Авторизация
 

Да 25-годдзя вываду савецкіх войск з Афганістана

15 лютага 1989 года апошняя калона савецкіх войск перасякла па мосце граніцу з Афганістанам і вярнулася ў сваю краіну. Роўна чвэрць веку гэта дата яднае ўсіх, каго закранула тая вайна.

 

Савецкія войскі выйшлі з годнасцю — на баявой тэхніцы, у поўнай экіпіроўцы, пад разгорнутымі сцягамі. Яны пакідалі кроватачывы Афганістан не пераможцамі і не пераможанымі. Перад нашай арміяй не ставілася задача ваяваць. Савецкія войскі ўвайшлі ў Афганістан па настойлівай просьбе кіраўніцтва гэтай краіны. Асноўнай задачай было дапамагчы, выконваючы інтэрнацыянальную міратворчую місію, згодна саюзніцкіх абавязацельстваў. Акрамя таго, унутраная абстаноўка ў гэтай краіне была вельмі нестабільнай, а СССР меў з Афганістанам 2400 кіламетраў агульнай граніцы, якую тэрмінова патрабавалася засцерагчы ад небяспекі.

 

Любая вайна — гэта заўсёды найвялікшая трагедыя для ўцягнутых у яе народаў. І цяпер, праз чвэрць веку, незагойнай ранай у сэрцах удзельнікаў афганскіх падзей, іх родных і блізкіх жыве горыч страт і смутак пра тых, хто не вярнуўся ў родны дом. Нізкі паклон бацькам і матулям, родным, якія страцілі самых дарагіх людзей. Праз гэту вайну прайшлі 30 тысяч беларусаў, якія з гонарам і доблесцю выконвалі свой воінскі абавязак, праявіўшы мужнасць і гераізм. 72 з іх пражываюць на тэрыторыі нашага раёна і добрасумленна працуюць у народнай гаспадарцы, праходзяць службу ў сілавых структурах. Яны—магутная і канструкцыйная сіла, здольная многае зрабіць у інтарэсах палітычнага і сацыяльна-эканамічнага развіцця нашай краіны, для выхавання моладзі ў духу патрыятызму і вернасці Айчыне.

 

723 беларусы не вярнуліся дадому з той вайны, у тым ліку 5 нашых землякоў: Пётр Брынкевіч, Сяргей Закрэўскі, Уладзімір Мяцелі-ца, Сяргей Станкевіч, Сяргей Шляпаў. Гэтыя хлопцы да канца выканалі свой воінскі абавязак удалечыні ад Радзімы, у гарах Афганістана і засталіся вернымі прысязе. Памяць пра іх навечна ў нашых сэрцах.

На жаль, і ў мірны час радзеюць рады воінаў-інтэрнацыяналістаў. Мы развіталіся з Міхаілам Варонькам, Валерыем Пішчулёнкам, Генадзем Гагалінскім, Віктарам Касцюкевічам, Андрэем Мітрафанавым, Мікалаем Кузіным, Мікалаем Сямашкам, Паўлам Васільевым, Міхаілам Крыўко.

 

Сёння ў 12 гадзін на плошчы Загінуўшых барацьбітоў ля мемарыяла "Чорны цюльпан" адбудзецца мітынг, прысвечаны 25-й гадавіне вываду Савецкіх войск з Афганістана. Прадстаўнікі Савета воінаў-інтэрнацыяналістаў, райвыканкама і раённага ваеннага камісарыята ўспомняць той дзень і тых, хто прайшоў афганскую вайну, і хто з яе не вярнуўся. Наведаюць магілы загінуўшых землякоў, сустрэнуцца з іх блізкімі. Затым пройдуць урачыстыя мерапрыемствы.

 

Паважаныя воіны-інтэрнацыяналісты! Прыміце найлепшыя і шчырыя пажаданні здароўя, шчасця вам і вашым блізкім, дабрабыту і мірнага неба з нагоды 25-й гадавіны вываду Савецкіх войск з Афганістана. Няхай мацнее ваша баявое братэрства, памнажаюцца добрыя і дабрачынныя справы на карысць нашага народа.

 

Райвыканкам.

 

Раённы ваенны камісарыят.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 29 сентября 2021
Алексей, Виктор, Григорий, Иосиф, Сергей, Людмила

Именины 28 сентября 2021
Андрей, Виссарион, Герасим, Григорий, Дмитрий, Иван, Игнатий, Иосиф, Леонид, Макар, Максим, Никита, Николай, Петр, Порфирий, Степан, Федот, Евдокия, Людмила, Мария, Яков, Семен

Госці краін

free counters
Партнеры сайта