Авторизация
 

Дзень горада ў Міёрах: ад гала-канцэрта да феерверка

Не паспелі перавесці дух пасля суботніх гулянняў у Дзісне, як наспела чарга  святкаваць у Міёрах. На паўвостраве ў нядзелю таксама было шматлюдна. Сапсаваць добры настрой не змагло нават надвор’е, якое перад стартам урачыстасцей пагражала спорным, працяглым дажджом. І ўсё ж саступіла. Запланаваныя мерапрыемствы прайшлі па сцэнарыю, нават сонейка выглядвала з-за хмар.

Напачатку на святочнай сцэне ўшанавалі ўладальнікаў пачэснай раённай прэміі за высокія творчыя дасягненні ў сферы культуры і мастацтва. Пад бурныя апладысменты падзяку старшыні райвыканкама аб’явілі загадчыку Міёрскай дзіцячай бібліятэкі Валянціне Лакотка. Яе заслужылі супрацоўнікі Язненскага СДК, Узмёнскага і Павяцкага сельскіх клубаў за яскравы ўдзел у раённым конкурсе калектываў мастацкай самадзейнасці, індывідуальных выканаўцаў «Беларусь – мая песня».


Затым адзначалі ў намінацыі «Лепшы». З такім тытулам цяпер Язненскі СДК (загадчык Ларыса Бервячонак). На вышыні і мясцовая бібліятэка, якой загадвае Ларыса Карпава. Лепшым бібліятэчным работнікам названа метадыст Міёрскай бібліятэчнай сістэмы Таццяна Фурс, а Ірына Болтач – лепшым настаўнікам школы мастацтваў. Самы актыўны арганізатар платных паслуг насельніцтву Ігар Мятла, які загадвае Мікалаёўскім сельскім клубам. Намеснік дырэктара РДК Аляксей Гайдзель адзначаны ў намінацыі «Творчая асоба». Самы верны прафесіі дырэктар кінавідэасеткі Мікалай Пазнякоў.


За вялікі асабісты ўклад у развіццё культуры і мастацтва раёна ўзнагароджаны выкладчык Міёрскай дзіцячай школы мастацтваў, кіраўнік народнага інструментальнага ансамбля «InSound» Ігар Бунта.

Яшчэ на Міёршчыне жывуць адважныя, неабыякавыя людзі. Такія, як, напрыклад, Мікалай Скавародка (фота на 5-й стар.). 17 мая ў Камянполлі магла здарыцца трагедыя, але яе папярэдзілі шчаслівая выпадковасць і рашучасць вяскоўца. За выратаванне чалавека на пажары, праяўленую адвагу вартаўнік райагрэсервіса ўзнагароджаны Ганаровай граматай райвыканкама.


 Ушанавалі маладых пераможцаў пасяўной кампаніі-2020, якімі сталі трактарысты-машыністы філіяла Павяцце УП «Чэрасы» Аляксей Мароз і Сяргей Ачыновіч з ААТ «Туркова».


Дабрачыннасць – цудоўная нагода, каб спалучыць прыемнае з карысным. Пярвічныя прафсаюзныя арганізацыі раёна прымаюць актыўны ўдзел у зборы грашовых сродкаў для патрэб устаноў аховы здароўя Міёрскай ЦРБ. Сродкі з касы ўзаемадапамогі вырашана накіраваць на арганізацыю пітнога рэжыму для медыкаў і пацыентаў. Сертыфікат галоўнаму ўрачу ЦРБ Алене Сівой уручыла старшыня Міёрскага раённага аб’яднання прафсаюзаў Аксана Падзява. У адрас медыцынскіх работнікаў прагучалі словы падзякі за самаахвярную працу для захавання здароўя насельніцтва.


У віншавальнай прамове старшыня райвыканкама Ігар Кузняцоў дзякаваў жыхарам Міёршчыны за плённую працу па ўсіх накірунках дзейнасці. Асаблівую ўвагу завострыў на добраўпарадкаванні, стварэнні навакольнай утульнасці і камфорту. Гэтым нястомна займаюцца тыя, хто адчувае сябе гаспадаром роднай зямлі. Пажаданне міярчанам – заставацца клапатлівымі і нераўнадушнымі да малой радзімы.

