Авторизация
 

Дэпутат прымаў у Новапагосцкім сельсавеце

Депутат принимал в Новопогостском сельсовете

Наталія СТАНКЕВІЧ

Фота К. БЛАЖЭВІЧА

 

8 чэрвеня ў Новапагосцкім сельвыканкаме прыём грамадзян правёў дэпутат Палаты прадстаўнікоў Нацыянальнага сходу Рэспублікі Беларусь Андрэй ЮНІЦЫН. За гадзіну паступілі два звароты — асабісты і па тэлефоне. 

 

Жыхар вёскі Дзянісы Леанід Туронак выказаў занепакоенасць станам дарог. Яго шлях праз Волкаўшчыну да Новага Пагоста, куды на ўласным аўтамабілі дабіраецца на працу ў школу, вельмі праблемны. Асфальтавае пакрыццё разбітае. Ямкавы рамонт не дае працяглага эфекту. Акрамя выдаткаў на паліва, штогод затрачваюцца сродкі на замену падвескі. Плаціцца значны дарожны збор, а ездзіць няма па чым, так разважаў Леанід Мікалаевіч.


Дэпутат праблему разумее. Пры сустрэчы з выбаршчыкамі ў сваёй Полацкай сельскай выбарчай акрузе №28 часцей за ўсё чуе скаргі і нараканні на дарожнае пакрыццё. Аднак цяпер у Андрэя Юр'евіча з сабой звод дадзеных, у тым ліку па Міёрскім раёне, уключаных па даручэнні Кіраўніка дзяржавы ў рэспубліканскую праграму паляпшэння мясцовай дарожнай сеткі. Стан той самай дарогі Апанасёнкі-Лужкі-Гваздова, па якой ездзіць Леанід Туронак, ацэнены ў 3,6 бала па пяцібальнай сістэме. Як адзначыў дэпутат, ёсць куды горшыя. Аднак яе адрамантуюць, што ў планах на 2018-2019 гады. У лепшы бок з часам зменіцца і становішча дарог Дзісна-Шаркаўшчына, Друя-Міёры, Каралеўскія-Лужкі, Чарапы-Папшулі-Крупенішча, Рускае Сяло-Паташня-Даўгінава, Міёры-Вазаўнікі.


Як расказаў Андрэй Юр'евіч, дэпутаты Палаты прадстаўнікоў Нацыянальнага сходу абмяркоўваюць пытанні змянення падыходу да спагнання пры тэхаглядзе збору, які дапускае да ўдзелу ў дарожным руху. Больш справядліва разлічваць яго з улікам эксплуатацыі транспартнага сродку—на тры месяцы, паўгода. Не лішнім будзе ўвесці магчымасць пры патрэбе даплаціць. Гэта зручна, напрыклад, для пенсіянераў, якія садзяцца за руль толькі ў дачны сезон. І каб у выпадку набыцця пэўнага аўтамабіля, за які збор спагнаны, новаму гаспадару не даводзілася зноў уносіць яго. Усё пачутае задаволіла Леаніда Туронка з Дзянісаў.


А тэлефонны званок дэпутату паступіў з Дзісны ад маладой сям'і Нікіфаравых. Алена працуе выхавальнікам у дзіцячым прытулку, Васіль—вартаўніком у жыллёва-камунальнай гаспадарцы, выхоўваюць дваіх малалетніх дзяцей. Два гады таму распачалі будаўніцтва ўласнага дома. Карысталіся крэдытам ЦБП №213 філіяла №214 ААТ "ААБ Беларусбанк" г. Наваполацка. Будынак ужо пад дахам, засталіся аддзелачныя работы і ўстаноўка ацяпляльнай сістэмы. Зноў разлічвалі на пазыку. Прадаставіўшы неабходны пакет дакументаў, планавалі атрымаць яе цяпер, каб засяліцца ва ўласнае жыллё да зімы. Аднак просьбу Нікіфаравых задаволяць толькі ў снежні. Ці можна наблізіць дзень чаканага наваселля маладой сям'і, дэпутату Палаты прадстаўнікоў Нацыянальнага сходу яшчэ давядзецца разабрацца.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 657
  • 0

Інвестыцыйны форум

  • 23 сентябрь 2011, 10:05
  • 33 811
  • 1

Кандыдатамі жадаюць стаць

  • 21 август 2012, 15:30
  • 12 368
  • 0

Пераброддзе 2012. Погляд вучонага

  • 31 август 2012, 15:19
  • 11 403
  • 0

Злавілі рыбку, ды… залатую

  • 28 февраль 2011, 16:16
  • 10 930
  • 0

  • 11 февраль 2011, 11:20
  • 10 389
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 867
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 сентября 2017
Александр, Илья, Корнилий, Леонтий, Лукьян, Николай, Петр, Степан, Юлиан

Именины 25 сентября 2017
Алексей, Даниил, Иван, Николай, Федор, Юлиан, Афанасий, Семен

Госці краін
free counters
Партнеры сайта