Авторизация
 

Памятаем героя

Жалобная вестка прыйшла з абласнога цэнтра — 23 снежня на 77-ым годзе жыцця раптоўна перастала біцца сэрца Героя Сацыялістычнай працы, былой звеннявой па лёну калгаса імя Чапаева нашага раёна Леакадзіі Баляславаўны ЗІМНІК.

 

Л. Б. Зімнік нарадзілася ў 1936 годзе ў вёсцы Чарняўцы Павяцкага сельсавета ў мнагадзетнай сялянскай сям’і. У пасляваенны час яе бацька працаваў намеснікам старшыні сельгасарцелі, і сама яна пачала працоўны шлях у 1950-ым на паляводстве. Пазней з сям’ёй жыла ў вёсцы Рабечына, пра якую цяпер напамінае толькі сасна з буслянкай. Была руплівай, стараннай, а яшчэ дасціпнай, умела і любіла пажартаваць, мела здольнасці аб’яднаць вакол сябе людзей і павесці іх за сабой. Вось таму кіраўніцтва калгаса імя Чапаева прызначыла яе звеннявой. Гэты нешматлікі калектыў у 1970 годзе забяспечыў самы высокі на Міёршчыне ўраджай даўгунцу, што ацэнена для звеннявой высокім званнем Героя Сацыялістычнай працы. Тады ж яна была абрана дэпутатам Вярхоўнага Савета БССР, дэпутатам Прэзідыўма Вярхоўнага Савета. Працяглы час з’яўлялася членам праўлення калгаса імя Чапаева, уваходзіла ў склад многіх выбарных і грамадскіх фарміраванняў. І пры тым заставалася шчырай працаўніцай, аптымістычным чалавекам, шчодрым бессярэбранікам. Такой жа яе ведаюць у абласным цэнтры, калі з’явілася магчымасць пераехаць на пастаяннае месца жыхарства ў Віцебск. Ніколі не плакалася і не скардзілася на лёс, хаця перажыла шмат жыццёвых трагедый: рана пайшоў з жыцця муж, пахавала сына, унука.

 

Да выхаду на пенсію працавала на дывановым камбінаце, таксама старанна і не выдзяляючы свае заслугі, хаця была ўзнагароджана ардэнамі Леніна і “Знак Пашаны”, шматлікімі медалямі. На заслужаным адпачынку жыла сціпла і ціха, імкнулася падтрымаць і дапамагчы кожнаму, а таму яе ведала ўся вуліца. Да апошняга дня, нягледзячы на ўзрост і хваробы, заставалася аптымістам, імкнулася маральна і матэрыяльна падтрымліваць іншых.

Светлая памяць пра выдатнага чалавека і цудоўную працаўніцу назаўсёды захаваецца ў сэрцах яе землякоў.

 

Савет ветэранскай

арганізацыі раёна.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 727
  • 0

Інвестыцыйны форум

  • 23 сентябрь 2011, 10:05
  • 82 363
  • 1

Злавілі рыбку, ды… залатую

  • 28 февраль 2011, 16:16
  • 68 311
  • 0

Пераброддзе 2012. Погляд вучонага

  • 31 август 2012, 15:19
  • 41 215
  • 0

  • 11 февраль 2011, 11:20
  • 39 786
  • 0

Кандыдатамі жадаюць стаць

  • 21 август 2012, 15:30
  • 36 246
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 329
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 ноября 2019
Александр, Алексей, Антон, Виктор, Дмитрий, Иван, Илья, Иосиф, Константин, Порфирий, Тимофей, Федор, Семен

Именины 21 ноября 2019
Гавриил, Михаил, Павел, Рафаил

Госці краін

free counters
Партнеры сайта