Ад вытокаў у будучыню

Прыемнага адпачынку жадалі гледачам вядучыя Яна Шмарлоўская і Аляксей Рачыцкі, аб’яўляючы гала-канцэрт лепшых калектываў і выканаўцаў раёна.


Тым часам на сцэне з’яўляюцца маленькая чамучка Палінка і Марына Дзям’янавы. Дзяўчынка захапляецца наваколлем і задае шмат спадарожных пытанняў. Асабліва ўражаная дрэвамі.


– Дрэвы, як і людзі, усе розныя, – даводзіла дачушцы матуля. – У кожнага свая пышная крона і лістота, якая трапеча на ветры, але такімі прыгожымі і моцнымі ім не быць без магутных каранёў. Пры любых нягодах яны надзейная абарона. У людзей карані – гэта продкі, традыцыі, гісторыя, якую трэба ведаць і не забываць. На тым грунтуецца ўстойлівасць і стабільнасць жыцця. Сувязь між пакаленнямі дапамагае людзям расці і развівацца. Тое пацвердзіла праграма канцэрта. Музычныя нумары спачатку вярнулі публіку да вытокаў і правялі шляхам да сённяшняга дня. Атрымалася духоўна, душэўна, пранікнёна і пераканальна. Так, што і маленькая Палінка зразумела, наколькі важна, каб кожны з нас памятаў і шанаваў гісторыю, сваіх продкаў, родны кавалак зямлі, дзе нарадзіўся, бегаў басанож. У любові да блізкіх і малой радзімы вялікая стваральная сіла.

Яркія акорды

 У мясцовых артыстаў-вакалістаў фанатаў мора, многія меламаны прыйшлі паслухаць землякоў.
– А наўгародскія хлопцы спявалі? Ужо выступілі? Ой, як шкада, што прыпазнілася! – перажывала жанчына.


Аднак не менш спадабаліся і прыезджыя артысты. Моцная энергетыка ў яркага цыганскага шоу «Алюр» са сталіцы. Мужчынскую аўдыторыю, напэўна, зачаравала чароўнае дзявочае трыа «Лас Вегас».

 Яркім фінальным акордам стала выступленне Сашы Нэма. Як «свой хлопец» спявак жартаваў, уцягваў у танцы гледачоў, дазваляў паклоннікам рухацца з ім на сцэне, сам імкнуўся ў масы, з задавальненнем пазіраваў перад фотакамерамі. Не засталася без увагі просьба юнага жыхара райцэнтра Ягора Абалевіча праспяваць на пару знакамітую «Хлопцы з правінцыі». Дуэт без папярэдняй рэпетыцыі ўдаўся на славу. Авацыі і эмоцыі зашкальвалі.


 Завяршыўся Дзень горада маляўнічым феерверкам. Прастору над возерам асвяцілі тысячы агеньчыкаў. А шчаслівыя ўсмешкі і святочныя «ўра» сталі ўпрыгожаннем цёплага ліпеньскага вечара. У адрас міёрскага краю і яго жыхароў прагучала нямала добрых слоў і пажаданняў. Трэба трымаць марку.

Фотаматэрыял Казіміра БЛАЖЭВІЧА.

Наталія СТАНКЕВІЧ. 

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 371
  • 0

Інвестыцыйны форум

  • 23 сентябрь 2011, 10:05
  • 89 007
  • 1

Злавілі рыбку, ды… залатую

  • 28 февраль 2011, 16:16
  • 88 828
  • 0

Пераброддзе 2012. Погляд вучонага

  • 31 август 2012, 15:19
  • 42 542
  • 0

  • 11 февраль 2011, 11:20
  • 42 384
  • 0

Кандыдатамі жадаюць стаць

  • 21 август 2012, 15:30
  • 36 594
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 727
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 10 августа 2020
Василий, Ефим, Иван, Моисей, Никанор, Николай, Павел, Прохор, Сергей, Юлиан, Анастасия, Антонина, Елена, Ирина

Именины 9 августа 2020
Герман, Иван, Кирилл, Климент, Константин, Наум, Николай, Платон, Анфиса

Госці краін

free counters
Партнеры сайта