Авторизация
 

Міярчанка Юлія КУРАШ прыклала руку да арганізацыі “Дзіцячага Еўрабачання-2018”

 Прыемна, што руку да арганізацыі “Дзіцячага Еўрабачання-2018” прыклала і міярчанка Юлія КУРАШ. Дзяўчына эфектна праходзіла кастынг вядучых. Але, бадай, самы галоўны яе ўнёсак у тым, што стала прадстаўніком прэс-цэнтра “Еўрабачання” ад Белтэлерадыёкампаніі. Суправаджала дэлегацыю з Нідэрландаў, перакладала з англійскай мовы змест прэс-канферэнцый для айчыннага вядучага інфармагенцтва “БЕЛТА”, распрацоўвала буклеты праграмы міжнароднага форуму.

“Чым запомніўся адыходзячы год?” — стракацяць падобнымі апытаннямі сродкі масавай інфармацыі. Шмат чым. Але найперш вялікая кагорта рэспандэнтаў называе “Дзіцячае Еўрабачанне-2018”. Удзельнікі і дэлегацыі з 20 краін. Шчыльна запоўнены культурна-спартыўны комплекс “Мінск-Арэна” на звыш 15 тысяч гледачоў. Ахвотнікі “пахварэць” з’язджаліся з усяго свету.

  
— Атмасфера класная!апісвае ўражанні Юлія Кураш. — Арганізатары пастараліся. Спецыялісты сусветнага ўзроўню пахвалілі высокі ўзровень “Еўрабачання-2018”. Чаму сёлета яго правялі ў Беларусі? Адказ на паверхні. Бо гэтае міжнароднае свята дастойна прайшло ў Мінску ў 2010 годзе. Захацелася відовішчнасць паўтарыць. З’ехалася рэкордная колькасць удзельнікаў — 20. Дзеці цудоўныя, дружныя. Дэлегацыі вельмі адкрытыя.

  

 Харызма і ўсё такое
Пра шоў сусветнага маштабу Юля ведала задоўга да яго правядзення. Зацікавілася кастынгам вядучых, які праходзіў улетку. Падала заяўку. Да яе далучыла відэавізітоўку пра сябе і свае дасягненні. А ў Юлі хапае пра што расказаць. Больш за 100 ахвотнікаў пажадалі стаць вядучымі. Прэтэндэнты не тое што з розных куткоў краіны — з усяго свету. Але журы выбрала толькі 30 шчасліўчыкаў. У іх ліку і Юлія Кураш, а таксама знакамітыя медыйныя персоны і экс-прадстаўнікі “Еўрабачання” розных гадоў — Ксенія Сітнік, Руслан Асланаў, Хелена Мерааі, Яўген Перлін, Анастасія Віннікава, Дзмітрый Кахно, Дзяніс Дудзінскі, Ганна Квілорыя… Спецыяльна на кастынг з Мальты прыляцеў шоў-дырэктар конкурсу Гардон Банелла.

    
Відэавізітоўка пройдзена. Наступны этап — вочны ў Белтэлерадыёкампаніі. Цяпер галоўнае — імправізацыя, свабоднае валоданне англійскай мовай, харызма і ўсё такое. Трэніраваліся ўдзельнікі кастынгу па сцэнарыях мінулых гадоў. Выступалі ў парах. Юліі Кураш у эпатажныя сувядучыя трапіў прадстаўнік з Беларусі “Дзіцячага Еўрабачання-2015” Руслан Асланаў.

  

Прэс-сакратар “Еўрабачання”. Гучыць няслаба
Юлю, дарэчы, у Белтэлерадыёкампаніі даўно прыкмецілі. Ахвотна і ярка выступае ў розных мультымедыйных конкурсах. Землякі памятаюць, як сачылі і хваляваліся разам з дзяўчынай падчас яе іскрамётнага выступлення са скорагаворкамі ў тэлепраекце “Я магу!” І яна змагла… атрымаць давер беларускіх тэлевізійных журналістаў.

  
Пасля ўдалага кастынгу вядучых дзяўчыну запрасілі ўшчыльную далучыцца да “Еўрабачання”, адчуць яго прыроду знутры. Юля актыўна працавала ў прэс-цэнтры Белтэлерадыёкампаніі. Яшчэ за месяц да міжнароднага форуму разам з іншымі калегамі рыхтавалі буклеты праграмы на англійскай мове. Міярчанка на “Еўрабачанні” суправаджала дэлегацыю з Нідэрландаў, праводзіла экскурсіі па нашай сталіцы. Акрамя таго, непасрэдны арганізатарскі ўдзел прымала на прэс-канферэнцыях, перакладала іх змест для вядучага інфармацыйнага агенцтва краіны “БЕЛТА”, знаходзіла “агульную мову” з замежнымі журналістамі. Словам, даручэнняў хапіла. Працавала ў адной камандзе з прэс-сакратаром Белтэлерадыёкампаніі Вікторыяй Сінкевіч.

  

Сёстры Кураш на слыху
“Еўрабачанне” адгрымела звонкімі фанфарамі. А ў Юлі тым часам спраў менш не стала. Дзяўчына праходзіць прафесійную практыку ў Белтэлерадыёкампаніі, бывае на Макаёнка, 9 амаль штодзень. Вучыцца на чацвёртым курсе беларускага лінгвістычнага ўніверсітэта, адточвае англійскую і іспанскую мовы. Да таго ж у сваёй альма-матар паралельна атрымлівае другую спецыяльнасць — перакладчыцкую. Кожны дзень распісаны бадай што па хвілінах.

  
— А яшчэ нядаўна парадавалі, што буду вядучай праграмы да 70-годдзя свайго ўніверсітэта. Цяпер рыхтуюся, — дзеліцца ноткамі шчасця міёрская актывістка. — Люблю свой універсітэт. У ім камфортна і весела. На другім курсе тут вучыцца мая сястрычка Аня, штудзіруе кітайскую мову. Стараемся нідзе не даваць маху, добра праяўляць сябе. Нас у роднай альма-матар усе ведаюць як сясцёр Кураш.
***  
Што ж, спадзяёмся, сёстры Кураш яшчэ не раз заявяць пра сябе. А мы толькі парадуемся і ўсцешымся поспехамі сваіх таленавітых землякоў. 

  

Фота з асабістага архіва Юліі КУРАШ.

Алена БАСІКІРСКАЯ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 985
  • 0

Інвестыцыйны форум

  • 23 сентябрь 2011, 10:05
  • 69 868
  • 1

Пераброддзе 2012. Погляд вучонага

  • 31 август 2012, 15:19
  • 35 522
  • 0

  • 11 февраль 2011, 11:20
  • 34 265
  • 0

Злавілі рыбку, ды… залатую

  • 28 февраль 2011, 16:16
  • 33 634
  • 0

Кандыдатамі жадаюць стаць

  • 21 август 2012, 15:30
  • 32 975
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 989
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 декабря 2018
Андрей, Иван

Именины 12 декабря 2018
Даниил, Денис, Иван, Николай, Парамон, Сергей, Федор

Госці краін
free counters
Партнеры сайта