Авторизация
 

Аддзяленне дзённага знаходжання для інвалідаў ТЦСАН святкуе Новы год на новым месцы

 У мінулым годзе справіла наваселле аддзяленне дзённага знаходжання для інвалідаў ТЦСАН. На новым месцы споўнілася агульная мара супрацоўнікаў і наведвальнікаў пра сацыяльную кухню. Для кулінарных спроб адвялі асобны пакой, дзе гатуюць розныя стравы з даступных прадуктаў. У майстар-класе па прыгатаванні ласункаў на святочны стол паўдзельнічала карэспандэнт газеты.

 

Кулінарыя – адзін з накірункаў гуртка «Акадэмія дамаводства». Вядзе заняткі Вікторыя Ракіцкая. Вучыць наведвальнікаў рамантаваць адзенне, майстраваць неабходныя для быту рэчы з падручных матэрыялаў, гатаваць простыя і смачныя стравы і шмат чаму іншаму. Спецформу для кухні – касынкі і фартухі – таксама пашылі самі. Такі камплект разам з гумовымі пальчаткамі (у пару пандэміі без іх ніяк) прапанавалі апрануць і мне, калі, вымыўшы рукі, была гатова прыступіць да справы.

 

Салаты наразаюцца

У святочным меню два пункты: салата «Яловыя шышкі» і закуска «Снежкі». Рэцэпты Вікторыя Антонаўна знайшла ў інтэрнэце. Ці будзе смачна, хутка даведаемся.

 
На кухні ажыўлена і весела, хоць мы тут учатырох. Складаная эпідсітуацыя выключае масавасць. Наведвальнік аддзялення Максім Жугар наразае курыцу для салаты, валанцёр Анастасія Кулянок націрае на тарцы вараныя яйкі, якія спатрэбяцца ў абедзве стравы. Мне даюць заданне наразаць кружкамі агуркі, што будуць у аснове закускі. Затым месца на донцы займаюць кансерваваныя ананасы для салаты. Вікторыя Антонаўна курыруе працэс і прымае ў ім актыўны ўдзел. Смачны водар плыве з кухні ў калідор і спакушае супрацоўнікаў аддзялення паназіраць з парога, што тут дзеецца.

 
 Разам гатаваць весела і хутка. Не прайшло і пятнаццаці хвілін, як талерку запоўнілі сытныя снежкі. Заставалася аформіць выкладзеную ў форме шышак салату лускавінкамі, для якіх выбралі несалодкія кукурузныя шматкі. Можна выкарыстоўваць міндальныя арэхі, але гэты варыянт больш затратны.

 
Стол сервіруецца

У гасцёўні сямейная пара Генадзя і Наталлі Дубікаў сервіруе святочны стол. Ім дапамагае гаспадыня творчай майстэрні «Лаўка цудаў» Алена Плехтан. У цэнтры стала – зялёны дожджык для дэкору, на талерках – папяровыя сурвэткі ў выглядзе елачак. Арыгінальныя  сталовыя ўпрыгожанні атрымаліся з паўлітровага слоіка і бакала. З лёгкіх рук Алены Анатольеўны і яе выхаванцаў звычайныя рэчы ператварыліся ў сімпатычных снегавічкоў.

 

Дэкор дабаўляецца

Побач завяршаюць афармленне фотазоны з камінам Васіль Кайнараў і Максім Жугар, што ўжо паспеў справіцца на кухні. Упрыгожваюць фон пышнымі сняжынкамі і мяшочкамі ў форме боцікаў. Іх, дарэчы, вязала Вікторыя Ракіцкая.

 
– Работа напярэдадні зімовых святаў у майстэрнях кіпела. Выразалі выцінанкі, якімі аздобілі вокны. Майстравалі камін для фотазоны. Практыкаваліся ў сервіроўцы святочнага стала, – расказвае загадчык аддзялення Таццяна Шульга. – Яшчэ паўдзельнічалі ў дыстанцыйным відэаконкурсе навагодніх віншаванняў сярод тэрытарыяльных цэнтраў. Першы вопыт відэапрывітанняў спадабаўся ўсім удзельнікам.

 

Кацярына РЫНКЕВІЧ

Фотарэпартаж аўтара.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 января 2021
Василий, Виктор, Владимир, Георгий, Григорий, Дмитрий, Евгений, Емельян, Иван, Илья, Михаил, Юлиан, Василиса, Доминика

Именины 20 января 2021
Василий, Иван, Афанасий

Госці краін

free counters
Партнеры сайта