Авторизация
 

Вынікі перапісу насельніцтва сведчаць, што дэмаграфічная сітуацыя ў Міёрскім раёне застаецца складанай, колькасць жыхароў працягвае памяншацца. Па стану на 14 кастрычніка 2009 года на Міёршчыне жыло 24,4 тыс. чалавек. Гэта на 7,7 тысячы ці на 24% менш, чым было пры папярэднім перапісе 10 гадоў таму. Для параўнання: у перыяд паміж перапісамі 1989 і 1999 гадоў абсалютнае скарачэнне колькасці жыхароў склала 1,3 тыс. чалавек ці 4%.

Пастаяннага насельніцтва стала менш як у гарадах, так і сельскай мясцовасці. Аднак доля гараджан за дзесяцігоддзе, якое папярэднічала перапісу 2009-га, вырасла з 36 да 41,7%. На час перапісу ў Міёрах жыло 8,2 тыс. чалавек, у Дзісне—амаль 2000.

На вёсцы пражывае 14,2 тыс. чалавек ці 58,3% усяго насельніцтва. У параўнанні з папярэднім перапісам вяскоўцаў паменела на 6,3 тыс. чалавек ці на 30,7%. Гэта звязана як з міграцыйным рухам у гарады, так і з асаблівасцямі ўзроставага складу сельскага насельніцтва.

Для рэспублікі характэрны працэс “старэння”, бо более людзей ад 65 гадоў і старэй. У адпаведнасці з класіфікацыяй ААН насельніцтва лічыцца старым, калі доля асоб ва ўзросце ад 65 гадоў і старэй складае 7% і больш. А іх было на Міёршчыне ў 1999 годзе 19,7%, летась—20,8%, сярод сяльчан нават больш 24%.
Адначасова назіраецца тэндэнцыя памяншэння колькасці дзяцей ва ўзросце да 15 гадоў. За дзесяцігоддзе яно дасягнула 43,5%, у тым ліку на вёсцы—на 49%.
У раёне доля дзяцей ва ўзросце да 15 гадоў зменшылася з 20,5% у 1999 годзе да 15,2% у 2009-ым. Ды і жанчын у найбольш актыўным дзетанараджальным узросце (20-34 гады) за гэты час паменела на 2,2%.

Удзельная вага моладзі ва ўзросце 16-30 гадоў у агульнай колькасці насельніцтва скарацілася ў параўнанні з папярэднім перапісам на 2,2% і склала 14,2%. Пры гэтым сярэдні ўзрост жыхароў раёна павялічыўся з 40,4 года ў 1999-ым да 43,5 гадоў летась.

У раёне намеціўся спрыяльны рост долі насельніцтва ў працаздольным узросце: у 1999 было 49% агульнай колькасці, летась—53,3%. На 1000 працаздольных прыходзіцца 875 непрацаздольных.

Жанчыны складаюць 53,6% насельніцтва раёна. На 1000 мужчын прыходзяцца 1154 жанчыны (у 1999 годзе—1148). Сярод гарадскога насельніцтва гэты паказчык вышэйшы—1207.

На вёсцы па-ранейшаму не хапае “нявест”. На тысячу сельскіх мужчын ва ўзросце 20-29 гадоў, калі найбольш актыўна ствараюцца сем’і, прыходзіцца толькі 841 жанчына (па выніках папярэдняга перапісу былі 872). Гэты працэс праявіўся і ў гарадах. Калі ў 1999 годзе на 1000 гарадскіх мужчын прыходзіліся 1084 жанчыны ва ўзросце 20-29 гадоў, то летась толькі 981.

У адпаведнасці з рэкамендацыямі Еўрапейскай эканамічнай камісіі ААН збор дадзеных аб шлюбным стане ажыццяўляўся ў адносінах асоб ва ўзросце 15 гадоў і старэй. Апошні перапіс падцвердзіў, што ў раёне захоўваюцца традыцыйныя нормы шлюбна-сямейных паводзін. У шлюб уступае большасць мужчын і жанчын: па перапісу 2009 года адпаведна 66% і 55,4% ва ўзросце 15 гадоў і старэй. 10 гадоў таму гэты паказчык быў крышку меншы: у шлюбе знаходзілася 65,1% мужчын і 54% жанчын. Аднак за такі ж час паболела мужчын і жанчын, якія не зарэгістравалі адносіны. Доля мужчын у так называемым “грамадзянскім” шлюбе вырасла з 5% у 1999 годзе да 8,1% летась. Сярод жанчын адпаведна 4,1% і 6,8%. Найбольшая колькасць незарэгістраваных шлюбаў у мужчын прыпадае на ўзроставую групу 35-44 гады, у жанчын—35-39.

Высокая смяротнасць сярод мужчын павялічыла ўдзельную вагу ўдоў сярод жанчын. Іх доля ў агульнай колькасці жанчын ва ўзросце 15 гадоў і старэй склала 27% і павялічылася ў параўнанні з дадзенымі папярэдняга перапісу на 1,2%.
У раёне каля 7% разведзеных і разыйшоўшыхся мужчын і жанчын.
Для рэспублікі ў цэлым характэрна невысокая ўдзельная вага асоб, якія на працягу ўсяго жыцця не ўступаюць у шлюб: для мужчын 5,9%, для жанчын—3,1%. Менавіта столькі і на Міёршчыне ва ўзросце 50 гадоў і старэй.

У цэлым па раёну доля асоб, якія ніколі не знаходзіліся ў шлюбе, сярод мужчын 22,2%, сярод жанчын—10,9%. Разам з тым каля 63% мужчын, якія ніколі не знаходзіліся ў шлюбе, і больш 73% жанчын—маладзейшыя 30 гадоў.
Адукацыя. На 1000 працаздольнага насельніцтва на час перапісу прыходзілася 987 чалавек з вышэйшай, сярэдняй спецыяльнай, прафесійна-тэхнічнай, агульнай сярэдняй і базавай адукацыяй.

Да беларусаў аднеслі сябе 93% жыхароў Міёршчыны, да рускіх—каля 4%, да палякаў—1,7%, да ўкраінцаў—0,7%. Беларускую мову назвалі ў якасці роднай 81,8%, рускую—17,1%. Асноўнай мовай узаемаадносін з’яўляецца беларуская. На ёй звычайна размаўляюць дома 63,9% насельніцтва раёна. Рускую выкарыстоўвалі для зносін 32,8% жыхароў. Аднак большасць гараджан (55,9%) размаўляе дома на рускай мове, а 82,4% вяскоўцаў—на беларускай.

Н. НОВІК,
начальнік аддзела статыстыкі.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 28 июля 2021
Василий, Владимир, Петр

Именины 27 июля 2021
Иван, Ираклий, Константин, Николай, Петр, Степан, Федор

Госці краін

free counters
Партнеры сайта