Авторизация
 

Будаўнікі «Еўратэхбуду» ўзводзяць васьмікватэрныя дамы ў Міёрах

 Неўзабаве спецыялісты металапракатнага завода атрымаюць для засялення два новыя двухпавярховыя васьмікватэрныя дамы на вуліцы Партызанскай. Іх з канца красавіка гэтага года ўзводзяць пад кіраўніцтвам прараба Дзмітрыя Тарэлкі (у цэнтры) будаўнікі «Еўратэхбуду» з гарадскога пасёлка Свіслач, што на Міншчыне. 

 

Штодзень на аб’екце занята да 40 чалавек. Яны спяшаюцца ўшчыльніць «каробкі» да ўстойлівых халадоў. Адначасова працуюць на вонкавых і ўнутраных сценах, уцяпленне іх мінеральнай і шкловатай закончана. Фронт работ забяспечваюць вялікагрузны самазвал, экскаватар, пагрузчык, укатчык, іншая тэхніка.

 
 У першым будынку гарышча абаронена ад дажджу, усё падрыхтавана для ўкладкі металачарапіцы на даху. Прараб запэўнівае, што яго падначаленыя справяцца з асноўнымі работамі да ўстойлівых халадоў. Тут заканчваецца ўстаноўка вокнаў і дзвярэй, вядзецца ўнутраная і знешняя аддзелка, праводкай ужо займаюцца электрыкі.

 
На другім доме трэба выканаць большыя аб’ёмы. Напрыклад, у чацвер цесляры яшчэ толькі ўстанаўлівалі кроквы. Хаця і тут адначасова заняты іншыя спецыялісты, найперш аддзелачнікі. Якасць выканання работ кантралююць прадстаўнікі тэхнагляду.

 
Да будынкаў падведзены інжынерныя сеткі: электрычнасць, вада, каналізацыя, газ. Заканчваецца ўладкаванне пешаходных дарожак. З добраўпарадкаваннем трэба паспяшацца, пакуль узрушаную пры пракладцы інжынерных сетак зямлю не скаваў мароз.

 
На аб’екце рабочае напружанне: жыллё чакаюць навасёлы, прыспешвае блізкая зіма, пакуль толькі каляндарная.

 

Леанід МАТЭЛЕНАК

Фотаматэрыял Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта