Авторизация
 

Вярніце, калі ласка, цягнік!

28 мая ў райвыканкаме вёў прыём грамадзян першы намеснік міністра жыллёва-камунальнай гаспадаркі РБ Аляксандр Аляксандравіч Церахаў. Ён адзначыў неабходнасць фарміравання ў чалавека адказнасці не толькі за сваю кватэру, а за жыллёвы фонд увогуле. У асабістых дамах ніхто нікому не робіць бясплатна рамонт, а некаторыя жыхары кватэр толькі гэтага і чакаюць. Трэба выпрацоўваць у людзей правільнае меркаванне наконт дадзенай тэмы. Кожны сам нясе адказнасць за сваё жыллё.

 

Зваротаў да намесніка Міністра было няшмат. Значыць, мясцовая ўлада добра спраўляецца са сваімі абавязкамі і большасць пытанняў хутка вырашаецца. У асноўным людзей непакоіць адмена маршруту цягніка Друя-Мінск. Міярчане скардзіліся, што цяпер вельмі складана трапіць у сталіцу без перасадкі ў Круляўшчызне. Праблема і ў тым, што яшчэ раней перастаў хадзіць аўтобус на Мінск, таму дабірацца на вучобу студэнтам ды і іншым трапіць у сталіцу стала цяжэй. І кошт праезду на цягніку амаль у два разы меншы, чым на аўтобусе. Няма папярэдняга продажу білетаў. Было пытанне і наконт іх электроннага браніравання. Намеснік міністра паабяцаў ва ўсім разабрацца.

 

На пытанне, як будзе доўжыцца прыватызацыя Аляксандр Аляксандравіч адказаў, што ўвесь жыллёвы фонд, акрамя сацыяльнага, плануецца перавесці ў арэнднае жыллё. За яго адразу неабходна заплаціць 10% кошту, а астатні выплачваць 40 гадоў роўнымі долямі. Хаця дакумент аб тым яшчэ не прыняты.

 

Жанчыны пахвалілі работу УП "Міёрскае ЖКГ". Карыстаючыся выпадкам, паведамілі пра тое, што хацелася б мець гарачую ваду дома і летам, бо ў многіх узнікаюць праблемы з бойлерамі, даводзіцца шмат плаціць за электраэнергію. Аляксандр Аляксандравіч хутка падлічыў, колькі каштуе выкарыстанне бойлера і цану вады — атрымалася амаль аднолькава. Грунтоўны адказ даў начальнік УП ЖКГ Уладзімір Іванавіч Мяцеліца.

 

Да намесніка міністра звярнулася міярчанка, якая жыве ў доме, што 3 гады назад прызнаны аварыйным (65% зносу). Ёй прапаноўвалі крэдыт на рамонт — 30 мільёнаў пад 3%! Аднак яна ўпэўнена заявіла, што гэтага не хопіць, каб прывесці ў парадак жыллё. Параілі будаваць кватэру, якраз можна ўзяць крэдыт пад 1%. Заробак у жанчыны невялікі, таму адмовілася. Аднак бясплатнага жылля не будзе. А яшчэ можа здарыцца, што пасля рамонту праз некаторы час дом знясуць. Спецыялісты райвыканкама А. А. Колесава і В. А. Ярахновіч патлумачылі, што ў бліжэйшы час ніякай рэканструкцыі або зносу дамоў у цэнтры горада не плануецца. Жанчыне параілі шукаць для сябе прымальны варыянт з тых, што былі прапанаваны.

У правядзенні прыёму наведвальнікаў удзельнічаў начальнік упраўлення ЖКГ аблвыканкама Юрый Адамавіч Дзядзёла.

 

Алена ВАРОНІНА.

 

 

 

 

 

 

 

 

 

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 сентября 2021
Александр, Илья, Корнилий, Леонтий, Лукьян, Николай, Петр, Степан, Юлиан

Именины 25 сентября 2021
Алексей, Даниил, Иван, Николай, Федор, Юлиан, Афанасий, Семен

Госці краін

free counters
Партнеры сайта