В когорте многочисленных награжденных и руководители Миорщины

 2 лютага ў аблвыканкаме ўшанавалі заслужаных людзей Віцебшчыны, якія стваралі яе гісторыю, унеслі важкі ўклад у развіццё і росквіт краю. Сярод іх ветэраны, героі Сацыялістычнай працы, кавалеры ордэна Працоўнай Славы, былыя кіраўнікі мясцовых органаў улады, прадпрыемстваў і арганізацый, прадстаўнікі розных сфер дзейнасці, а таксама пакаленне пераемнікаў, хто цяпер сваім стараннем, добрымі справамі і наватарскімі ідэямі вядзе рэгіён у нагу з часам. Мерапрыемства прысвячалася 80-годдзю ўтварэння вобласці.

Прыўзнятым настроем, доўгачаканай сустрэчай з былымі калегамі, настальгічнымі ўспамінамі, атмасферай гонару за родны край запомніўся гэты дзень былым старшыням Міёрскага райвыканкама Уладзіміру Скавародку і Віктару Тарасевічу. Яны ў кагорце шматлікіх узнагароджаных "За вялікі ўклад у сацыяльна-эканамічнае развіццё Віцебскай вобласці і ў сувязі з 80-годдзем яе ўтварэння". Ганаровыя дыпломы аблвыканкама і абласнога Савета дэпутатаў уручалі губернатар вобласці Мікалай Шарстнёў і старшыня абласнога Савета Уладзімір Цярэнцьеў.


Заслужаных людзей Прыдзвіння вітаў старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка. З асаблівай павагай і ўдзячнасцю ён звярнуўся да працаўнікоў, якія на працягу шматлікіх гадоў памнажалі дабрабыт вобласці. Некалі яму, як старшыні Віцебскага аблвыканкама, з многімі даводзілася вырашаць важныя надзённыя задачы. Уладзімір Паўлавіч выказаў падзяку за сумесную дзейнасць у мінулым, за гарманічнае развіццё краю цяпер. Асобным рупліўцам уручаны ўзнагароды Нацыянальнага сходу Рэспублікі Беларусь.


Сваіх герояў ушаноўвалі і афіцыйныя прадстаўнікі Міністэрства прамысловасці, Міністэрства антыманапольнага рэгулявання і гандлю, Міністэрства сувязі і інфарматызацыі. Ва ўрачыстай абстаноўцы старшыня Міёрскага райвыканкама Ігар Кузняцоў адзначаны Ганаровай граматай Міністэрства ўнутраных спраў Рэспублікі Беларусь. 

Фота Казіміра БЛАЖЭВІЧА. 

Наталія СТАНКЕВІЧ. 

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.