Авторизация
 

Дэлегацыя з Крустпілскага краю (Латвія) наведала Міёршчыну

 Больш фотаздымкаў у сацыяльных сетках групы "Миоры. Новости/Міёрскія навіны" па спасылках ОК https://ok.ru/merskyanav/album/53824545882251

ВК https://vk.com/album-93032809_254786062

Fb https://www.facebook.com/media/set/?set=oa.199535844012459&type=3

Суседзі з Латвіі праяўляюць цікавасць па ўсталяванні сяброўскіх і дзелавых  сувязей з Міёршчынай. З гэтый мэтай раён 8 чэрвеня наведала вялікая дэлегацыя з Крустпілскага краю пад кіраўніцтвам старшыні Думы самакіравання Карліса Паберзса. Сярод 46 гасцей былі работнікі самакіраванняў, культуры, адукацыі, спецыялісты сацыяльнай сферы.

Крустпілскі край — гэта частка былога Екабпілскага раёна, у прыродных адносінах падобная на нашу Міёршчыну, багатая на вадаёмы, лясы і балоты. Горад Крустпілс знахо- дзіцца за 94 кіламетры ад Даўгаўпілса і за 165 — ад Рыгі. Край падзелены на шэсць валасцей і мае 6052 жыхароў. Прадстаўнічы орган улады — Дума з 15 дэпутатаў, якія ўдзельнічаюць у дзейнасці трох камісій. Выканаўчую ўладу прадстаўляе выканаўчы дырэктар Райманд Спекс.


 У краі дзейнічаюць сем школ, столькі ж бібліятэк і Дамоў культуры, 28 калектываў мастацкай самадзейнасці. Развіваюцца лесаводства, дрэваапрацоўка і здабыча карысных выкапняў, сельская гаспадарка пры прыватным землеўладанні, турызм, дарожная сфера.
Гасцей на граніцы раёна сустракалі намеснік старшыні райвыканкама Леанід Лясовіч і намеснік начальніка аддзела ідэалагічнай работы, культуры і па справах моладзі Аксана Ашурка. Культработнікі пад беларускія мелодыі віталі суседзяў-латышоў і прыпаднеслі ім каравай.
 Для дэлегацыі з суседняй краіны падрыхтавалі насычаную праграму знаёмства з нашымі мясцінамі. Пра іх і тутэйшае мінулае па шляху руху гасцям расказвала супрацоўніца раённага музея Вольга Пупіна. А першым аб’ектам знаёмства стаў дзіцячы санаторый “Расінка”. Юныя адпачывальнікі ў яркіх касцюмах падрыхтавалі прыезджым маляўнічае прывітанне, а каравай прыпаднесла дзевяцігадовая жыхарка Полацка Дзіяна Озерава. Санаторый ёй спадабаўся, тут яна адпачывае ўжо другі сезон.


Калі меркаваць па пазнейшых выказваннях членаў дэлегацыі, санаторый спадабаўся і прыезджым. Яны пазнаёміліся з умовамі жыцця і медыцынскага абслугоўвання не толькі дзяцей, але і дарослых. Прыйшлі да высновы, што адпачываць і лячыцца ў гэтай беларускай установе больш танна, чым у аналагічных латвійскіх. Падрабязныя тлумачэнні прыезджым давалі намеснікі дырэктара па выхаваўчай рабоце Жанна Акачонак і па культурна-масавай і аздараўленчай рабоце Людміла Войтава, маркетолаг Наталля Валошына.


 Пытанняў у членаў дэлегацыі было шмат, і не толькі адносна дзейнасці санаторыя. Цікавіліся нават землеўладаннем і набыццём жылля ў тых жа Мурашках.


Між тым гаспадары паказалі гасцям лячэбную і спартыўную базу, добраўпарадкаванне, падзяліліся метадамі работы з дзецьмі, пачаставалі мінеральнай вадой. Сапраўднае замілаванне выклікала міні-праграма знаёмства з выхаванцамі ў актавай зале. Закончылася яна абменам сувенірамі. Латышы павезлі з сабой нумары дзіцячай газеты “Расінка”.


Дзелавой часткай візіту можна назваць мерапрыемствы ў будынку райвыканкама. Тут госці пазнаёміліся з вектарамі развіцця і напрамкамі росту эканомікі і турыстычнай сферы раёна, візітнай карткай дзяржаўнага ландшафтнага заказніка “Ельня”. Начальнік аддзела грамадскага харчавання райспажыўтаварыства Іна Емяльянава і буфетчыца Яна Гарноўская арганізавалі для латышоў дэгустацыю страў беларускай кухні.
 У зале пасяджэнняў адбылася афіцыйная частка візіту. Адкрыў яе намеснік старшыні райвыканкама Аляксандр Баданін. Больш падрабязна расказаў пра перспектывы развіцця эканомікі раёна і асабліва — сферы паслуг. Гасцей вітаў старшыня райвыканкама Ігар Кузняцоў. У адказ выступіў старшыня Думы самакіравання Крустпілскага краю Карліс Паберзс. Ён пазнаёміў з магчымасцямі супрацоўніцтва і перспектывамі ўзаемасувязяў з Міёршчынай у розных сферах.


Прадэманстравалі відэафільмы пра Міёрскі раён і Крустпілскі край. Абмяняліся сувенірамі.
Далей на Міёршчыне латышскіх гасцей чакалі знаёмства з выставай мясцовых сувеніраў у фае РДК (дарэчы, пад мелодыі квінтэта выкладчыкаў дзіцячай школы мастацтваў), экскурсія ў касцёл Унебаўзяцця Найсвяцейшай Панны Марыі, наведванне музеяў СШ №3, паездка ў Язна, аграгарадок з багатай гісторыяй і цікавымі сучаснымі набыткамі ў дзейнасці ўстаноў культуры, самадзейных творчых калектываў і арганізацыі кластэрнай дзейнасці аграсядзіб.


Па выніках візіту намеснік старшыні райвыканкама Аляксандр Баданін заўважыў, што калегам з Крустпілскага краю прапанавана ідэя сумеснай рэалізацыі пректаў у рамках праграм ПРААН. Наперадзе іх узгадненне. 

Фотаматэрыял Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 537
  • 0

Інвестыцыйны форум

  • 23 сентябрь 2011, 10:05
  • 55 891
  • 1

Пераброддзе 2012. Погляд вучонага

  • 31 август 2012, 15:19
  • 24 660
  • 0

Кандыдатамі жадаюць стаць

  • 21 август 2012, 15:30
  • 24 388
  • 0

  • 11 февраль 2011, 11:20
  • 23 518
  • 0

Злавілі рыбку, ды… залатую

  • 28 февраль 2011, 16:16
  • 20 987
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 535
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июня 2018
Василий, Константин, Павел, Федор, Ефрем

Именины 20 июня 2018
Александр, Богдан, Борис, Валентин, Василий, Вениамин, Виктор, Владимир, Григорий, Давид, Иван, Игнатий, Лев, Максим, Михаил, Николай, Павел, Петр, Степан, Тарас, Федор, Федот, Анна, Валерия, Зинаида, Калерия, Мария, Афанасий

Госці краін
free counters
Партнеры сайта