Авторизация
 

Другі камбайнер-тысячнік — Аляксей МАРОЗ з філіяла “Павяцце”

 Другім камбайнерам-тысячнікам у раёне стаў Аляксей МАРОЗ з філіяла “Павяцце”. Вынік чакаемы, але важны, бо забяспечаны маладзёжным экіпажам. Запаветны рубеж Аляксей Віктаравіч пераадолеў у нядзелю на аўсяна-пялюшкавым полі ва ўрочышчы Мальцы.  Урачыстая падзея магла адбыцца на некалькі дзён пазней, але ў гаспадарцы не чакалі добрага надвор’я.

— Вакол ішлі дажджы, а мы нягледзячы на гэта з раніцы ў суботу і нядзелю ўключалі ў работу камбайны, — тлумачыць дырэктар Рыгор Міна. — Вынік прыемны.


З раніцы ў панядзелак на полі ля Мальцаў ушанавалі маладога перадавіка. Намеснік начальніка аддзела ідэалагічнай работы, культуры і па справах моладзі райвыканкама Аксана Ашурка павіншавала Аляксея з поспехам, уручыла пісьмо-падзяку аддзела і РК БРСМ, сертыфікат на падарунак. Да віншаванняў далучылася першы сакратар райкама Беларускага рэспубліканскага саюза моладзі Вікторыя Пяткевіч і прыпаднесла герою дня сувенір.


Старшыня райкама прафсаюза работнікаў аграпрамысловага комплексу Леанід Хахель падрыхтаваў для маладога камбайнера-тысячніка прафсаюзную грамату, каштоўны падарунак і лідарскія чырвоныя кепку і майку.


 Атрыбутамі лідара адзначаны таксама дырэктар філіяла “Павяцце” Рыгор Міна, бо гаспадарка паспяхова заканчвае сёлетняе жніво. У сельгаспрадпрыемстве заставалася абмалаціць 50 гектараў зернебабовых. Апошнія плошчы, як вядома, самыя цяжкія, ды і надвор’е пачынае турбаваць, але на аўсяна-пялюшкавае поле накіравалі самых старанных механізатараў і вадзіцеляў на адвозцы збожжа. Тут адначасова ішлі абмалот зернебабовых і прасаванне саломы, на падыходзе знаходзіліся возчыкі рулонаў.


— Дажынкі тут будзем спраўляць у сераду, — упэўнены Рыгор Мікалаевіч. Яго ўзнагародам больш за ўсіх радаваўся ўнук-трэцякласнік Марат, які пастаянна суправаджае дзядулю ў паездках па палях.


У “Павяцці” ў комплексе вядуцца і іншыя работы. У прыватнасці, Уладзімір Сіўко ў суботу, як і абяцаў, закончыў сяўбу азімага рапсу на 116-гектарнай плошчы. 

Леанід МАТЭЛЕНАК. 

Фота Л. Матэленка.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 мая 2021
Василий, Игнатий, Климент, Максим, Никита, Яков, Ефрем

Именины 12 мая 2021
Арсений, Артем, Василий, Иван, Федот

Госці краін

free counters
Партнеры сайта