Канстытуцыя Рэспублікі Беларусь была прынята 15 сакавіка 1994 года на 13-й сесіі Вярхоўнага Савета Рэспублікі Беларусь 12-га склікання. Яна складае аснову прававой сістэмы краіны i з’яўляецца асноўным законам дзяржавы. Сучасная Канстытуцыя была распрацавана ў 1994 і скарэкціравана ў 1996 і 2004 гадах. Гэта пятая Канстытуцыя ў гісторыі Беларусі. У гэтым годзе ёй спаўняецца 22 гады. Успомнiм, як усё было.

Першая Канстытуцыя Рэспублікі Беларусь распрацоўвалася 4 гады. Для гэтага былі створаны дзве працоўныя групы: афіцыйная i альтэрнатыўная. Таксама былi створаны камісіi, дзе працавалі розныя спецыялісты: сацыёлагі, юрысты, палітолагі i iншыя. Каб будучая Канстытуцыя была найбольш дасканалай, падрыхтавалі два праекты, якiя потым аб’ядналі ў адзін. Над iм жа i працавалi на працягу некалькiх гадоў.

Спачатку спецыялiсты атрымлівалi заданні, вывучалі канстытуцыі краін Еўропы i ЗША. Потым уся працоўная група збiралася за вялікім сталом, дзе абмяркоўвала раздзелы, кожны артыкул у кантэксце гістарычнага вопыту, а пасля разглядалі магчымасці яго прымянення. Першы праект ужо быў гатовы ў канцы 1991 года i прайшоў экспертызу замежных спецыялістаў у Польшчы, Германіі, Англіі, Украіне, ЗША і Расіі.
Сучасная Канстытуцыя мае невялiкiя папраўкі, таму яна па некаторых пунктах не адпавядае Канстытуцыі 1994 года. Галоўныя змены былі ўнесены ў статус і паўнамоцтва дзяржаўнай улады. Але ж зараз многія нормы 1994 года, напрыклад, раздзелы "Асоба”, "Грамадства” засталіся без змяненняў.

Канстытуцыя Рэспублікі Беларусь усталёўвае адказнасць дзяржавы за стварэнне ўмоў для свабоднага развіцця асобы, адказнасць грамадзяніна перад дзяржавай за няўхільнае выкананне абавязкаў, ускладзеных на яго Канстытуцыяй, а таксама яна замацоўвае права кожнага грамадзяніна на юрыдычную дапамогу для ажыццяўлення і абароны правоў і свабодаў. Таму (нават пры любых зменах) Канстытуцыя Рэспублікі Беларусь заўседы будзе абараняць і дапамагаць сваім сумленным грамадзянам.

Вікторыя НОВІК.

На здымку: Вітаем новых грамадзян—Ксенію Жук, Аляксея Вароньку, Ангеліну Невядомскую, Паліну Жук.