Визит на стройку нового корпуса Миорской ЦРБ

 У сераду, 27 верасня, раён наведаў намеснік старшыні абласнога выканаўчага камітэта Уладзімір Пенін, каб пазнаёміцца з ходам завяршэння будаўніцтва новага корпуса, нават цэлага гарадка цэнтральнай раённай бальніцы. 

Работы ідуць поўным ходам. Гэтымі днямі працавала прыкладна па 180 чалавек з 21 агульнабудаўнічай і спецыялізаванай арганізацый. Яны займаліся аддзелачнымі работамі ў галоўным корпусе і харчаблоку, мантажом спецыяльнага і вентыляцыйнага абсталявання, устаноўкай ліфтаў, добраўпарадкаваннем тэрыторыі. Тлумачэнні па ўсіх пытаннях непасрэдна на аб'екце давалі намеснік старшыні райвыканкама Таццяна Стальмачонак, прадстаўнік генеральнага падрадчыка — старшы прараб трэста "Полацксельбуд" Уладзімір Шавярновіч, намеснік галоўнага ўрача ЦРБ Святлана Бірукова.


— Людзей дастаткова, матэрыялы і абсталяванне паступаюць, заяўленыя фінансавыя авансы пералічаны, — адзначыў Уладзімір Шавярновіч і запэўніў, што бальніца будзе здадзена ў вызначаны тэрмін — вясной 2018-га.


Тым не менш, каб пераканаць у рэалістычнасці такога сцвярджэння, прадстаўнік абласной "вертыкалі" асабіста наведаў важнейшыя аб'екты, удакладняў многія пазіцыі па фінансаванні, наяўнасці сіл і сродкаў, тэрмінах выканання асобных работ, узгодненасці ўстаноўкі абсталявання і магчымасці яго падключэння з медыкамі, верагоднасць падачы цяпла да наступлення халадоў, бо праектнага рашэння па перааснашчэнні ўласнай кацельні яшчэ няма.


Намеснік старшыні аблвыканкама наведаў інфекцыйны корпус бальніцы, каб пазнаёміцца з вынікамі рамонту будынка. 

Фота аўтара.

Леанід МАТЭЛЕНАК.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.