Авторизация
 

Пракурор Андрэй Вецюгоў распавёў аб сітуацыі ў Міёрскім раёне

 Існуе меркаванне, што пракурор – галоўны ва ўсёй праваахоўнай сістэме. Перад яго імя многія адчуваюць нясмеласць. Хаця не ўсе дакладна ведаюць, чым займаюцца ў пракуратуры. Пакаральным органам яе лічылі даўней. Цяпер асноўная – назіральная функцыя за выкананнем працоўнага, жыллёвага, анцікарупцыйнага, прыродаахоўнага, падатковага, банкаўскага заканадаўства, патрабаванняў указаў, дырэктыў, іншых нарматыўных прававых актаў. Не менш важны ўдзел у судовых працэсах. 

 

Невялікім складам з шасці чалавек калектыў пракуратуры Міёрскага раёна выконвае аб’ёмную і няпростую работу па ўмацаванні законнасці і правапарадку практычна ва ўсіх сферах жыцця і ў кожным відзе дзейнасці знаходзіць свае перавагі. З кастрычніка мінулага года яго ўзначальвае пракурор Андрэй Вецюгоў. У размове з ім даведаліся пра прыярытэтныя сферы пракурорскай увагі ў раёне.

 

– Разам з задачамі, якія вызначаны Канстытуцыяй і Законам «Аб пракуратуры Рэспублікі Беларусь», асаблівая ўвага на выкананне патрабаванняў Кіраўніка дзяржавы і вырашэнне актуальных праблем, – тлумачыць Андрэй Барысавіч. – Міёрскі раён – аграрны, таму надаём пэўнае значэнне нагляду за сельгаспрадпрыемствамі і арганізацымі. Выязджаем з маніторынгамі, правяраем выкананне працоўнага заканадаўства, аб захаванні дзяржаўнай уласнасці і рацыянальным выкарыстанні матэрыяльных рэсурсаў. Безгаспадарлівасць і марнатраўства, халатныя адносіны работнікаў да сваіх абавязкаў прыводзяць да значных фінансавых страт і іншых непрыемных наступстваў. Нядаўна за сакрыццё падзяжу цялят пад відам рэалізацыі насельніцтву ў адносінах кіраўніка адной з гаспадарак раёна ўзбуджана крымінальная справа.

 
У аграрнай галіне не хапае рацыянальнасці і беражлівасці. На нядаўнім семінары кіраўнікам гаспадарак даводзілі пра законныя правы і магчымасць спаганяць дэбіторскую запазычанасць праз іскавы працэс, аднак нікога гэта не зацікавіла. У шырокім спектры задач пракуратуры і прафілактыка злачынстваў, гібелі і траўматызму. Трывожыць пажаранебяспечная абстаноўка ў раёне. З пачатку года ў агні загінула шэсць чалавек, у той час як за ўвесь мінулы год толькі тры. Негатыўныя тэндэнцыі – гэта наступства халатных адносінаў грамадзян да правіл бяспекі, а таксама ўпушчэнні ў рабоце назіральных камісій, адсутнасць належнага ўзаемадзеяння суб’ектаў прафілактыкі. У кожнага свае задачы, іх трэба неадкладна вырашаць.

 

 Што хвалюе людзей, якія звяртаюцца ў пракуратуру?

– Да нас ідуць за абаронай, за дапамогай па самых розных пытаннях. Многія звязаны з атрыманнем спадчыны, парушэннем працоўнага заканадаўства. Адзін грамадзянін пажадаў скасаваць дагавор з камунальнай службай на цэнтралізаваны вываз смецця.

 

Такое магчыма?

– Не. Паслуга абавязковая, таму зварот не задаволілі. Яшчэ ў сувязі са змяненнямі, унесенымі ў Кодэкс аб адміністрацыйных правапарушэннях, не ўсе органы, што вядуць адміністрацыйны працэс, прымаюць правільныя рашэнні аб прыцягненні грамадзян да адказнасці. Пракуратура раёна ўнесла шэраг пратэстаў у незаконныя рашэнні і ўзнавіла справядлівасць.

 
Праведзена вялікая работа ў складзе камісіі па расследаванні генацыду беларускага народа ў ходзе Другой сусветнай вайны і ў пасляваенны перыяд. У пачатку красавіка бягучага года Генеральная пракуратура Беларусі ўзбудзіла крымінальную справу па гэтым факце. Крымінальны працэс дазволіць устанавіць канкрэтных асоб з ліку нямецкіх захопнікаў і іх саўдзельнікаў, якія пазбеглі адказнасці за забойства мірных жыхароў, здзекі ў канцлагерах, масавы згон насельніцтва ў нямецкае рабства.

 
Мы апыталі 11 вязняў, якія пражываюць у Міёрскім раёне. Усе яны прайшлі праз цяжкія выпрабаванні, слухаць і нармальна ўспрымаць тую жудасную рэчаіснасць немагчыма. Вязні прызнаны пацярпелымі па крымінальнай справе.

 

Ваша рабочае месца і дапаможны стол загружаны папкамі з дакументамі. Усё паспяваеце на працягу працоўнага дня?
– Рэжым работы пракуратуры з 9 да 18 гадзін. Рэдка калі нашы супрацоўнікі пакідаюць месца працы своечасова. Даводзіцца выязджаць па рабоце і ў выхадныя дні. Хвіліны адпачынку цэняцца асабліва. Іх праводжу з сям’ёй.
Аднак развітацца з думкамі пра пракурорскія справы нават у асабістай прасторы надта складана, а ў грамадскай тым больш. Сеў за руль і па шляху само сабой заўважаюцца недахопы, міма якіх праехаць проста немагчыма. У маім мабільным тэлефоне цікавых сюжэтных фотаздымкаў няма, зафіксавана толькі тое, што трэба выпраўляць.

 

Якімі якасцямі павінны валодаць работнікі пракуратуры?

– Гэта вялікі набор, у тым ліку мэтанакіраванасць, уседлівасць, эмацыянальная ўстойлівасць, увага да дробязей, прынцыповасць. Перад усім глыбокія прававыя веды, бо мы нясём асаблівую адказнасць перад людзьмі і грамадствам.

 

Ваш калектыў адпавядае такой характарыстыцы?

– Безумоўна. У нас працуюць граматныя, адданыя справе людзі. Заўсёды можна разлічваць на маіх галоўных памагатых. Намеснік пракурора Святлана Раманоўская – гэта скарбніца пракурорскіх ведаў і вопыту, адказная і надзейная калега. Памочнік пракурора Кацярына Несцярэнка, нягледзячы на маладосць, праяўляе сябе як, мэтанакіраваны, адказны супрацоўнік.

 
Жадаю калегам з нагоды свята моцнага здароўя, бадзёрасці духу і паслядоўнасці ў справах. Хай збываюцца мары і скараюцца вяршыні. Шчыры дзякуй тым, хто да нас сваёй працай, высокім прафесіяналізмам умацоўваў аўтарытэт пракуратуры, законнасць на Міёршчыне.

 

Наталія СТАНКЕВІЧ

Фота Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 июля 2021
Аркадий, Лев, Елена, Ольга

Именины 23 июля 2021
Александр, Антон, Георгий, Даниил, Леонтий, Петр

Госці краін

free counters
Партнеры сайта