Авторизация
 

Пра вынікі селётняй працы аграрыяў Міёршчыны напярэдадні свята

 Напярэдадні прафесійнага свята аграрыяў начальнік упраўлення па сельскай гаспадарцы і харчаванні райвыканкама Аляксандр ШОКЕЛЬ пракаменціраваў вынікі года ў раслінаводстве і жывёлагадоўлі.

— Галоўны вынік сёлетняй нялёгкай працы аграрыяў Міёршчыны ў тым, што яны ўнеслі важкі ўклад у гарантаваную харчовую бяспеку краіны, — адзначыў Аляксандр Казіміравіч. — Пры гэтым, буду шчырым, ён мог і павінен быць большым па фізічных аб’ёмах, эфектыўным у эканамічных і фінансавых адносінах. Так, сельгаспрадпрыемствы намалацілі ў першапачаткова апрыходаванай вазе 34938 тон збожжа пры ўраджайнасці 24 цэнтнеры з гектара. Лепшыя вынікі забяспечылі СУП “Чэрасы”, дзе ўраджайнасць 33,3 цэнтнера і валавы збор 3881 тона, затым ідуць СУП “Цітова” — 32,3 ц/га
і 3866 т, філіял “Павяцце” — 31,8
ц/га і 1928 т, ААТ “Туркова” — 30,6 ц/га і 2804 тоны.


Упершыню пяць гаспадарак абмалочвалі кукурузу на зерне і атрымалі яго 923 тоны пры сярэдняй ураджайнасці 65,9 ц/га, а ў “Чэрасах” — нават па 94,6 цэнтнера з гектара.


Валавы збор алейнага насення рапсу дасягнуў 5239 тон, а намалот з гектара — 11,3 цэнтнера. Зноў наперадзе “Чэрасы”, дзе гэтыя паказчыкі адпаведна 691 т і 17,7 ц/га. Добрыя вынікі ў СУП “Цітова”, ААТ “Туркова”, КВУП “Язна”.


Больш нарыхтавалі кармоў на гэтую зімоўку — па 23,5 цэнтнера на ўмоўную галаву жывёлы ў сярэднім па раёне, а пад поўную патрэбу — у сельгаспрадпрыемствах “Туркова”, ”Чэрасы”, “Пад’ельцы”, “Цітова” і шэрагу іншых.


Не можа задавальняць, што сёлета толькі пяць гаспадарак павялічылі вытворчасць малака, а ў цэлым яна паменшылася на 854 тоны ці на 5,4%. Самую вялікую прыбаўку надою (1339 кілаграмаў на карову) забяспечылі ў СУП “Цітова”. Ад кожнай рагулі за 10 месяцаў тут атрымалі па 5178 кг сырадою, а па групе Таццяны Свірко з фермы “Субачава” — нават па 7337 кілаграмаў. Такія паказчыкі сведчаць пра магчымасці нашых аператараў машыннага даення пры належных штодзённых клопатах пра дойнае пагалоўе.


Сельгасарганізацыі раёна сёлета рэалізавалі на забой 3,1 тысячы тон статка ў жывой вазе, у тым ліку свіней 544 т, пры вырошчванні (вытворчасці) буйной рагатай жывёлы 3655 тон. І зноў арыенцір — СУП “Цітова”, дзе сярэднясутачныя прывагі склалі 691 грам. У “Чэрасах” дзённая прыбаўка 685 грам. Параўнайце: па раёне гэты паказчык 497 г.


Значны ўклад у дасягненні жывёлаводаў Міёршчыны спецыялістаў райветстанцыі і райплемстанцыі.
Па стане на 1 лістапада, у раёне атрымана сельскагаспадарчай прадукцыі на 50 мільёнаў рублёў, у супастаўных цэнах на 1,6% больш у параўнанні з аналагічным перыядам летась. Выручка ад рэалізацыі склала 30,7 мільёна рублёў, на 844 тысячы больш, чым у мінулым годзе. Хаця гэта не забяспечыла чакаемыя прыбытак і рэнтабельнасць. Пры тым налічаны фонд заработнай платы павялічыўся на 24%, сярэднямесячная заработная плата дасягнула 424 рублёў, да леташняй павялічылася на 100 рублёў.


На Міёршчыне якасную перапрацоўку сельскагаспадарчай сыравіны забяспечваюць мясакамбінат, ільнозавод, камбікормавы завод. Дапамагае аграрыям ва ўсіх работах “Райаграсэрвіс”. У адной звязцы з імі працуюць меліяратары, невялікія спецыялізаваныя арганізацыі і ўстановы. На бульбяных палетках пры ўборцы ўраджаю адчувальная падтрымка школьнікаў, якія таксама маюць магчымасць праявіць сябе на розных участках сельгасвытворчасці ў час летніх канікул.


