Авторизация
 

Конкурс сем'яў “Уладар сяла” прайшоў у аграгарадку Язна

Больш здымкаў на http://album.mijory.by/thumbnails.php?album=58 Кацялок і вёдры, сякера і піла, запрэжаны конь, падпаленая калода. Усё гэта атрыбуты раённага конкурсу “Уладар сяла”, які прайшоў у чацвер, 23 жніўня.

Спаборніцтва для дружных і актыўных сельскіх сем’яў штогод мяняе адрас. Сёлета конкурснай пляцоўкай стаў аграгарадок Язна. Удзельнікаў падтрымлівалі родныя, сябры, кіраўніцтва сельсаветаў. У будні дзень гледачоў і балельшчыкаў сабралася нямала.

 ДА ПАЧАТКУ конкурсу ёсць час пагутарыць з удзельнікамі. Юрый і Таццяна Пазікі з Язна. У лютым адзначылі дзясятую гадавіну сумеснага жыцця. У іх утульны дом і вялікая сям’я.


— Старэйшы сын Ілья пойдзе ў чацвёрты клас, Ваня — у трэці. Дачушцы Дзіяне пяць год, самай малодшай Аляксандры — два, — расказвае маці.— Мы рады, што ў нас чацвёра дзяцей. Паміж імі дружба і згода. Падтрымліваем сыноў і дачушак на мерапрыемствах і конкурсах у школе і садку. Удзельнічаем разам з імі.


На “Уладары сяла” Юрый і Таццяна ў трэці раз. На мінулых спаборніцтвах былі лепшымі ў намінацыях “Самая спартыўная сям’я”, “Самая гаспадарлівая і працавітая сям’я”. Да чарговага конкурсу ўсе разам рыхтаваліся некалькі дзён. Рэпеціравалі візітку, прадумвалі афармленне стала, гатавалі стравы.


 З другога канца Міёршчыны прыехала сям’я Сушко. Аляксандр і Вікторыя жывуць у вёсцы Міёркі-2 Перабродскага сельсавета. У красавіку іх сямейнаму саюзу споўнілася сем год. Удзельнічаюць у конкурсе другі раз. Дэбют адбыўся два гады таму. Тады сталі пераможцамі. За гэты час сям’я павялічылася.


 — У нас трое дзетак. Малодшаму Дзяніску ідзе другі год. Максіму — чатыры, дачушцы Соні — шэсць. Старэйшыя ходзяць у дзіцячы садок,—гаворыць Вікторыя. — Прыехалі на конкурс з сябрам нашай сям’і Валянцінай Панцялееўнай. Гэта яшчэ адна бабуля для нашых дзяцей. Усяго ў іх па двое дзядуль і бабуль, чатыры прабабулі і адзін прадзядуля. Яму нядаўна споўнілася 90 год. Калі тэлефанавала віншаваць з юбілеем і запыталася, чым займаецца, адказаў: “Кашу траву, каб было дзе праўнукам пабегаць”.


Жыве сям’я Сушко ва ўласным доме. Даглядаюць агарод і цяпліцы, трымаюць птушку. Свой ураджай гаспадыня кансервуе на зіму. У склепе за трыста слоікаў з кампотамі, варэннямі, салянкамі.


УДЗЕЛЬНІКАЎ і гледачоў запрашаюць у глядзельную залу Язненскага СДК. Свята-конкурс пачынаецца.


У прывітальным слове намеснік старшыні райвыканкама Таццяна Стальмачонак заўважыла, што на Міёршчыне шмат дружных, працавітых, цікавых сем’яў, дзе выхоўваюцца цудоўныя дзеці. Для такіх і праводзіцца спаборніцтва, якое яшчэ больш раскрывае сямейныя таленты і згуртоўвае бацькоў і дзяцей. Словы ўдзячнасці Таццяна Алегаўна выказала канкурсантам, арганізатарам, кіраўнікам раённых арганізацый, грамадскіх аб’яднанняў, якія падтрымалі мерапрыемства.


 Творча і дружна прадставілі сябе ўдзельнікі на конкурсе візітак. Формы выбралі розныя — вершы, песні, музычныя інсцэніроўкі. Фотапрэзентацыі ўпэўнілі журы і гледачоў у тым, што ў сем’ях любяць працаваць, клапоцяцца пра добраўпарадкаванне сядзіб, умеюць адпачываць актыўна і з карысцю.


Кулінарныя здольнасці гаспадынь ацанілі падчас дэгустацыі страў на шчодра і прывабна накрытых сямейных сталах. У меню запечаная рыба, бульба з курыцай пад сырам, бутэрброды, піражкі, салодкая выпечка, кампоты.


Падсілкаваўшыся, скіраваліся на пляцоўку Язненскага лясніцтва, што непадалёку ад СДК. Тут чакалі адказныя і напружаныя этапы — эстафета з прадметамі сельскага побыту, распілоўка дроў, прыгатаванне дранікаў на калодзе. З цікавасцю назіралі, як канкурсанты распрагаюць і запрагаюць каня. Майстар-клас правёў гаспадар кабылы Аўгусціны Васіль Пятровіч Каўрэцкі з вёскі Карасі Язненскага сельсавета. Затым сачыў за дзеяннямі ўдзельнікаў і ўказваў на памылкі.


 Кожнае спаборніцтва замяралі секундамерам. Напрыклад, часавы інтэрвал у распілоўцы дроў — ад 2 хвілін 9 секунд да 3 хвілін 10 секунд. Пасеклі дровы і склалі ў кладку хутчэй — 43 секунды.


— Пілаваць дровы складана. Такі інструмент трымаць у руках не даводзілася, — дзеліцца ўражаннямі Вікторыя Сушко. — Дранікі пячы на прыродзе звыкла. Часта ладзім сямейны адпачынак на свежым паветры. Варым юшку, смажым шашлыкі.


 АТМАСФЕРА спаборніцтва атрымалася добразычлівай, пазітыўнай і ўтульнай. Нотак творчасці дадалі супрацоўнікі Язненскага СДК і самадзейныя артысты. Пакуль журы падводзіла вынікі, выканаўцы з душой спявалі са сцэны. З сольнымі нумарамі і ў дуэце выступалі Міхаіл Карпаў, Уладзімір Каханчык, Вольга Александроўская, Валянціна Быкава, Анатоль Дубоўскі. “Калі ўся сям’я разам — душа на месцы”, — заўважыла вядучая канцэрта Ларыса Карпава.


А калі ўся сям’я ў пераможцах — душа спявае. Па рашэнні журы, званне “Уладар сяла-2018” атрымала сям’я Пазік з Язна. Мяркуючы па гучных апладысментах, гледачы з ацэнкай згодны. Усе канкурсанты атрымалі дыпломы і каштоўныя падарункі. 

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 297
  • 0

Інвестыцыйны форум

  • 23 сентябрь 2011, 10:05
  • 76 906
  • 1

Злавілі рыбку, ды… залатую

  • 28 февраль 2011, 16:16
  • 48 396
  • 0

Пераброддзе 2012. Погляд вучонага

  • 31 август 2012, 15:19
  • 39 209
  • 0

  • 11 февраль 2011, 11:20
  • 37 940
  • 0

Кандыдатамі жадаюць стаць

  • 21 август 2012, 15:30
  • 35 155
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 128
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 20 апреля 2019
Аркадий, Георгий, Даниил, Петр, Акулина, Евдокия

Именины 19 апреля 2019
Григорий, Иван, Павел, Петр, Севастьян, Яков

Госці краін
free counters
Партнеры сайта