Авторизация
 

У Міёрах прайшоў конкурс "Аўталэдзі-2017"

 Алена БАСІКІРСКАЯ

Фота Казіміра БЛАЖЭВІЧА

5 ліпеня схапіліся ў барацьбе "Chrysler Voyager", "Daewoo Leganza", "Mitsubishi Lancer" і "Volkswagen Passat". Маркі машын
знаёмыя і любімыя,таксама як і іх уладальніцы — Марына Дзям’янава, Марыя Арцімёнак, Аксана Калеснік, Алеся Высоцкая, якія паспаборнічалі на лепшае валоданне тэарэтычнымі і практычнымі ведамі ў аўтасправе. Першы сакратар райкама БРСМ Вікторыя Пяткевіч прыкмеціла: аўталэдзі ў раёне шмат, але на плошчы Леніна ля раённага Дома культуры паказаць клас адважыліся самыя таленавітыя і смелыя.

 Журы, у складзе якога аўтаінструктары Віктар Рубанік, Аляксей Машара, дзяржаўтаінспектар Сяргей Серабракоў і адказныя за работу з моладдзю ў раёне, падрыхтавалася судзіць. І вядучы Ігар Сардыка аб'явіў першы конкурс—прэзентацыю аўтамабіля.

 Алеся Высоцкая прадставіла кагорту прадпрымальнікаў раёна. Яны з мужам гаспадараць у павільёне дзіцячых цацак і канцылярыі "Вясёлка". Алеся за рулём адчувае сябе ўпэўнена, яе клопат—забраць і адвезці дзяцей у садок, а таксама безліч іншых пытанняў, якія вырашае на сваім надзейным жалезным кані—"Chrysler Voyager". Круціць баранку аўталэдзі шэсць гадоў, і за гэты час машына ёй стала сяброўкай.


 Марына Дзям'янава па адукацыі настаўнік беларускай мовы і літаратуры, а ў жыцці—спецыяліст тэрытарыяльнага цэнтра сацыяльнага абслугоўвання насельніцтва. У яе стаж кіравання машынай нават большы чым у мужа—Марына за рулём 11-ы год, Аляксандр—дзясяты. Аўто "Daewoo Leganza" стаў сямейным памочнікам.


 Марыя Арцімёнак—акампаніятар Мікалаёўскага клуба і настаўніца інфарматыкі ў Сіцькоўскай школе. За рулём "Mitsubishi Lancer" яна менш за год, але зусім не пабаялася паспаборнічаць з "аксакаламі" аўтасправы. І недарэмна: смеласць цалкам апраўдалася.
Аксана Калеснік калясіла на любімым "Volkswagen Passat". Кіруе ім чатыры гады, за рулём адчувае сябе ўпэўнена, бо практыкуецца кожны дзень. Працуе Аксана ў Дворнасельскай школе.

 Марына Дзям'янава для прэзентацыі самастойна напісала вершы, дзе яе элегантная "леганза" паўстала бландынкай з чарнявымі вейкамі, а пад капотам—100 конскіх сіл. Аўталэдзі пажадала яшчэ доўга ездзіць са сваёй машынкай.


Алеся Высоцкая аддае перавагу нямецкаму "ваяджару". Апранула яго ў форму галантнага кавалера з капелюшом, чырвонай бабачкай на ўсё лабавое шкло, насунула касцюмчык. І расказала (дарэчы, таксама ў вершах), як свайго абранніка трымаць у форме. Не бяда, калі стукаюць колы, паліўся антыфрыз або працёрлася гума—усё можна паправіць.


Марыя Арцімёнак пра свой "мitsubishi" змагла расказаць толькі ў песні, бо без музыкі тут ніяк. Калясіць на машынцы ад Масквы да Рыгі. І на меншыя адлегласці—у школу ці клуб, або на прыроду. Марыя не хавае задавальнення: яе машына—гэта казка. Але і ў казкі, спявае аўталэдзі, таксама бываюць нюансы…


 Для Аксаны Калеснік бяспека і падушкі—лепшыя сяброўкі, хоць падушкамі ніколі не карысталася, бо ездзіць акуратна. А як сапраўдная аўталэдзі, Аксана ў многім можа заручыцца нават колавымі балтамі…


Наступныя конкурсы для аўтаўдзельніц—тэарэтычныя. У першым этапе лэдзі прыгадвалі правілы дарожнага руху, у другім пабылі аўтамеханікамі і здагадваліся, для чаго служаць свечкі запальвання, што такое антыфрыз і як вызначыць, калі прыйшоў час мяняць масла? Інструктары сцвярджалі, што пытанні простыя, а дзяўчаты часалі патыліцу і нервова адбівалі барабанны дроб пальцамі па капоце. Не ўсе ведалі, які полюс акумулятарнай батарэі далучыць да "масы" аўтамабіля або чаму рухавік "траіць"… Тым не менш кожная канкурсантка ў сваю скарбонку набрала балы.


Наступны этап—практычны. Дзяўчаты прафесійна і акуратна справіліся з усімі элементамі і збілі ўсяго адну фішку. З выпрабаванняў—дыяганальная і задняя паркоўкі, разварот, змейка і роўны ўезд паміж слупкамі на фініш.



  Потым лэдзі ў салоне машыны пераапраналіся на хуткасць у вячэрнюю сукенку. За рэкордны час з гэтым справіліся Алеся Высоцкая і Марына Дзям'янава. У фінальным туры дзяўчаты прэзентавалі ўласны дарожны знак пад умоўнай назвай "За рулём жанчына". Але кожная канкурсантка яго назвала па-свойму. Крэатыў часам зашкальваў. "Забаўныя шалі" з ваганнем улева ці ўправа, "Асцярожна, сумная мама", жанчына за рулём: "Не чапай, бо лясне" і "Не—касметыцы", бо падфарбоўваць вусны ўсё-ткі трэба не ў руху, а хоць тады, калі грэецца рухавік.


Журы падсумавала вынікі. І лепшай аўталэдзі стала Марына Дзям'янава. Яна атрымала дыплом і сертыфікат на 70 рублёў у аўтамагазіне. Іншыя ўдзельніцы таксама ўзнагароджаны дыпломамі і падарункамі. Па традыцыі калектыўнае фота на памяць, і аўталэдзі раз'ехаліся скараць новыя вяршыні, удасканальваць і без таго няслабыя навыкі. У наступным годзе яны хацелі б паўдзельнічаць зноў, бо руліць пад апладысменты ім спадабалася.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 424
  • 0

Інвестыцыйны форум

  • 23 сентябрь 2011, 10:05
  • 31 295
  • 1

Кандыдатамі жадаюць стаць

  • 21 август 2012, 15:30
  • 11 893
  • 0

Злавілі рыбку, ды… залатую

  • 28 февраль 2011, 16:16
  • 10 841
  • 0

Пераброддзе 2012. Погляд вучонага

  • 31 август 2012, 15:19
  • 10 618
  • 0

  • 11 февраль 2011, 11:20
  • 9 633
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 745
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 29 июля 2017
Иван, Павел, Петр, Федор, Алевтина, Валентина, Юлия, Яков

Именины 28 июля 2017
Василий, Владимир, Петр

Госці краін
free counters
Партнеры сайта