Авторизация
 

Дзень сям'і для міярчан Сяргея і Вольгі БАСАКОВЫХ

  — Тата — раз, мама — два, я — тры, маленькія — чатыры і пяць, кот Рыжык — шэсць, — пералічвае сваю сям’ю дзяўчынка Даша. — Самы галоўны — тата, самая модная і шыкоўная — мама, самыя плаксівыя — сястрычкі, але яны бываюць і спакойнымі, самы хуткі — кот, а я — самая лепшая.

Быць сям’ёй — гэта значыць быць адзін аднаму падтрымкай, надзейным тылам, шчасцем і разам клапаціцца пра сваіх дзяцей. Так лічаць міярчане Сяргей і Вольга БАСАКОВЫ. Хутка яны адзначаць сёмую гадавіну сямейнага жыцця. Разам з дачушкай Дашай, якая рыхтуецца да выпускнога ў дзіцячым садку, і блізнятамі Аняй і Янай, якім пайшоў чацвёрты месяц.

РАЗМАЎЛЯЕМ у прасторнай драўлянай альтанцы ў двары. Гаспадар узвёў яе сам за два вечары. Атрыманыя ў вучылішчы будаўнікоў навыкі прымяняе на ўласны дабрабыт. Зрабіў лазню, плануе, дзе размясціць іншыя пабудовы, “апранае” ў сайдынг дом. Паставіў яго на новы фундамент, перакрыў дах, дапоўніў верандай. Наймаць работнікаў няма патрэбы. Ёсць дружныя браты, добрыя сябры і свае ўмелыя рукі. Спраўляецца Сяргей з задачамі, якія лічацца жаночымі. Калісьці і не думаў, што будзе збіраць дачушку ў садок і касу ёй заплятаць. Дапамагае даглядаць малодшых. Супакойвае іх уначы, акуратна пагойдвае каляску ўдзень.


— Па-рознаму дзяўчынкі сябе паводзяць. Часам добра спяць, бывае, наадварот. — гаворыць Вольга. — Нядаўна прышчэпку зрабілі. Напэўна, арганізм прывыкае. Сёння ноч няпростая была. Здараецца, за суткі толькі чатыры гадзіны на адпачынак выпадае.


У БАЦЬКОЎ на тварах шчаслівая стомленасць. Такая бывае ў людзей, якія шмат часу аддаюць чамусьці любімаму, прыемнаму, што забірае шмат сіл і напаўняе рэчаіснасць сапраўдным сэнсам. Для Сяргея і Вольгі — гэта іх дачушкі.
— У сям’і павінны быць дзеці, — упэўнены Сяргей.


Звестка пра тое, што чакаюць блізнят, стала для іх нечаканасцю. Перажывалі, як будуць спраўляцца з двума немаўлятамі.
Аня і Яна нарадзіліся 1 лютага. Калі забіралі іх дадому, старэйшая сястрычка прапанавала тату пусціць у неба паветраныя шары. Так і зрабілі. Даша разумее, што матулі складана спраўляцца з маленькімі, што яна стамляецца. Таму стараецца быць самастойнай, падтрымлівае ў парадку пакой, прыбірае за сабой цацкі. Рухавая і жвавая, любіць гуляць з татам у даганялкі ў двары і рыбачыць разам з ім на возеры. Праяўляецца характар у блізнят.


— Знешне на тату падобныя. Аня актыўная, Яна больш спакойная, спіць даўжэй за сястрычку. Абедзве не шкадуюць усмешак,—расказвае маці. — Ім патрэбны зносіны. Слухаюць, калі штосьці расказваеш.


БЕЗ дачушак Басаковы ўжо не ўяўляюць сваю сям’ю. Хочацца, каб дзеткі раслі здаровымі, у камфортных умовах, частаваліся салодкімі ягадамі і свежай гароднінай. У двары малады сад з грушай, слівай, чарэшняй, хутка пакажуцца з градак парасткі бульбы, агуркоў, морквы. У планах гадаваць птушку. Аб’ём работы не палохае. Працаваць умеюць. Наведваюць бацькоў Сяргея ў Пераброддзі, дапамагаюць па гаспадарцы. Вользе падабаюцца маляўнічыя перабродскія мясціны. Яе родныя ў Шумілінскім раёне. На лета туды да бабулі збіраецца Даша.


НЕПРЫКМЕТНА пабяжыць час. Прынясе першыя адзнакі са школы старэйшая дачушка, пачнуць рабіць першыя крокі блізняты. Мноства розных падзей — радасных і сумных, важных і звычайных, незабыўных і клопатных — чакае дружную сям’ю. Разам будуць радавацца поспехам, спраўляцца з праблемамі, заплятаць дзяўчынкам косы, збіраць у лесе грыбы, замарожваць на зіму суніцы, купацца на перабродскім возеры. Словам, быць шчаслівымі. 

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 475
  • 0

Інвестыцыйны форум

  • 23 сентябрь 2011, 10:05
  • 55 157
  • 1

Пераброддзе 2012. Погляд вучонага

  • 31 август 2012, 15:19
  • 24 245
  • 0

Кандыдатамі жадаюць стаць

  • 21 август 2012, 15:30
  • 24 242
  • 0

  • 11 февраль 2011, 11:20
  • 23 110
  • 0

Злавілі рыбку, ды… залатую

  • 28 февраль 2011, 16:16
  • 20 874
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 472
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 мая 2018
Александр, Иосиф, Кирилл, Константин, Михаил, Ростислав

Именины 23 мая 2018
Василий, Кирилл, Таисия

Госці краін
free counters
Партнеры сайта