Авторизация
 

Наваселле ў музея

За 15 год існавання музей горада Дзісна ўжо некалькі разоў мяняў месца жыхарства. Чарговы пераезд адбыўся мінулым летам з будынка былой васьмігодкі ў пакоі побач з Домам рамёстваў і філіялам Цэнтра дзяцей і моладзі. На новым месцы музей размяшчаецца ў пяці памяшканнях на другім паверсе. З 9 мая яго дзверы расчынены для наведвальнікаў. У ліку першых гасцей экскурсійныя групы з Гродна і Жодзіна. Ды і мясцовым жыхарам цікава будзе завітаць на наваселле.

 

Змяніўся інтэр’ер музея, з’явіліся новыя экспазіцыі. “Асноўныя нашы экспанаты — гэта фотаздымкі, прадметы матэрыяльнай і духоўнай культуры, — расказвае стваральніца музея Ала Пятроўна Майсяёнак. — Таксама прадстаўлены матэрыялы народных умельцаў, жывапісныя работы сучасных мясцовых аўтараў”.

 

Аднаўленне музея, як і яго стварэнне і існаванне, — справа энтузіястаў. Напрыклад, падчас пераезду была праблема з транспартам, і экспанаты Ала Пятроўна перавозіла сама на калясцы. З афармленнем экспазіцый дапамагалі супрацоўнікі гаспадарчай групы аддзела адукацыі, філіяла Цэнтра дзяцей і моладзі, а таксама работнік культуры У. У. Майсяёнак і настаўнік працы Туркоўскай СШ В. Г. Баўтот. Значную падтрымку аказалі мясцовая ўлада і прыватныя прадпрыемствы. Так, вырабам кніжных паліц займаўся “Барай-камень”, піламатэрыялы прадаставіў Э. К. Цярэшка, а дырэктар ААТ “Міёрскі льнозавод” М. М. Клімянкоў — ільняную тканіну. Адчувальная фінансавая дапамога ўраджэнца Дзісны калекцыянера М. Г. Панкрата, які жыве ў Полацку.

 

Таксама ўдзячна Ала Пятроўна метадысту філіяла Цэнтра дзяцей і моладзі В. А. Смаршчок, з якой некалі разам збіралі экспанаты ў горадзе і суседніх вёсках. “Я не ведаю, як бы ішлі справы з аднаўленнем музея, калі б не Вольга Аляксандраўна, — гаворыць жанчына. — Многае яна для гэтага зрабіла. Тым больш што ўвесь час тут”. Сама Ала Пятроўна працуе дэфектолагам ў Дзісенскай школе і не можа бываць у музеі так часта, як хацелася б. Але ідэй і планаў у жанчыны многа, і яна будзе імкнуцца ўвасобіць іх у жыццё, нягледзячы на абставіны.

Дарэчы, папоўніць калекцыю музея можа кожны, у каго ў скрынях ці на гарышчы сярод непатрэбных рэчаў аказаліся закінутымі цікавыя прадметы даўніны.   

 

Кацярына СУРАВЕЦ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 368
  • 0

Інвестыцыйны форум

  • 23 сентябрь 2011, 10:05
  • 88 948
  • 1

Злавілі рыбку, ды… залатую

  • 28 февраль 2011, 16:16
  • 88 391
  • 0

Пераброддзе 2012. Погляд вучонага

  • 31 август 2012, 15:19
  • 42 539
  • 0

  • 11 февраль 2011, 11:20
  • 42 349
  • 0

Кандыдатамі жадаюць стаць

  • 21 август 2012, 15:30
  • 36 591
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 723
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 августа 2020
Анатолий, Борис, Глеб, Давид, Иван, Иларион, Николай, Роман, Кристина, Афанасий

Именины 5 августа 2020
Андрей, Виталий, Михаил, Трофим, Федор, Анна

Госці краін

free counters
Партнеры сайта