Усім, хто мае дачыненне да працы ў сельскай гаспадарцы, напярэдадні прафесійнага свята выказваю шчырыя словы ўдзячнасці.
За агульнымі паказчыкамі стаіць канкрэтны ўклад у дасягненні кожнага з 1963 працаўнікоў, якія заняты ў арганізацыях аграпрамысловага комплексу.


— Мы цэнім не толькі дасягненні галін вытворчасці і калектываў, таму калегія райсельгасхарчу і прэзідыум райкама прафсаюза да Дня работнікаў сельскай гаспадаркі і перапрацоўчай прамысловасці АПК вызначае адначасова з лепшымі прадпрыемствамі і арганізацыямі перадавікоў. На святкаванне сёлета, як і раней, запрашалі дэлегацыі з усіх сельскагаспадарчых, акцыянерных, камунальных таварыстваў, устаноў. Сярод іх больш за сто чалавек—лепшыя з лепшых, для якіх прадугледжана маральнае і матэрыяльнае заахвочванне. На сцэну для ўзнагароджання ўзнімаліся кіраўнікі і спецыялісты, радавыя работнікі. Найперш гэта перадавыя аператары машыннага даення Таццяна Свірко з СУП “Цітова” (паўтару, што ў яе надой ад каровы 7337 кг), Жанна Падкладнёва з ААТ “Туркова” (5087 кг), Святлана Кашыра з ААТ “Дрыгучы” (5072 кг). Самыя высокія сярэднясутачныя прывагі забяспечвалі Эла Немянёнак з “Павяцця” (833 грамы), Фёдар Іваноў з “Цітова” (793 г), Валянціна Апалька з “Любінова” (778 г), Фаіна Грэцкая з “Чэрасаў” (744 г).


Заканамерна, што сярод выдатных працаўнікоў шмат механізатараў, і іх паказчыкі ўражваюць. Нядаўна высокім дасягненнем быў тысячатонны намалот зерня, цяпер звычайным становіцца ўдвая большы: 2055 тон на рахунку камбайнера Анатоля Сачыўкі з “Цітова”. На адвозцы зерня вызначыліся вадзіцелі Станіслаў Невядомскі з “Міёрскага”, Ігар Карніцкі з “Мікалаёўскага”, Фёдар Сушко з “Пад’ельцаў”, Валерый Каскевіч з “Мерыцы”, Міхаіл Лагун з “Туркова”. Нават цяжка пералічыць, хто праявіў свае лепшыя якасці на адвозцы зялёнай масы, сяўбе, апрацоўцы глебы і іншых работах.


Палявыя работы завершаны, настаў час распрацоўкі стратэгіі і тактыкі на наступны 2019 год. Якім ён чакаецца.
— Лічу, што слова “чакаецца” не зусім падыходзіць. 2019-ы павінен стаць вырашальным годам у далейшым развіцці ўсіх галін сельгасвытворчасці, а найперш—малочнай жывёлагадоўлі. Для гэтага ўжо забяспечаны пэўны “задзел”. Своеча- сова пасеяны азімыя на 11675 гектарах, што ўдвая больш леташняга. Зябліва ўзнята больш чым на 13 тысячах гектараў, і плугі заставаліся ў полі, пакуль дазваляла надвор’е. Зноў ёсць падстава сцвярджаць пра значнае апярэджанне мінулагодніх паказчыкаў. Такая ж сітуацыя з запасамі кармоў на гэтую зімоўку пры паступовым змяненні структуры пасяўных плошчаў на карысць кармавых культур. Так што застаецца сканцэнтравацца на пытаннях узнаўлення пагалоўя, паляпшэння вырошчвання цялушак, іх пакрыцця і ўводу ў дойныя гурты, адпрацоўкі тэхналогіі атрымання высокіх надояў і прываг, высакаякаснай прадукцыі.


Разумею, што сказаць проста, а справа патрабуе павышэння прафесійнай падрыхтоўкі і адказнасці кіраўнікоў, спецыялістаў і радавых работнікаў. Найперш маю на ўвазе веданне і захаванне тэхналогіі. Затым — нацэльванне калектываў на выкананне задач росту, каб кожны адчуваў уласную адказнасць за свой участак работы.


Таму агульнае пажаданне цярпення ў дасягненні доўгатэрміновых мэт, здароўя, дабрабыту, ладу ў сем’ях і каб справа прыносіла задавальненне.

