатовых двухпавярховак займаецца маналітным ростверкам і недзе ў памяшканні залівае бетонную падлогу. 
 
Первый многоквартирный дом для работников будущего металапракатнага заводаПерад хлопцамі няпростая задача—да канца года неабходна паспець здаць пад ключ яшчэ пяць камфартабельных будынкаў. Зараз яны ў рознай ступені гатоўнасці. Другі і трэці змогуць прыняць навасёлаў у кастрычніку. Чацвёрты ўяўляе сабой вялікую скрынку без ашалёўкі на сценах і з непакрытым дахам, а пра наяўнасць астатніх двух сведчаць толькі падмуркі. 

КАЛІ ўбачыў першынца забудовы, здалося, што тут жывуць людзі. Чаму? У пад'ездах стаяць дамафоны. Пацягнуў за ручку—дзверы не адчыняюцца. Па-другое, у адрозненне ад суседскіх шматкватэрных "волатаў" тут дагледжаныя балконы і чыстыя вокны. Якія ўмовы для жыцця ўнутры? 

Первый многоквартирный дом для работников будущего металапракатнага заводаСустракаюся з генеральным дырэктарам Міёрскага металапракатнага завода Пятром Шымуковічам. Разам трапляем у двухпакаёвую кватэру. Суразмоўца ўводзіць у курс справы:
—Васьмікватэрны дом цалкам мэбляваны за кошт прадпрыемства. У кожнай кватэры (маюцца як двухпакаёвыя, так і трохпакаёвыя) ёсць цалкам абсталяваная кухня, душавая, рукамыйніца, прыбіральня. Сярод самай неабходнай мэблі—двухспальны ложак, а таксама шафы. Дапамогуць у быце халадзільнік і пральная машына. Карацей кажучы, ствараем такія ўмовы для супрацоўнікаў, каб яны маглі адразу сюды засяліцца. 

УРАЗІЛА сваімі памерамі кухня плошчай 15-18 квадратных метраў з выхадам на ўласны балкон. Гаспадароў на кухні чакае газавая пліта і… газавы ацяпляльны кацёл. Гаспадар сам вызначае камфортныя тэмпературныя ўмовы ў кватэры.
—Так, мы робім кожную кватэру незалежнай ад астатніх у плане спажывання цяпла,—Пётр Мікалаевіч дэманструе, як уключаецца кацёл.—Ведаю, што адны людзі любяць, калі ў хаце горача, а іншыя аддаюць перавагу холаду. Увогуле, такім чынам мы пазбаўляем жыхароў усякага роду нязручнасцей тыпу сезоннага адключэння апалу.

Перад адкрыццём будынак старанна правяраецца на наяўнасць недахопаў аддзелкі. Кіраўнік металапракатнага прадпрыемства ў якасці заказчыка арганізоўвае спецыяльныя правяраючыя камісіі, у якіх удзельнічаюць прадстаўнікі ад задзейнічаных у будоўлі бударганізацый і абавязковыя ў такіх выпадках дэлегаты ад дзяржструктур. Спецыялісты разам ходзяць па кватэрах у пошуках дзесьці недафарбаванай сцяны або няроўна ўстаноўленага крана на ўмывальніку. Але такіх выпадкаў вельмі мала. Адзінае, што неабходна зрабіць у кожным памяшканні—падмесці ламінатныя падлогі і выцерці пыл на паліцах. 
Бяру венік, уключаюся ў працу… У такім жыллі прыемна знаходзіцца нават у ролі прыбіральшчыка.

Ігар МАТЭЛЕНАК.
Фота аўтара.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 727
  • 0

Інвестыцыйны форум

  • 23 сентябрь 2011, 10:05
  • 82 362
  • 1

Злавілі рыбку, ды… залатую

  • 28 февраль 2011, 16:16
  • 68 308
  • 0

Пераброддзе 2012. Погляд вучонага

  • 31 август 2012, 15:19
  • 41 215
  • 0

  • 11 февраль 2011, 11:20
  • 39 786
  • 0

Кандыдатамі жадаюць стаць

  • 21 август 2012, 15:30
  • 36 246
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 329
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 ноября 2019
Александр, Алексей, Антон, Виктор, Дмитрий, Иван, Илья, Иосиф, Константин, Порфирий, Тимофей, Федор, Семен

Именины 21 ноября 2019
Гавриил, Михаил, Павел, Рафаил

Госці краін

free counters
Партнеры сайта