Авторизация
 

На пасяджэнні райвыканкама разгледзелі шэраг актуальных пытанняў, сярод іх - зімовы перыяд у жывёлагадоўлі

 На мінулым пасяджэнні райвыканкама разгледзелі шэраг актуальных пытанняў жыццядзейнасці раёна. Першы з вынесеных на парадак дня – «Аб ходзе падрыхтоўкі сельгасарганізацый да зімовага стойлавага перыяду буйной рагатай жывёлы». З асноўным дакладам выступіў намеснік начальніка ўпраўлення па сельскай гаспадарцы і харчаванні Андрэй Батура. У абмеркаваннях прынялі ўдзел дэпутат Палаты прадстаўнікоў Нацыянальнага сходу Рэспублікі Беларусь па Полацкай сельскай выбарчай акрузе № 28, старшыня Пастаяннай камісіі па аграрнай палітыцы Мікалай Шаўчук, першы намеснік старшыні камітэта па сельскай гаспадарцы і харчаванні аблвыканкама Уладзімір Машэра. Ходам пасяджэння кіраваў старшыня райвыканкама Ігар Кузняцоў. 

 

Зімаваць у камфорце і сытымі

Як адзначыў Андрэй Батура, пераход на зімова-стойлавы перыяд такі ж адказны, як і летне-пашавае ўтрыманне кароў. Усё неабходна арганізаваць так, каб атрымліваць здаровы прыплод і нарошчваць вытворчасць малака. Пакуль жывёла пасвіцца на волі, у гаспадарках рамантуюць і прыводзяць у парадак памяшканні, убіраюць прылеглыя тэрыторыі, выдаляюць гной. Для знішчэння ўзбуджальнікаў інфекцыйных хвароб праводзяцца дэзынфекцыя і пабелка.

 
У сельгасарганізацыях раёна 79 ферм, у тым ліку 47 малочнатаварных. Усяго 177 памяшканняў, у тым ліку 69 – для ўтрымання дойнага статка. Тут будуць зімаваць 33 133 галавы буйной рагатай жывёлы, у тым ліку 11 055 кароў, з якіх 10 825 – малочныя і 230 – мясныя. Ва УП «Цітова», ААТ «Туркова», «Узмёнскі край», УП «Чэрасы», райаграсэрвісе памяшканні адрамантавалі, пачысцілі, прадэзынфіцыравалі і пабялілі. У ААТ «Дрыгучы», «Любінова», «Мерыца», ВУПКУ «Міёрскі», філіяле «Павяцце» УП «Чэрасы» марнавалі час, таму кароўнікі і цялятнікі яшчэ не ў парадку. Ёсць прэтэнзіі да дэзатрада ветстанцыі, які няякасна праводзіў сваю работу ў шэрагу гаспадарак раёна.
Для вырошчвання нованароджанага маладняку ў сельгасарганізацыях 39 плёначнікаў і 27 прафілакторыяў. За рамонтныя работы не браліся ААТ «Дрыгучы», «Мікалаёўскі» і ВУПКУ «Міёрскі». З 49 раздатчыкаў травяністых кармоў, якія ёсць у раёне, да работы гатовы 30.

 
Пры пераводзе жывёлы з пашавага на стойлавае ўтрыманне галоўная ўмова – забяспечыць дастатковай колькасцю кармоў і паступова прывучыць да новых пасля травяністых.
Для паўнацэннага рацыёну сельгасарганізацыям раёна неабходна было засыпаць 22 671 тону зернефуражу. Пад поўную патрэбу яго маюць толькі ў філіяле «Павяцце» УП «Чэрасы», «Чэрасы» і ВУПКУ «Міёрскі», дзе назапасілі 212 %, 126 % і 111 % адпаведна. Звыш 90 % у ААТ «Туркова» і «Мерыца». У астатніх няма і паловы, а ў некаторых напружваліся яшчэ менш. Аналагічная сітуацыя і па забеспячэнні бялковай сыравінай для вытворчасці камбікорму. Рапс убралі, грошы патрацілі, а пра тое, што наперадзе зіма і трэба даіць, практычна ніхто не думаў. У выніку закупіць шрот могуць дазволіць сабе толькі ва УП «Чэрасы», КУП «Язна», філіяле «Павяцце» УП Чэрасы і ААТ «Мерыца», астатнія ўвесь зімова-стойлавы перыяд будуць прыдумваць прычыны, чаму няма малака.
Ёсць праблема з ветэрынарнымі спецыялістамі. Яны асабліва неабходны ва УП «Цітова», «Папшулі», «Любінова», «Мерыца», «Узмёнскі край», «Мікалаёўскі», ВУПКУ «Міёрскі», райаграсэрвісе. Усяго на 40 % ад патрэбы ўкамплектаваны штат райветстанцыі. Заатэхнічная служба больш шматлікая ў раёне.