Фота Казіміра БЛАЖЭВІЧА.
Гутарыў Леанід МАТЭЛЕНАК.

Калегія ўпраўлення па сельскай гаспадарцы і харчаванні, прэзідыум райкама прафсаюза работнікаў АПК па выніках работы калектываў прадпрыемстваў, арганізацый і асобных работнікаў за 10 месяцаў 2018 года вызначылі пераможцаў раённага спаборніцтва па павелічэнні вытворчасці сельгаспрадукцыі і павышэнні эканамічнай эфектыўнасці, дасягненні высокай культуры земляробства і жывёлагадоўлі.

Сярод гаспадарак першае месца заняло СУП “Цітова” (дырэктар Франц Вершалоўскі), другое — СУП “Чэрасы” (дырэктар Алег Януковіч), трэцяе — ААТ “Туркова” (дырэктар Іван Юрашэк).


У раслінаводстве лепшыя:
па вытворчасці зерня на першым месцы СУП “Чэрасы”, на другім — СУП “Цітова”, на трэцім — філіял “Павяцце” (дырэктар Рыгор Міна);
па вытворчасці алейнага насення рапсу прызавыя месцы размеркаваліся ў наступным парадку: першае — за СУП “Чэрасы”, на другім СУП “Цітова” і ААТ “Туркова”, на трэцім — КВУП “Язна” (дырэктар Сяргей Ельяшэвіч);


па вытворчасці кармоў лепшымі названы ААТ “Туркова”, СУП “Чэрасы” і ААТ “Пад’ельцы” (намеснік дырэктара Леанід Крукаў);
па вытворчасці насення шматгадовых траў вызначылася ААТ “Пад’ельцы”.


Перадавікі ў жывёлагадоўлі:
па вытворчасці і продажы мяса самыя высокія паказчыкі ў СУП “Цітова”, СУП “Чэрасы” і філіяле “Павяцце”;
па вытворчасці і продажы малака п’едэстал гонару занялі СУП “Цітова” і СУП “Чэрасы”.


Лепшыя маладыя спецыялісты:
Аляксандр ЖУК — выконваючы абавязкі галоўнага інжынера ААТ “Туркова”;
Наталля РАЗУМЧЫК — аператар па вырошчванні буйной рагатай жывёлы СУП “Цітова”;
Сяргей СТРАЛКОЎСКІ — галоўны інжынер КВУП “Язна”.


Лепшыя спецыялісты сярэдняга звяна:
Віктар СМУЛЬКО — загадчык фермы “Даўгінава” ААТ “Узмёнскі край”;
Таццяна ДЗЯМ’ЯНАВА — тэхнік-асемянатар ААТ “Наўгароды”.


Лепшыя галоўныя спецыялісты:
у жывёлагадоўлі: Даната ШЧАЛКУН — намеснік дырэктара па жывёлагадоўлі СУП “Цітова”;
у раслінаводстве: Міхаіл ПАНКРАТ — галоўны аграном ААТ “Пад’ельцы”;
у механізацыі: Тадэвуш АЛЬХІМОВІЧ — галоўны інжынер ААТ “Мікалаёўскі”;
у эканоміцы: Вольга ВАСЮКОВІЧ — галоўны эканаміст ААТ “Туркова”;
па бухгалтарскім уліку: Галіна ЮШКЕВІЧ — галоўны бухгалтар ААТ “Узмёнскі край”.


Перадавыя гаспадаркі і спецыялісты ўзнагароджаны Ганаровымі граматамі ўпраўлення па сельскай гаспадарцы і харчаванні райвыканкама і райкама прафсаюза работнікаў АПК, адзначаны грашовымі прэміямі. Такія ж узнагароды прадугледжаны для вялікай групы кіраўнікоў, спецыялістаў і радавых работнікаў аграпрамысловага комплексу раёна.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 94 936
  • 0

Інвестыцыйны форум

  • 23 сентябрь 2011, 10:05
  • 72 499
  • 1

Злавілі рыбку, ды… залатую

  • 28 февраль 2011, 16:16
  • 38 291
  • 0

Пераброддзе 2012. Погляд вучонага

  • 31 август 2012, 15:19
  • 36 951
  • 0

  • 11 февраль 2011, 11:20
  • 35 673
  • 0

Кандыдатамі жадаюць стаць

  • 21 август 2012, 15:30
  • 33 883
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 22 904
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 января 2019
Василий, Виктор, Владимир, Георгий, Григорий, Дмитрий, Евгений, Емельян, Иван, Илья, Михаил, Юлиан, Василиса, Доминика

Именины 20 января 2019
Василий, Иван, Афанасий

Госці краін
free counters
Партнеры сайта