Авторизация
 

Будынкі на пляцоўцы Міёрскага металапракатнага завода набываюць абрысы

 У офісе "ММПЗ-груп" трапіў на заканчэнне перамоў кіраўніцтва і спецыялістаў будучага прадпрыемства з прадстаўнікамі "Віцебск-грузсэрвісу" — фірмы, якая забяспечвае чыгуначныя перавозкі.  Цяпер яна прадастаўляе свае паслугі па транспартыроўцы металаканструкцый, іншых матэрыялаў і абсталявання. 

Пазней дапаможа ў пагрузачна-разгрузачных работах пры дастаўцы сыравіны і адпраўцы спажыўцам гатовай прадукцыі. Як патлумачыў генеральны дырэктар Пётр Шымуковіч, размова ідзе пра сур'ёзныя аб'ёмы: пры выхадзе на поўную магутнасць ММПЗ штодзень будзе прымаць і адгружаць 10-15 вагонаў!


Але і цяпер на будаўнічую пляцоўку рэгулярна паступаюць металаканструкцыі з Чалябінска, Ніжагародскай вобласці і іншых рэгіёнаў Расіі. Поўным ходам ідзе мантаж "шкілета"непасрэдна лістапракатнага цэха, дзе размесціцца асноўная вытворчасць будучага завода. Галоўны аб'ект мае салідныя памеры: даўжыня больш за 400 метраў, а шырыня — 100.


— На бетонных ростверках, што цяпер на ўзроўні зямлі (пра заліўку іх мы расказвалі раней), мантажнікі ўстанаўліваюць металічныя калоны, на іх — надкалоны рознай вышыні. Увогуле аж да 20 метраў у неба, потым яны звязваюцца перамычкамі, — тлумачыць Пётр Мікалаевіч асноўныя моманты сучаснага прамысловага будаўніцтва, дэманструючы іх на экране смартфона. — Гэта вялікая работа, бо такія калоны будуць стаяць у пяць радоў на 37 восях. Ужо выбраны грунт з катлавана, у якім пачнем заліваць масіўны фундамент пад стан халоднай пракаткі.


Дарэчы, Пётр Мікалаевіч нядаўна вярнуўся з Германіі, дзе гэты стан ужо выраблены. Пакуль нямецкія спецыялісты на стэндзе вядуць яго абкатку, "вучаць працаваць". Ужо 6 лістапада першая група нашых будучых металапракатчыкаў скіруецца на асваенне новых тэхнікі і тэхналогіі за мяжу, а ў студзені той стэнд стане вучэбнай партай і для беларусаў.


— Двухпавярховы будынак адміністрацыйна-бытавога корпуса ўжо перакрыты бетонам, — гаворыць Пётр Мікалаевіч. — На цэнтральнай майстэрні дахавае перакрыцце ўстанаўліваецца, унутры будынка ідзе мантаж насцілаў і іншых металаканструкцый. У ім схаваем ад непагадзі паступаючае тэхналагічнае абсталяванне. Перад адміністрацыйным будынкам заканчваюцца работы на пляцоўцы, якая потым пакрыецца бетонам і стане стаянкай для аўтатранспарта работнікаў. А цяпер амаль на 13 тысячах квадратных метраў зроблены пясчаная, гравійная і шчэбеневая падсыпка — падрыхтавана месца для металаканструкцый. Іх паскоранае і нарастаючае прыбыццё чакаецца ў бліжэйшы час. Магчымае правядзенне тут мытнага кантролю і афармлення.


Размова закончылася на аптымістычнай ноце: пытанне з крэдытамі вырашана, у цэлым работы вядуцца па графіку. Што гэта так, можна пераканацца з аб'язнога маста праз чыгунку, нават з шашы Полацк-Браслаў. Прамысловыя будынкі на пляцоўцы металапракатнага завода пад дырыжорскія ўзмахі высотных кранаў пачынаюць набываць канкрэтныя абліччы.

Фота аўтара.  

Леанід  МАТЭЛЕНАК. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 274
  • 0

Інвестыцыйны форум

  • 23 сентябрь 2011, 10:05
  • 68 204
  • 1

Пераброддзе 2012. Погляд вучонага

  • 31 август 2012, 15:19
  • 34 495
  • 0

  • 11 февраль 2011, 11:20
  • 33 240
  • 0

Кандыдатамі жадаюць стаць

  • 21 август 2012, 15:30
  • 32 267
  • 0

Злавілі рыбку, ды… залатую

  • 28 февраль 2011, 16:16
  • 30 323
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 284
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 16 ноября 2018
Александр, Богдан, Василий, Викентий, Владимир, Иван, Илья, Иосиф, Кузьма, Николай, Павел, Петр, Сергей, Федор, Федот, Анна, Евдокия, Семен

Именины 15 ноября 2018
Константин

Госці краін
free counters
Партнеры сайта