Авторизация
 

17 лістапада — Дзень утварэння службы ўчастковых

 Участковы інспектар міліцыі — не пасада, не прафесія, а лад жыцця. За трынаццаць год на службе Мікалай ШВЕД у гэтым упэўніўся. У святочныя дні — узмоцнены рэжым. Трэба быць гатовым выехаць на месца здарэння ў выхадны. Будні запаўняюць тэлефонныя званкі, прафілактычныя гутаркі, дакументацыя. У напружанай і часам непрадказнай службе Мікалай Мікалаевіч знайшоў сваю нішу.

— У мінулым годзе прапаноўвалі перайсці ў аператыўна-дзяжурную службу. Адмовіўся. Заставацца на адным месцы — не для мяне, — расказвае міліцыянер. — Участковы інспектар — сам сабе рэжысёр. Плануеш свой дзень, сустракаешся з людзьмі, аб'язджаеш тэрыторыю. Больш разнастайнасці.


Мікалай Швед адказвае за правапарадак у Павяцкім і частцы Перабродскага сельсаветаў. Калі за дзень наведаць усе населеныя пункты, набяжыць 150 кіламетраў. Вывучыў атмасферу кожнай вёскі і хутара. Ведае, дзе трэба бываць часцей, каму нагадаць пра наступствы супрацьпраўных учынкаў.


АБСТАНОЎКУ на сваім участку характарызуе як стабільную. Цяжкіх злачынстваў сёлета не здаралася. Крымінальная класіка — крадзяжы. Злодзеі забіраюцца ў пакінутыя дачныя дамы і "зачыненае" на мятлу жыллё пенсіянераў. З адміністрацыйных правапарушэнняў, як і паўсюль, лідзіруе знаходжанне ў нецвярозым стане ці распіццё спіртнога ў грамадскім або на працоўным месцы.


— Пакаранне да правапарушальнікаў прымяняю ў залежнасці ад сітуацыі. Калі можна абысціся папярэджаннем, выбіраю гэтую меру. Калі вінаваты не зрабіў належных вывадаў,адкажа больш строга. Найбольш эфектыўным метадам лічу лячэбна-працоўны прафілакторый. Некаторыя, вярнуўшыся адтуль, завязваюць са спіртным назаўсёды. У іншых хапае вытрымкі на некалькі месяцаў. Гэта таксама вынік, — гаворыць Мікалай Мікалаевіч.—У любым выпадку парушальнік павінен усвядоміць, што паступае супраць закона і пакараны справядліва. Наш былы ўчастковы Юрый Барысенка вучыў так: пасля таго, як на вінаватага складзеш пратакол, той павінен сказаць "Дзякуй".


МЕНАВІТА па прапанове калегі Мікалай пайшоў у міліцыю. Ён не марыў пра службу ў праваахоўных органах са школьнай парты. Вучыўся ў Лужаснянскім аграрным каледжы, скончыў зоаінжынерны факультэт ветэрынарнай акадэміі ў Віцебску. Паўгода, пакуль не прызвалі ў армію, працаваў у сельскай гаспадарцы ў Мінскай вобласці. Калі вярнуўся дадому ў Павяцце, паслухаўся парады колішняга ўчастковага. Першы пост — ізалятар часовага ўтрымання. У хуткім часе прызначылі сачыць за правапарадкам у родных мясцінах.


— Пачатак быў адначасова простым і складаным, — расказвае міліцыянер. — Тэрыторыю ведаў добра, бо вырас тут. З другога боку, адчуваў сябе няёмка, калі складаў пратаколы на аднавяскоўцаў. Паступова ўсё стала на свае месцы. Напрацаваў вопыт, дасягнуў узаемаразумення з сяльчанамі.


ЯШЧЭ БОЛЬШ, чым разуменне на працы, важная падтрымка дома. Чакаюць са службы жонка Іна Васільеўна, сын-чацвёртакласнік Рэнат і дачушка Паліна, якая ходзіць у дзіцячы садок. З роднымі міліцыянер праводзіць вольныя хвіліны, багатым запасам якіх пахваліцца не можа. Улетку адпачываюць на ваколічных азёрах, ладзяць пікнікі ў сваім двары. Хобі Мікалая Мікалаевіча — матацыклы. Захоплены сталёвымі коньмі з дзяцінства і марыць пра "харлея". Пакуль у дамашнім аўтапарку налічваецца чатыры больш сціплыя адзінкі мотатранспарта. Разам з сынам іх рамантуюць, чысцяць, фарбуюць. Не абдзелены ўвагай службовы аўтамабіль і ўласны трактар. Апошні патрэбны для апрацоўкі агародаў.


НОВЫ дзень участковага інспектара міліцыі Мікалая Шведа пачынаецца ў шэсць раніцы. Незалежна ад таго, у колькі завяршыўся ўчарашні. Трэба справіцца па гаспадарцы. Затым — на службу. Развітваючыся з сям'ёй, не абяцае, што будзе дома адразу пасля 18.00. І ведае, што яго сустрэнуць з цеплынёй у любы час. 

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 274
  • 0

Інвестыцыйны форум

  • 23 сентябрь 2011, 10:05
  • 68 204
  • 1

Пераброддзе 2012. Погляд вучонага

  • 31 август 2012, 15:19
  • 34 495
  • 0

  • 11 февраль 2011, 11:20
  • 33 240
  • 0

Кандыдатамі жадаюць стаць

  • 21 август 2012, 15:30
  • 32 267
  • 0

Злавілі рыбку, ды… залатую

  • 28 февраль 2011, 16:16
  • 30 323
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 284
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 16 ноября 2018
Александр, Богдан, Василий, Викентий, Владимир, Иван, Илья, Иосиф, Кузьма, Николай, Павел, Петр, Сергей, Федор, Федот, Анна, Евдокия, Семен

Именины 15 ноября 2018
Константин

Госці краін
free counters
Партнеры сайта