Авторизация
 

75 год Міёрскаму раённаму ваеннаму камісарыяту

 Ад зладжанасці работы раённага ваеннага камісарыята залежыць многае, у тым ліку тэрытарыяльная абарона, мабілізацыя людзей і транспарта, своечасовы прызыў грамадзян на тэрміновую ваенную службу і службу ў рэзерве. Акрамя ўсяго іншага тут займаюцца ваенна-патрыятычным выхаваннем, вядуць пошукавую работу. 

Кола задач шырокае і па плячы толькі прафесіяналам. З калектывам, лічыць ваенкам Сяргей ЖАБЕНАК, яму пашанцавала. Такіх дасведчаных спецыялістаў яшчэ пашукаць трэба.

 У СТРУКТУРУ ваеннага камісарыята ўваходзяць тры асноўныя групы: мабілізацыйная, прызыву на ваенную службу, тэрытарыяльнай абароны.
Першая займаецца ўлікам ваеннаабавязаных і тэхнікі, а таксама падрыхтоўкай да вучэбных і праверачных збораў, забеспячэннем баявой і мабілізацыйнай гатоўнасці. Узначальвае яе намеснік ваеннага камісара маёр Сяргей Пляшкоў. Вядучы спецыяліст Аляксандр Сівіцкі і інспектар па ўліку і браніраванні ваеннаабавязаных Валянціна Астапковіч працуюць, у асноўным, з тымі, хто ўжо адслужыў, і залічанымі ў запас. Вядучы спецыяліст Валерый Сянюк вядзе ўлік і прызначэнне транспартных сродкаў, прасцей кажучы, усёй тэхнікі, замацаванай за арганізацыямі, прадпрыемствамі і ўстановамі раёна.


 ПРАЦУЮЦЬ з прызыўнікамі ў групе прызыву на ваенную службу. Яе начальнік старшы лейтэнант Станіслаў Матохін арганізуе мерапрыемствы прызыву. У яго абавязкі ўваходзяць дапрызыўная падрыхтоўка і арганізацыя медагляду юнакоў і вызначэння годнасці па стане здароўя да выканання воінскага абавязку, падрыхтоўка іх да службы ў арміі і іншых сілавых структурах, а таксама аказанне дапамогі абітурыентам, хто паступае ў ваенныя навучальныя ўстановы.


Вядучы спецыяліст Вольга Шах афармляе асабістыя справы, выпісвае ваенныя білеты.
За мінулы год папоўнілі рады Узброеных Сіл 67 салдат тэрміновай службы, адзін накіраваны на службу ў рэзерве.
 ГРУПА тэрытарыяльнай абароны на чале з Аляксандрам Грамніцкім рыхтуе ваеннаабавязаных запасу, штомесяц праводзіць з імі заняткі. У выпадку неабходнасці "запаснікамі" будуць камплектавацца войскі тэрытарыяльнай абароны.


У структуру ваеннага камісарыята ўваходзіць таксама дзяжурная служба. Дзяжураць пазменна Аляксандр Слізень, Іван Шульга, Віктар Скрыпкін і Сяргей Пляшкоў. У асноўным, людзі ваеннай выправы. Маюць вопыт службы ў сілавых структурах.


 Узначальвае сакрэтную часць Наталля Жабенак. Вядзе сакрэтнае справаводства, а інспектар Ірына Крупенька — несакрэтнае.
ВА ЎПРАЎЛЕННІ ваенны камісар Сяргей Жабенак. З разуменнем і адказнасцю да даручанай справы адносіцца Ванда Стома — вядучы спецыяліст па сацыяльнай ахове і пенсійным забеспячэнні. Адказвае таксама за ўсю кадравую работу і вядзе ўлік матэрыяльных сродкаў камісарыята. З Вандай Феліксаўнай у адным кабінеце вадзіцель Мікалай Трашчанка. Прафесіянал, якіх мала.


— ВАЕННЫ камісарыят — вароты ва Узброеныя Сілы, іншыя войскі і воінскія фарміраванні краіны, — кажа Сяргей Жабенак. — Тут іх бліжэйшы тыл і для іх рыхтуецца будучае папаўненне. Калі ўлічыць, што на Міёршчыне няма ні адной вайсковай часці, то ваенны камісарыят выступае тварам Арміі.


