Именины 29 марта 2024
Именины 28 марта 2024
Святочная Дзісна
У Дзісне бывалі шведы,
Рады мы, што едуць госці.
Страў хапае на абеды
І падстаў для весялосці.
Хай здымаюць мост прыгожы,
На той бераг праміком
Праз Дзвіну ў дзень пагожы
Пакатае ўсіх паром.
А як шведаў запрашалі:
"Госці, просім у кружок!"
Міша граў — і танцавалі
Нашы польку, крыжачок.
Па траве ішлі ў скокі,
Вялі дружна карагод.
Ды што танцы,песень столькі —
Весялілі ўвесь народ.
Забаўляліся да ночы,
А праграмы — без канца.
Хто ж пайсці з цябе захоча,
Полацкая вуліца?
На новы мост
Студзень быў цёплы, скажу адразу,
Зіму такую я вельмі люблю.
Конік ля хаты стаіць прывязаны,
Кранае санкі і аглаблю.
Нібы ён хоча нешта сказаці,
Кліча гучна гі-гі-гі.
Паедзем шлях праз мост адкрываці,
Што ва Узмёнах злучыў берагі.
А ты, мой Орлік, сапраўдны дружа,
Плаваў са мной па Дзвіне.
Вось і цяпер верна паслужыш,
Шлях мы скароцім удвайне.
Еду на санках там, дзе клёны,
А мост высокі цераз Дзвіну.
У царкве да службы ўжо звоняць,
Вось і я туды павярну.
Паўсюдна людзі выходзяць з хатаў
У святочных строях як на фэст.
З песнямі хлопцы, з імі дзяўчаты
Славяць чаканы праз раку пераезд.
Як весяліліся мае Узмёны,
Запомніў добра да гэтай пары.
Хто будаваў—услаўлялі імёны:
З ракой бурлівай яны змагары.