Авторизация
 

4 сакавіка — Дзень міліцыі. Міліцыянер-кінолаг Павел ШАНІН заступае на дзяжурства з сабакам Грэем

 4 сакавіка — Дзень міліцыі

Міліцыянер-кінолаг Павел ШАНІН заступае на дзяжурства са сваім чацвёраногім калегам па мянушцы Грэй. Да службы ў ахове сабакі ў Паўла не было. Гэта не перашкодзіла стаць міліцыянерам-кінолагам, навучыцца разумець характар і настрой чацвёраногіх таварышаў, вучыць іх выконваць каманды і браць след. 

У МІНУЛЫМ ГОДЗЕ Павел Шанін адзначыў першы службовы юбілей — пяць год. У Грэя выслуга меншая. Двухмесячным шчанём Павел прывёз яго з гадавальніка службовых сабак абласнога ўпраўлення Дэпартамента аховы. Цяпер нямецкай аўчарцы тры з паловай гады. Можна сказаць, яшчэ падлетак. Энергічны, эмацыяльнальны. Па тым, як радуецца свайму гаспадару, бачна, што Грэю не заўсёды проста, так бы мовіць, трымаць сябе ў лапах. 


— Да службы прывучаў паступова. Спачатку браў з сабой на некалькі гадзін, затым павялічваў час, — расказвае міліцыянера-кінолаг.
ПАЎЛУ доўга прывыкаць да дысцыпліны не давялося. У міёрскую ахову ўладкаваўся адразу пасля арміі. Да гэтага паўгода паспеў папрацаваць аграномам у адной з гаспадарак Шклоўскага раёна Магілёўскай вобласці. Туды накіравалі пасля Лужаснянскага аграрнага каледжа.


— Вырашыў вярнуцца ў свой горад. Якраз у ахове была вакансія, — гаворыць Павел. — Знаёмыя здзіўляліся, што ў кінолагі пайшоў. У мяне нават сабакі свайго не было. Аднак усё атрымалася.


ПРАФМАЙСТЭРСТВА міліцыянер-кінолаг і яго чацвёраногі калега перыядычна павышаюць на спецыяльных курсах у Віцебску. Браць след, шукаць па паху рэч ці чалавека, якому яна належыць — такія службовыя патрабаванні да сабакі. Два разы на тыдзень Павел паўтарае з Грэем стандартныя каманды  — "сядзець", "ляжаць", "стаяць", "голас", "да мяне", "апорт". Адольваюць паласу перашкод. Грэй лёгка скача праз двухметровы бар'ер.


— Па правілах, сабаку трэба трэніраваць на адлегласці 15-20 метраў. Ён павінен разумець каманды, пададзеныя і голасам, і жэстамі. І слухацца толькі свайго гаспадара,—расказвае міліцыянер-кінолаг. — Грэй — здольны вучань. Аднак часам бывае не ў настроі. За поспехі частую яго ласункамі.


РАЗАМ з Паўлам Грэй заступае на дзяжурства па горадзе і займае сваё месца ў патрульнай машыне. Часта выязджаюць на месцы злачынстваў у раён. Неяк у адной вёсцы з магазіна ўкралі спіртное і прадукты харчавання. Грэй каля кіламетра ішоў па следзе злодзеяў і не памыліўся.


ВЫХАДНЫЯ дні Павел праводзіць са сваёй сям'ёй. Дома сустракаюць жонка Марына і трохгадовая дачушка Саша. Грэй адпачывае непадалёку на дачы. Павел прыносіць яму корм, выгульвае. У супрацоўніка аховы адносіны з сабакам выходзяць за рамкі службовых.
 — Перш за ўсё Грэй — гэта сябар, — заўважае міліцыянер-кінолаг. 


ДВОЙЧЫ Павел і Грэй удзельнічалі ў абласным конкурсе прафмайстэрства. Пакуль што лепшы вынік — сёмае месца з дваццаці двух. Перамогі яшчэ наперадзе. 

Фота аўтара.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 096
  • 0

Інвестыцыйны форум

  • 23 сентябрь 2011, 10:05
  • 65 323
  • 1

Пераброддзе 2012. Погляд вучонага

  • 31 август 2012, 15:19
  • 31 961
  • 0

  • 11 февраль 2011, 11:20
  • 30 761
  • 0

Кандыдатамі жадаюць стаць

  • 21 август 2012, 15:30
  • 30 078
  • 0

Злавілі рыбку, ды… залатую

  • 28 февраль 2011, 16:16
  • 26 810
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 105
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 октября 2018
Авраам, Ефим, Константин, Максим, Петр, Яков

Именины 21 октября 2018
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Госці краін
free counters
Партнеры сайта