Авторизация
 

У 2007 годзе ў перакладзе на беларускую мову ў Мінску выйшла кніга нашага земляка Рышарда Курыльчыка “Славянскі світанак”. А сёлета ў перакладзе вядомага журналіста-пісьменніка Анатоля Бутэвіча надрукаваны на беларускай мове яшчэ адзін яго твор “Нязломны з Назарэта”. На прэзентацыі кнігі прысутнічала захавальнік музейных фондаў СШ №3 Марыя Георгіеўна Ермалёнак. Аўтар падпісаў для нашага музея кнігі і друку два свае выданні.

Пра нашага земляка Рышарда Курыльчыка кажуць, што ён з’яўляецца чалавекам адразу ў трох асобах. Па адукацыі—інжынер-канструктар, спецыяліст па будаўніцтву вялікіх электрастанцый, у тым ліку атамных. Яшчэ ён быў знакамітым польскім палітыкам, дзяржаўным дзеячам, працаваў на розных высокіх пасадах, у тым ліку ваяводам Слупскім і Паморскім, намеснікам міністра ў Варшаве. Па-трэцяе, Рышард Курыльчык вядомы не толькі ў Польшчы пісьменнік, але аўтар шматлікіх гістарычных раманаў і аповесцей. У сваіх творах, якія ахопліваюць вялізныя як па часу, так і па тэрыторыі абшары, ён шукае адказы на шматлікія загадкі гісторыі, над якімі б’юцца даследчыкі розных эпох. Але аўтар не толькі грунтуецца на гістарычным змесце, але па-мастацку займальна перадае сэнс гістарычных падзей. Вось чаму ў сучаснай Польшчы яго называюць апошнім з магікан у галіне гістарычнай прозы. Нават параўноўваюць са славутым Генрыкам Сянкевічам.

Наш зямляк—аўтар вядомых гістарычных кніг “Сакрэтныя архівы караля каралёў”, “Іерусалім”, “Апошні апостал”, “Папа” і інш. Першы твор на беларускай мове “Славянскі світанак” быў з прыхільнасцю сустрэты беларускімі чытачамі. Зараз мы маем магчымасць пазнаёміцца з яго новай аповесцю “Нязломны з Назарэта”. Гэта твор пра апошнія гады зямнога жыцця Ісуса Хрыста. Захапляльны, арыгінальны не толькі па зместу, але і па форме. Падзеі трох гадоў зямнога жыцця Божага сына асвятляюцца ў розных па памерах раздзелах—12 гадзінах. Пры тым пра Збавіцеля гаворыцца толькі ў апошняй—12-ай. У іх аўтар укладае глыбокі філасофскі сэнс.

Эпіграф кнігі на лацінскай мове: усе гадзіны раняць, але апошняя забівае.
Аўтар выдатна валодае гістарычнымі дакументамі і рэаліямі жыцця двухтысячагадовай даўніны. Ён па драбініцах сабраў гістарычныя звесткі аб грамадстве, людзях, якія жылі ў Палестыне на пачатку нашай эры.
Твор мастацкі, і таму аўтар дае сваю інтэрпрэтацыю гісторыі і стварае захапляльны сюжэт.

На маё меркаванне, новая кніга Рышарда Курыльчыка не пакіне раўнадушным нікога з чытачоў. Падчас сустрэчы аўтар быў вельмі рады, што на радзіме яго ведаюць і памятаюць, абяцаў прыехаць, каб наведаць роднае Дзедзіна, сустрэцца са сваімі землякамі.

В. ЕРМАЛЁНАК.
рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2021
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2021
Максим, Петр, Марфа, Афанасий, Яков

Госці краін

free counters
Партнеры сайта