Авторизация
 

Сацыяльныя пытанні разглядалі на сустрэчы ў Міёрах

 На ўліку ў службе занятасці насельніцтва раёна 13 беспрацоўных. 210 вакансій прапаноўваюць арганізацыі і прадпрыемствы. У мінулы чацвер Міёршчыну наведалі першы намеснік міністра працы і сацыяльнай абароны Андрэй ЛАБОВІЧ і старшыня камітэта па працы, занятасці і сацыяльнай абароне Віцебскага аблвыканкама Аляксандр ХРЫСТАФОРАЎ. На сустрэчы з працоўнымі калектывамі раёна абмеркавалі сітуацыю на рынку працы.

На Міёршчыне 8271 чалавек заняты ў эканоміцы. Непакоіць, што памяншаюцца суадносіны паміж прынятымі на работу і звольненымі. У першым квартале 2019 года – 69 %. Вырашылі памяняць працоўнае месца 520 чалавек, прыняты на работу толькі 358. Ёсць і такія арганізацыі, дзе невялікая кадравая цякучасць, прытым колькасць работнікаў павялічваецца. У іх ліку Дзісенскі лясгас, райаграсэрвіс, СУП “Цітова”, ільнозавод, тэрытарыяльны цэнтр сацыяльнага абслугоўвання насельніцтва, установы аховы здароўя.


У ААТ “Дрыгучы” сітуацыя адваротная: летась 17 чалавек звольніліся, толькі пяцёра папоўнілі рады аграрыяў. Прычына ў адсутнасці працоўнай дысцыпліны, упэўнены начальнік упраўлення па працы, занятасці і сацыяльнай абароне райвыканкама Вячаслаў Бялько. Раней тут былі занятыя асуджаныя на вольнае пасяленне. Скарачэнне колькасці супрацоўнікаў не паўплывала на якасць і тэмпы асноўных сельскагаспадарчых кампаній. Нізкі паказчык прынятых на работу-звольненых і ў ААТ “Узмёнскі край”, што звязана з яго нядаўнім узбуйненнем. Па патрабаванні Полацкага КХП неабходна скараціць 40 чалавек на мясакамбінаце. Гэта будуць работнікі пенсіённага ўзросту. Аднак меры часовыя: у планах мадэрнізацыя забойнай пляцоўкі – давядзецца набіраць персанал. Прычыны скарачэння штата на хлебазаводзе – у далучэнні да Полацкага падраздзялення. Удалося захаваць усе рабочыя спецыяльнасці, стала менш супрацоўнікаў у кіруючым саставе.


Спецыялісты, што страцілі работу, знайшлі сябе ў іншых сферах. Людзі пенсіённага ўзросту пайшлі на заслужаны адпачынак. Адсюль і высокая цякучасць кадраў, перавышэнне колькасці звольненых да прынятых на работу, адзначыў старшыня райвыканкама Ігар Кузняцоў.
– Людзі не павінны сыхо- дзіць на вуліцу, – адзначыў Андрэй Лабовіч. – Калі ўзнікае неабходнасць аптымізаваць персанал, трэба ўладкаваць яго на іншае прадпрыемства. Гэта наша асноўная задача. Чалавек павінен быць занятым, няважна ў якой форме: па працоўным дагаворы, тэрміновым, кантракце.


 На 1 красавіка ў службе занятасці раёна зарэгістравана 13 беспрацоўных. Між тым прадпрыемствы і арганізацыі прапаноўваюць 210 вакансій. Запатрабаваны бухгалтары, заатэхнікі, аператары машыннага даення, вадзіцелі. Насельніцтва цікавіцца ўмовамі прадастаўлення субсідыі для ўласнай справы. Але далей простага інтарэсу не ідзе – за падтрымкай у 2018 годзе і сёлета не звярталіся.


У раёне сем арганізацый, дзе сярэдняя зарплата за першы квартал не дасягнула 400 рублёў. У іх ліку камбінат бытавога абслугоўвання і шэраг сельгаспрадпрыемстваў. Калі з сельскай гаспадаркай зразумела – работы і адпаведна прыбытак сезонныя – то паслугі насельніцтву аказваюцца пастаянна. Прычыны нізкага заробку ў невыкананні норм выпрацоўкі і рабочага часу, парушэнні працоўнай дысцыпліны і няпоўнай занятасці насельніцтва, лічыць старшыня камітэта па працы, занятасці і сацыяльнай абароне Віцебскага аблвыканкама Аляксандр Хрыстафораў.


Выплаты ў Фонд сацыяльнай абароны насельніцтва гарантуюць, што з выхадам на заслужаны адпачынак былы работнік будзе атрымліваць пенсію. Але не кожная арганізацыя мае магчымасць пералічваць сродкі. Даўгі некаторых цягнуцца яшчэ з 2000-ых. Напрыклад, у райаграсэрвісе, ільнозаводзе, ААТ “Пад’ельцы” і ВУПКУ “Міёрскі” выплачваюць толькі бягучыя плацяжы.


Як правіла, калі работнік выходзіць на пенсію, арганізацыя павінна пагасіць за яго запазычанасць па плацяжах у Фонд сацыяльнай абароны насельніцтва. Гэта гарантуе ўказ № 40. Значыць, ніхто не застанецца без пенсіі.


Увогуле сітуацыя на рынку працы Міёршчыны напружаная. Сельгаспрадпрыемствы ўвайшлі ў склад Полацкага КХП. У сувязі з банкруцтвам райспажыўтаварыства 70 чалавек з гандлёвай сістэмы засталіся без работы. Але ясна бачныя перспектывы. Хутка адкрыюцца магазіны “Санта-Рытэйл” і Еўраопт, дзе неабходны мясцовыя працоўныя рэсурсы.


Старшыня райвыканкама Ігар Кузняцоў заўважыў, што нягледзячы на змяншэнне колькасці работнікаў планы выконваюцца, у тэрмін закончана вясенняя сяўба. Падзякаваў за актыўнасць і старанне. Адзначыў: ва ўмовах скарачэння штата павінен расці заробак у тых, хто застаецца на роднай зямлі і стварае яе дабрабыт. 

Фотаматэрыял Казіміра БЛАЖЭВІЧА.

Алена ВАРОНІНА.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 624
  • 0

Інвестыцыйны форум

  • 23 сентябрь 2011, 10:05
  • 78 088
  • 1

Злавілі рыбку, ды… залатую

  • 28 февраль 2011, 16:16
  • 50 880
  • 0

Пераброддзе 2012. Погляд вучонага

  • 31 август 2012, 15:19
  • 39 925
  • 0

  • 11 февраль 2011, 11:20
  • 38 668
  • 0

Кандыдатамі жадаюць стаць

  • 21 август 2012, 15:30
  • 35 463
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 422
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 мая 2019
Герман, Денис, Иван, Петр, Федор, Евдокия, Семен, Филипп

Именины 24 мая 2019
Александр, Иосиф, Кирилл, Константин, Михаил, Ростислав

Госці краін
free counters
Партнеры сайта