Авторизация
 

Міёрскі мясакамбінат вырабляе штомесяц каля 40 тон каўбасных вырабаў

 Міёрскі мясакамбінат вырабляе штомесяц каля 40 тон сыравэнджаных і сыравяленых каўбасных вырабаў, якія пастаўляе не толькі ў фірменныя і звычайныя прадуктовыя мясцовыя магазіны, таксама спажыўцам усёй Віцебшчыны і Гомельскай, Магілёўскай, Мінскай абласцей.

Прыемнай навіной стала вестка ад вядучага эканаміста прадпрыемства Жанны Кураш, што Міёрскі мясакамбінат сёлета ледзь не ўдвая павялічвае аб'ёмы вытворчасці, больш, чым у два разы — перапрацоўку мяса і субпрадуктаў, мае добры прыбытак. Толькі што азначаюць гэтыя паказчыкі для спажыўцоў? Чым парадуюць жыхароў раёна вітрыны "Гурмана" і харчовых магазінаў? Пытанні адрасавалі галоўнаму тэхнолагу камбіната Андрэю ЗАВАДСКАМУ.

 — Мы вырабляем і пастаўляем у гандлёвую сетку каля двухсот відаў мясных вырабаў і паўфабрыкатаў, — адзначыў Андрэй Мікалаевіч. — Асартымент пастаянна папаўняецца дзякуючы ініцыятыўнасці і намаганням інжынера-тэхнолага Паўла Кліменцьева, які абапіраецца на падтрымку старшага майстра каўбаснага ўчастка Уладзіслава Абалевіча і майстроў Алены Раманоўскай, Віталя Пяткевіча, Анатоля Залатухі, маладога спецыяліста Кацярыны Грыгор'евай.


Павел Андрэевіч распрацоўвае дакументацыю, узгадняе са сваімі памочнікамі рэцэптуру і асаблівасці тэхналогіі. Падбіраюць і рыхтуюць сыравіну, рэалізуюць ідэі пры строгім кантролі галоўнага ветэрынарнага ўрача Аляксандра Сіняўскага за захаваннем санітарных умоў працэсу. Да ўсяго гэтага маюць дачыненне старшы майстар мяса-тлушчавага ўчастка Таццяна Кірылава, майстар Марыя Крупенька. А таксама Алена Крук, Таццяна Гінько.


 Значныя магчымасці камбіната звязаны з сучасным абсталяваннем новага халадзільніка, якім кіруе майстар Васіль Маляўка. Асаблівым попытам карыстаецца не толькі ў нашай краіне, але найперш у Расіі, ахалоджаная ялавічына ў вакуумнай упакоўцы. Тэрмін яе захоўвання 40 сутак, такі больш не забяспечвае ні адно мясаперапрацоўчае прадпрыемства Беларусі!
Для параўнання адзначу, што з тэрмінам прыдатнасці 16 сутак мы адпраўляем на экспарт ялавічыну ў чацвярцінках.


Наперадзе Каляды, Новы год. Што парэкамендуеце да святочнага стала?
— Выбар багаты. Камбінат вырабляе штомесяц каля 40 тон сыравэнджаных і сыравяленых каўбасных вырабаў, якія пастаўляем не толькі ў фірменныя і звычайныя прадуктовыя мясцовыя магазіны, а таксама спажыўцам усёй Віцебшчыны і Гомельскай, Магілёўскай, Мінскай абласцей. Карыстаецца попытам "Белавежская мазаіка" — гэта здробненая да кавалачкаў у 25 міліметраў сыравэнджаная свініна ў абалонцы з натуральнымі вострымі прыправамі.


 Хутка пазнаецца на вітрыне па форме — чатырохвугольны батончык — таксама сыравэнджаная каўбаска "Міёрскі пачастунак". Раю паспытаць каўбаску сыравяленую "Свіную люкс" вышэйшага гатунку ў натуральнай абалонцы, гэта 100%-ная свініна. Спадабаецца вам і вашым гасцям фармаваны прадукт "Балканскі класік", у якім спалучаюцца цэлае сыравяленае мяса і сыравэнджаны каўбасны фарш.
Гэта прадукцыя для гурманаў з поўным кашальком. А калі асаблівых прэтэнзій на арыгінальнасць няма, галоўнае, каб было смачна?
—Кажаце, для гурманаў? Нашы крывяныя каўбаскі "Вясковыя"з грэчкай сталі сапраўднай фішкай у рэстаранах Мінска і вобласці, там іх прапануюць разам з дранікамі! А, здавалася б, нічога прасцей няма.


Між іншым, для святочнага і штодзённага стала забяспечваем вялікі выбар паўфабрыкатаў з ялавічыны і свініны, каўбаскі сырыя, фаршы, шашлыкі—класічныя і на костачцы, без кансервантаў і харчовых дабавак, у марынадзе толькі вада, воцат, соль і чорны перац. Ва ўсёй вобласці ведаюць пельмені нашага вырабу.


 Дастаткова выпускаем прадукцыі эканом-класа, якая карыстаецца масавым попытам. Гэта, напрыклад, сальцісона "Языковая люкс" у натуральнай абалонцы. У яе аснове язык і пячонка буйной рагатай жывёлы, мяса галоў свіней. На аматара — "Зельц з рубца" таксама ў натуральнай абалонцы. Дарэчы, такая ўпакоўка дазваляе захоўваць выраб у прадпрыемствах гандлю да 10 сутак.
Сярод новых прапаноў — хлябец "Фантазія". Гэта вэнджана-вараная каўбаса ў батонах, што ўпрыгожаны дэкаратыўным зяленівам. Аматары пікнікоў і хуткага прыгатавання ацанілі па вартасці нашы "Кебабкі па-кракаўску" — каўбаскі без абалонкі ў вакуумнай упакоўцы. У дамашніх умовах іх дастаткова разагрэць у мікрахвалевай печы — хутка і смачна.


Улічваем, што беларус узімку ніколі не адмовіцца ад сала ці шкваркі. Вось і прапануем вэнджаны шпік у абалонцы "Славянскі люкс" — намаж на лусту хлеба і спажывай!


Будуць і іншыя навінкі, прапаную сачыць за нашай рэкламай.
— Дзякую, асабіста я дэгустацыю пачну са шпіку!

Фота Казіміра БЛАЖЭВІЧА.
Гутарыў Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 203
  • 0

Інвестыцыйны форум

  • 23 сентябрь 2011, 10:05
  • 65 450
  • 1

Пераброддзе 2012. Погляд вучонага

  • 31 август 2012, 15:19
  • 32 091
  • 0

  • 11 февраль 2011, 11:20
  • 30 887
  • 0

Кандыдатамі жадаюць стаць

  • 21 август 2012, 15:30
  • 30 189
  • 0

Злавілі рыбку, ды… залатую

  • 28 февраль 2011, 16:16
  • 26 924
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 214
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 октября 2018
Андрей, Василий, Иннокентий

Именины 22 октября 2018
Авраам, Ефим, Константин, Максим, Петр, Яков

Госці краін
free counters
Партнеры сайта