Авторизация
 

Міёрскі мясакамбінат прадставіў сваю прадукцыю на форуме "Беларусь мясная" і выставе-кірмашы "Прадэкспа-2019"

 Сёлетняя восень своеасабліва падвяла вынікі для беларускага аграпрамысловага комплексу. У кастрычніку праходзіў 4-ы Міжнародны экспартны форум «Беларусь мясная», а з 12 па 15 лістапада доўжылася 25-я Міжнародная спецыялізаваная аптовая выстава-кірмаш «Прадэкспа-2019». На абодва мерапрыемствы ў сталіцу выязджалі прадстаўнікі Міёрскага мясакамбіната. Сярод іх былі вядучы спецыяліст аддзела маркетынгу і рэалізацыі Ніна Латышава і галоўны эканаміст Жанна Кураш.

Галоўны тэхнолаг Павел Кліменцьеў падзяліўся ўражаннямі ад мяснога форуму:


 – Мінск сабраў больш за 400 удзельнікаў не толькі з нашай краіны, але і з блізкага і далёкага замежжа. Устанавіць дзелавыя кантакты, падпісаць пратаколы аб намерах і заключыць кантракты на бізнес-пляцоўку з’ехаліся не толькі найбуйнейшыя прадстаўнікі беларускага мяснога рынку, напрыклад, Брэсцкага, Пінскага, Гродзенскага мясакамбінатаў, Віцебскай бройлернай фабрыкі ці агракамбіната «Дзяржынскі». У абмеркаванні глабальных выклікаў, пагроз і магчымасцей прымалі ўдзел вытворцы і спецыялісты з Расіі, Украіны, Еўрасаюза. Для мяне як тэхнолага карысным сталі практыкум у «Мясной бізнес-лабараторыі», сустрэчы з эколагамі, экспертамі, рознымі спецыялістамі. Першы карысны вынік паездкі для прадпрыемства – праклаў шлях да ўкаранення новай абалонкі для мясных вырабаў.


«Прадэкспа-2019» – самая буйная аптовая харчовая выстава-кірмаш Беларусі. Яна сабрала больш за 200 вытворцаў з краін СНД і Еўрасаюза. На ёй Міёрскі мясакамбінат дэманстраваў сваю прадукцыю на агульным стэндзе інтэграцыйнай структуры разам з Полацкімі КХП і малочным камбінатам. Практычна цэлы тыдзень на гэтым мерапрыемстве арганізоўвала дэгустацыю мясных вырабаў вядучы спецыяліст аддзела маркетынгу і рэалізацыі Ніна Латышава.


 – Удзельнікам выставы-кірмашу мы дэманстравалі і прапаноўвалі пакаштаваць нашы сыравяленыя, сыравэнджаныя і варанавэнджаныя каўбасныя вырабы, – заўважае Ніна Зянонаўна. – Імі цікавіліся не толькі беларусы, а таксама палякі, азербайджанцы, казахі, малдаване. Спачатку ацэньвалі знешні выгляд прадукцыі, потым – яе смак. Спадабаліся з сыравяленых бастурма «Восточная», з сыравэнджаных – паляндвіца «Венская», з варанавэнджаных – філей «Ароматный» і прадукт «Бедро индейки изысканное». Аднак асаблівай увагай карыстаўся «Барбадос экстра» – 15-кілаграмовая загорнутая ў цэлафанавую плёнку «цукерачка». Яна таксама варанавэнджаная. Яе спецыяльна вырабляем для вялікіх выставачна-кірмашовых мерапрыемстваў, сярод якіх сёлетнія «Дажынкі» ў Браславе. Пад такую смакату нашы прадстаўнікі абмяркоўвалі з аптовымі пакупнікамі магчымасці па заключэнні дагавораў паставак. Гэта для прадпрыемства актуальна, бо пакуль экспартуем толькі ялавічыну ў Расію.


– Выставу-кірмаш нашы спецыялісты, сярод якіх былі таксама галоўны тэхнолаг Павел Кліменцьеў і старшы майстар каўбаснага цэха Уладзіслаў Абалевіч, выкарыстоўвалі для распаўсюджання сваёй прадукцыі, вывучэння асартыменту іншых прадпрыемстваў, знаёміліся з вытворцамі дабавак, распрацоўшчыкамі тэхналогій, – дапоўніла яшчэ адзін удзельнік міёрскай дэлегацыі – галоўны эканаміст Жанна Кураш. – Я аналізавала цэны.

Фотаматэрыял Казіміра БЛАЖЭВІЧА і з архіва Міёрскага мясакамбіната.
Гутарыў Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 мая 2021
Анатолий, Валерий, Георгий, Иван, Александра, Валерия, Афанасий

Именины 5 мая 2021
Виталий, Всеволод, Гавриил, Дмитрий, Климент, Платон, Федор

Госці краін

free counters
Партнеры сайта