Авторизация
 

Перамога за прафесіяналізмам і пільнасцю міёрскіх газавікоў

+
Міёрскія газавікі вярнуліся пераможцамі з рэспубліканскага агляду-конкурсу прафесійнага майстэрства. Лепшай з сямі каманд стала брыгада па абслугоўванні і эксплуатацыі  газавыкарыстальнага абсталявання ў складзе старшага майстра Уладзіміра Максіменкі, слесараў Юрыя Аўласевіча і Сяргея Гайлеша. Конкурс праходзіў у Маладзечне 16-17 сакавіка.
 
Права абараняць гонар УП "Віцебскаблгаз" у рэспубліцы міярчане атрымалі напрыканцы мінулага года, калі занялі 1-е месца на абласным этапе спаборніцтва. Трэба адзначыць, што ў вобласці канкурсанты з Міёр яшчэ ніколі не сыходзілі з п'едэстала пераможцаў, мяняліся толькі пазіцыі. 

Да ўдзелу ў рэспубліканскім конкурсе пачалі рыхтавацца са студзеня. Тэарэтычныя веды, аснашчанасць брыгады, практычныя навыкі і ўменні—усё гэта павінна быць, як гаворыцца, на вышыні. Штудзіравалі тэорыю, адточвалі практыку і ў выніку заваявалі званне "Лепшая брыгада па тэхнічным абслугоўванні ўнутрыдамавога газавыкарыстальнага абсталявання", пакінуўшы за сабой сур'ёзных сапернікаў. Канкурэнцыю міярчанам складалі УП "Мінскгаз", ВУ "Баранавічыгаз", "Лідагаз", "Маладзечнагаз" (мінулагоднія пераможцы), "Магілёўгаз" і РГЗ Калінкавічы.

—Адправіўшы нас на спаборніцтвы, вобласць аказала гэтым высокі давер, і мы павінны былі яго апраўдаць,—гаворыць старшы майстар Уладзімір Максіменка.—Загадзя не ведалі заданні. Разам з прафесіянальным майстэрствам спатрэбіліся знаходлівасць і пільнасць. Тэарэтычныя веды правяраліся ў форме тэсціравання. Практычныя ўменні дэманстравалі падчас рамонту газавага катла і газанагравальнай калонкі. Работа гэта няпростая, але выканалі яе належным чынам. За падтрымку і дапамогу ў падрыхтоўцы да конкурсу ўдзячны кіраўніцтву УП "Віцебскаблгаз", РВУ "Браслаўгаз", РГЗ Міёры.  

Акрамя Ганаровай граматы пераможцаў кожны ўдзе-льнік атрымаў аналагічную ўзнагароду ад УП "Віцебскаблгаз". Наступны рэспубліканскі конкурс прафесійнага майстэрства, дзякуючы старанням нашых газавікоў, пройдзе ў Віцебскай вобласці.

Кацярына РЫНКЕВІЧ.
Фота Казіміра БЛАЖЭВІЧА.


рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 января 2021
Александр, Аристарх, Артем, Архип, Денис, Ефим, Иосиф, Климент, Марк, Никанор, Николай, Павел, Прохор, Степан, Терентий, Тимофей, Трофим, Фаддей, Афанасий, Карп, Семен, Филипп

Именины 16 января 2021
Василий, Гордей, Ирина

Госці краін

free counters
Партнеры сайта