Цяпер больш за 100 ваеннаслужачых праходзяць тэрміновую ваенную службу і службу ў рэзерве, навучаюцца ў якасці курсантаў у вышэйшых ваенных навучальных установах. Адабрана два кандыдаты для паступлення ў Ваенную акадэмію і на ваенныя факультэты грамадзянскіх ВНУ. Шмат грамадзян, прызваных ваенкаматам, са звальненнем у запас працягваюць службу ў органах унутраных спраў і МНС.


 Ваенны камісар дзякуе за адданасць справе і прафесіяналізм усім членам дружнага калектыву. Адзначае каласальны ўклад у забеспячэнне баявой і мабілізацыйнай гатоўнасці былых супрацоўнікаў камісарыята Івана Сіповіча, Тамары Астапковіч, Юрыя Мільто, Вікенція Васільева, Аляксандра Дварэцкага, Уладзіміра Яцына, Уладзіміра Пальчаха і многіх іншых, у тым ліку тых, каго няма з намі. Гэта Станіслаў Сяргун, Міланія Васюцёнак, Уладзімір Масіенак, Вера Шчасная, Генадзь Крумін і іншыя.


Сяргей Жабенак віншуе асабісты састаў, а таксама ветэранаў з 75-годдзем ваеннага камісарыята. Жадае ў першую чаргу мірнага неба, моцнага здароўя, шчасця, добрага настрою і поспехаў ва ўсіх пачынаннях. 

ФАКТЫ Ў ЛІЧБАХ
На уліку ў ваенкамаце 65 воінаў-інтэрнацыяналістаў, дзевяць удзельнікаў Вялікай Айчыннай вайны, 43 пенсіянеры Міністэрства абароны, сем удзельнікаў ліквідацыі наступстваў аварыі на Чарнобыльскай АЭС.

 СТАРОНКІ ГІСТОРЫІ
Міёрскі райваенкамат сфарміраваны 24 красавіка 1944 года. У ходзе вызвалення рэспублікі ён пачаў пастаўку мабілізацыйных рэсурсаў у войскі. У сувязі з ліквідацыяй Дзісенскага раёна ў лістападзе 1959 года ў Міёрскі РВК перададзены справы Дзісенскага райваенкамата.


Першым ваенкамам быў Аляксандр Галавачоў, кіраваў установай у 1944 – 1947 гг. За 75-гадовую гісторыю ваенкамат узначальвала шмат афіцэраў: Рыгор Шабалаў (1947-1952); Раман Івашчанкаў (1952-1955); Іван Манюхін (1955-1956); Віктар Сенін (1956-1968); Алег Рыхтэр (1968-1975); Акім Данько (1975-1978); Павел Ліманскі (1978-1985); Антон Тычко (1985-1988); Валерый Ан (1988-1991); Сяргей Канаўцаў (1991-1998); Сяргей Пляшкоў (1998-2009). Сяргей Жабенак кіруе калектывам з сакавіка 2009 года.

Фотаматэрыял Казіміра БЛАЖЭВІЧА і з

архіва раённага ваеннага камісарыяту. 

Ігар МАТЭЛЕНАК.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 624
  • 0

Інвестыцыйны форум

  • 23 сентябрь 2011, 10:05
  • 78 088
  • 1

Злавілі рыбку, ды… залатую

  • 28 февраль 2011, 16:16
  • 50 880
  • 0

Пераброддзе 2012. Погляд вучонага

  • 31 август 2012, 15:19
  • 39 925
  • 0

  • 11 февраль 2011, 11:20
  • 38 668
  • 0

Кандыдатамі жадаюць стаць

  • 21 август 2012, 15:30
  • 35 463
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 422
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 мая 2019
Герман, Денис, Иван, Петр, Федор, Евдокия, Семен, Филипп

Именины 24 мая 2019
Александр, Иосиф, Кирилл, Константин, Михаил, Ростислав

Госці краін
free counters
Партнеры сайта