 
Усе выяўленыя парушэнні старшыня райвыканкама Ігар Кузняцоў запатрабаваў выправіць у кароткія тэрміны. У абмеркаваннях заўважана, што на большасць недапрацовак у сельгасвытворчай галіне знаходзяцца абгрунтаваныя прычыны, аднак нярэдка пад імі маскіруецца грубае парушэнне тэхналагічнага рэгламенту, безадказ- насць і банальнае нежаданне працаваць.
Жывёлагадоўля – асноўная галіна сельгасвытворчасці, якая дае рэальны прыбытак, значыць, забяспечваць яе работу павінны адказныя і добрасумленныя людзі. Завабіць такіх магчыма пры належнай арганізацыі ўмоў працы і вартым заробку. Забяспечваць гэта неабходна практычна ў кожным калектыве.

 

Да халадоў гатовы

 Да ацяпляльнага перыяду 2020 – 2021 года гатовы. Пра гэта праінфармавала намеснік начальніка аддзела архітэктуры і будаўніцтва, жыллёва-камунальнай гаспадаркі Вераніка Вішнеўская. Для ўстойлівай работы аб’ектаў ЖКГ у халодны сезон і зніжэння рызыкі аварыйнасці правялі агляд, мадэрнізацыю і рамонт кацельнага абсталявання і жыллёвага фонду. 1,743 км (108,9 % ад плана) зношаных цеплавых сетак замянілі на энергаэфектыўныя, папярэдне ізаляваныя трубы ў Міёрах і аграгарадку Язна. Акрамя гэтага, адрамантаваны 37,1 км цеплавых сетак, 150 м2 дахаў жылых дамоў і 17 пад’ездаў за кошт саміх жыльцоў. Прайшлі праверку і гідраўлічнае выпрабаванне ўнутраныя сістэмы ацяплення. 21 кацельня належала прафілактычнаму рамонту, тры з іх абсталявалі прыборамі ўліку цеплавой энергіі.

 
Да пачатку ацяпляльнага сезона запас паліва УП ЖКГ складаў 4,05 тысячы м3 дроў і 6,7 тысячы м3 шчапы. Усяго спатрэбіцца 9 тысяч м3 і 7,2 тысяч м3 адпаведна. За восем месяцаў райпаліўзбыт рэалізаваў 2 137 тон торфабрыкету, з іх 117 тон – арганізацыям, астатнія 2 020 – насельніцтву, яму ж і 4 800 м3 дроў. Згодна спісаў, якія прадастаўлялі сельвыканкамы ў пачатку года, неабходна забяспечыць палівам яшчэ 126 з 274-х грамадзян льготнай катэгорыі па Міёрскім раёне.

 

Злачынствы спыняць на карані
На пасяджэнні прааналізавалі эфектыўнасць мер па папярэджанні цяжкіх і асабліва цяжкіх злачынстваў супраць жыцця і здароўя, у стане алкагольнага ап’янення і рэцыдыўнай злачыннасці на Міёршчыне. Часова выконваючы абавязкі начальніка раённага аддзела ўнутраных спраў Святаслаў Паніч заўважыў, што за сем месяцаў з пачатку года аператыўная абстаноўка ўскладнілася. Прычынай таму – алкагалізацыя насельніцтва. З агульнай колькасці расследаваных злачынстваў 24 учынілі нецвярозыя асобы. Як і 19 па лініі крымінальнага вышуку. У параўнанні з 2019-ым паменела забойстваў: з 2 да 1, крадзяжоў з 7 да 5. У той жа час зарэгістраваны разбой, два выпадкі згону транспартных сродкаў, чаго не было летась. На мінулагоднім узроўні колькасць учыненых цяжкіх і асабліва цяжкіх злачынстваў, аднак яны з вялікім грамадскім рэзанансам.

 
Звернута ўвага на актывізацыю дзейнасці суб’ектаў прафілактыкі. Менавіта агульнымі намаганнямі магчыма своечасова выяўляць асоб, схільных да супрацьпраўных паводзін, злоўжывання алкаголем, а таксама своечасова рэагаваць на сямейны недабрабыт, дзе ўчыняюцца гвалтоўныя дзеянні. За такія факты трэба прыцягваць да адміністрацыйнай адказнасці, аднак нярэдка хатнім тыранам усё сыходзіць з рук. Сумеснымі намаганнямі трэба актыўней спрыяць лячэнню залежных ад алкаголю ў працоўных прафілакторыях. Гэта дапаможа пазбегнуць цяжкіх злачынстваў супраць жыцця і здароўя насельніцтва раёна.

 

Наталія СТАНКЕВІЧ

Фотаматэрыял з архіва рэдакцыі.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 521
  • 0

Злавілі рыбку, ды… залатую

  • 28 февраль 2011, 16:16
  • 92 635
  • 0

Інвестыцыйны форум

  • 23 сентябрь 2011, 10:05
  • 90 029
  • 1

  • 11 февраль 2011, 11:20
  • 43 133
  • 0

Пераброддзе 2012. Погляд вучонага

  • 31 август 2012, 15:19
  • 42 662
  • 0

Кандыдатамі жадаюць стаць

  • 21 август 2012, 15:30
  • 36 707
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 813
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 октября 2020
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Именины 20 октября 2020
Иосиф, Леонтий, Марк, Николай, Сергей, Юлиан, Пелагея

Госці краін

free counters
Партнеры сайта